1 Pita 2:12 - Ibani New Testament

¹² O mịná mịẹnyẹ mininighaapụ ma tórúku gbụ́nụ́nụ́ na ibim, si, nnị ẹ́rẹ́ pa o sịarị sáá ḅẹ́ ọ siinyẹ mịẹm, nnị ọmịna ibifịrị lighilighiḅobẹm si Tamuno ma boma o ḅo bẹ éné.

1 Pita 2:12 ပူးပေါင်းရင်းမြစ်များ

Matiu 10:25

Anị ḅụ́gbẹm ḅẹẹ diriwarị ḅụ nyẹ́dáwọ́arị tụ́wọ amịna nyẹ́dieḅọ fịnị ḅara fịnị, sị fịrịnwangịḅọ sọ amịna nyánáḅọ fịnị ḅara fịnị. Nnị ḅọ́rọ́ warị ma sịbịdáḅọ sịmam Bẹlizibọl tẹ́ nkiki sị nnị ọkọfịnị ẹ́rẹ́ pa wárị ma bieapụ sịbịgha!

Matiu 5:11

<

Matiu 5:16

Anị gbẹ́rẹ́ ḅara ma wáriso sị ị́yẹ́ baá opuma bia túminị́ toruku sị nnị ị́yẹ́ ibifịrị arịị sị ị Daá sobie fịnịḅọ ma túmíní.

Matiu 9:8

Túminị́ kpo ma mịma árị sáá, ḅáláfa nna oju bie sọm, nnị warị Tamuno túmíní ḅẹ́ ọ nwọfịnị kụrọ pa túminị́ pịrịm.

Ibi Oku Ma Luk Anị Gịẹ Ḅara 1:68

<

Ibi Oku Ma Luk Anị Gịẹ Ḅara 19:44

Nnị ọmịnị kị́nị́mamgba gulugulumabẹm, pịghị o pa ḅụ gbiriikélékélé dapịrị ḅụ fịnị awọamaapụ so guluguluma, n gbẹ́rẹ́ dapịrị sọ warịsobịgha jẹ́ ọ́gọ́nọ tegó ọmịnị ine lighlighaa Tamuno ḅo ọ dụaḅọ́rọ́ma dọghụ sáá!>>

Ibi Oku Ma Luk Anị Gịẹ Ḅara 6:22

Karịiḅi fịnị ọ pịrị túminị́ ọ dighi tọ́rụ́akụ sáá, sị o kịẹ sị, pịghị okombo pịghị o wiri ḅẹẹ, ọmịnị sii túminị́ tegó ọmịnị Tumḅọ yii Tụwọ ma duam gosi.

Ibi Oku Ma Jọn Anị Gịẹ Ḅara 13:31

Judas so fama sáá, Jizọs dughom, <

Fịrị Ḅara 15:14

Saimọn mị kirikiri dughofindi wá pịrịmam Tamuno parị Juughaapụ ma na irịa ḅara, sị nna bie túminị́ sẹlẹ́akị ọ ḅụ pịrị.

Fịrị Ḅara 24:13

Anịgha ḅẹ́ mị́sa nnị ine ḅara ḅụ ọlọ bẹnyẹ imi si pa die, mị́sa nnị pa i sịbị sẹarịnyẹ ma.

Fịrị Ḅara 25:7

Pọl anị ngaa láa sáá, Jerusalem ḅụ saghị ḅo Juuapụ ma ọ gbiri ikélekélem warị saghị kirikiri nyẹ dugho ọ sịbị sẹ, kụ́ma nnị ḅara pa ọlọ gbẹ́rẹ́nyẹ sọ ofori ḅẹ́ mị ọ mịẹnyẹ.

Fịrị Ḅara 28:22

Kụ́ma wamịnị ị bịpị náa dọ́ghụm, ị tọ́rọ́ pa anị arịị, ḅẹ mị ogboapụ ma gbólómanyẹ, wa nimim ḅẹ́ ngaamamgba anị dughosima anịị nnị anị dughosimaarị nyẹ.>>

Romapụ 12:17

Ḅọ́rọ́ tumḅọ ị mịẹ irimam, irima nyẹ pa n ḅọ gbẹ́ẹ̄ ma. Arịị ḅẹẹ, ị karakárányẹ ma mịẹm kị́nị́mamgba toruku.

Romapụ 13:13

O ḅo wa karakárá ḅara pa wámịna duma kọọ, éné bie baá ḅụ duma kọọarịapụ ḅara, fị na ḅụ na ḅugha anịgha iru ḅụ tọ́rụ́ḅáma, sẹfị duma anịgha yáakuu ḅụ ófórigha nwángị, bịpị ogbosogha na tọ́rụ́akụ,

Romapụ 14:18

Túminị́ mị ḅara pa fịrịnwangị Krais pịrị sa, n Tamuno mịẹm o bieḅẹlẹ túminị́ pịghị ḅara pụ́nụ́ anị pịrị.

Romapụ 15:9

Juughaapụ ma Tamuno ma túmíní bẹ ḅara ori lolomakúkúbie gosi, Tọ́ndiri ma bie n gịẹ ḅara: <>

1 Kọrịntịapụ 14:25

Nna tẹ́mẹ́bie n kórómanyẹ ma ḅo pághábẹm, n pịghị sịbị tuubẹm sị Tamuno ma tẹ́ghẹ̄ nna sii kiẹarị angaá sị dughoarị ḅẹẹ, <>

2 Kọrịntịapụ 1:12

Wa bịpịkpọm ḅẹẹ wámịna tẹ́mẹ́bie kụ́rọ kúkúbie pa wa pịrịm ḅẹẹ wámịna duma mị tuminikiri wa pịghị ibima ó nana nyáná gboloma mịẹnyẹ ma, ọ́ Tamuno ḅara sághị ḅo karakárá, na gbụ́nụ́nụ́ na Tamuno tọ́rụ́kụrụkụ́rụ́ kụ́rọ ḅụ ḅọ́rọ́ tumḅọ nyẹ́nimi ḅụ ḅọ́rọ́gha pa.

2 Kọrịntịapụ 13:7

Wa Tamuno tẹ́ghẹ́arị ḅẹ́ ọ gbẹ́rẹ́ irima nyẹ sọ mịẹma. Wa mịma mịẹghaa pa die ḅẹ́ wamịnị sáḅá ḅọ́rọ́mam, kụ́ma ọ karakárányẹ ma mịẹbẹ ḅara, tụ́manyẹ ḅẹẹ túminị́ tórúku, wa bịghịmaapụ dighi sọọ.

2 Kọrịntịapụ 8:21

Wa biiarị ḅẹẹ, wa karakárányẹ ma mịẹ, Kị́nị́nyánáḅọ tórúku ngéréghaa, kụ́ma túminị́ tórúku sọ.

Ẹ́fịsọsapụ 2:3

Wamịnị mamgba nnị kị́kám, sị wámịna duma kọọ ojumẹnị tarịarịnyẹ ḅụ na pighi wámịna kóróma na wámịna ojumẹnị dọghụnyẹ mịẹ. Wámịna siiamịẹnyẹ ojumẹnị ma fịnị ḅara ma, n tọ ḅọ́rọ́mam ḅẹ́ Tamuno igani wa láabẹm anịị anị pịghị fịnị kị́nị́mamgba pịrị ḅara.

Ẹ́fịsọsapụ 4:22

Anịgosi ọmịnị ọmịna olom ḅụ ma wáriso, mịẹsị ọ duma kọọarị ḅara pa duma kọọ nyẹ. Mịị olom ḅụ ma guluguluma nyẹ, anịị anị oḅori pa kị́nị́ sị pụghọ tarị nyẹ ma.

Filipaiapụ 1:27

Mịẹnyẹ gonyẹ́ gonyẹ́ ḅụ árị ḅẹ́ ị́yẹ́ duma Krais ibi oku ma na kuram sị ḅọ́rọ́ a ine anịgha a pịghị inegha sị mú ọmịnị arịị a naábẹm ḅẹ ọ kụrọma sẹ́fịnịarị. Gbẹ́rẹ́ tẹ́mẹ́ ḅụ, na pịghị gbẹ́rẹ́nyẹ pụghọ tarị ḅụ, ọmịnị kị́nị́mamgba o sọ gbólomaarị ibi oku ma minini gosi.

Filipaiapụ 4:8

Kunemaá, ịyẹa nángwọ́apụ ọ mịnanyẹ ma pa ọmịna tẹ́mẹ́bie sua bima, ibi nyẹ gonyẹ́ gonyẹ́ sị túminị́ túminíarị nyẹ, tụ́manyẹ gonyẹ́ gonyẹ́, osigha nyánányẹ gonyẹ́ gonyẹ́, karakárányẹ gonyẹ́ gonyẹ́, fíafía nyẹ gonyẹ́ gonyẹ́, ḅẹlẹma na ibinyẹ na pighi kuu na ibi nyẹ.

1 Tẹsalonaikaapụ 4:12

Mị ḅara ma Tamuno nimigha na mininighaapụ ma ọmịnị osibẹm ọ pịghị gbẹ́rẹ́ḅọ sọ tọ́rụ́ dighibịgha ọ pálịma nyẹ gosi.

1 Timoti 2:2

ámányánáapụ na pịghị sịbịdaapụ mamgba sịbị, si wamịnị ine yaghúu na diin duma kọọ bẹ ḅara osigha nyáná Tamuno pịrị na pịghị karakárá mịẹnyẹ ḅụ.

1 Timoti 4:12

Minima gbẹ́rẹ́ḅọ so idighialima ḅẹ́ ịrị ásátụ́wọ, kụ́ma mininiapụ ma ogbo arịị ḅẹ́ ịrị anịị nnị tọ́rụ́ saghị dighi bẹḅọ, ẹ́gẹ́rẹ́ bịpị ḅụ, ị́yẹ́ mịẹmịẹnyẹ ḅụ, ị́yẹ́ ḅẹlẹma ḅụ, ị́yẹ́ minini ḅụ na pịghị ị́yẹ́ tẹ́mẹ́bie fíafía ḅụ.

1 Timoti 5:10

túminị́ pịghị ibima a nimim árị ibiamịẹnyẹ ḅụ, ibiḅara pa árị awọ didighi págháma ḅooḅọ, igonyiapụ datéréma ḅọ a wárịbie, ḅụ sitéréma fịrịnwangị jẹ́ mininiapụ pịrị, ḅárásua ḅụ́ḅáláḅálábie fịnịapụ pịrị, pịghị a ḅụ sághị ibifịrị nwángị pịrị.

Hiburuapụ 13:18

Ọ pa tẹ́ghẹ̄ wa pịrị. Wa nimim ḅẹẹ wa fíafía tẹ́mẹ́ nyanam, wa pịghị karakárá nyẹ́ ma mịẹ dọghụm sámámgba.

Hiburuapụ 13:5

Ọ mịnị ọmịna duma fófóoma igbii ḅẹlẹma ḅụ, ọnyana nyẹ ọ tọ́rụ́ bi, Tamuno kọkọ ḅẹ́, <>

Jems 3:13

Ọmịna bie opu nyẹ́nimi pịghị akanyaḅo nyánáapụ imi? Ọmịnị ọkọọ fịnị ibi duma ḅụ pa anị die, ọ ḅụ sitéréma na opu nyẹ́nimi pa ọ mịẹarịnyẹ gonyẹ́ gonyẹ́ mịẹ.

1 Pita 2:15

Tamuno bim ḅẹ́, ọmịnị ọmịna ibifịrị ḅụ ḅọ́rọ́ o nyẹ ḅụ ófórigha oḅoriapụ ma bịpị pụ́ma nna oḅori ẹ́gẹ́rẹ́ ḅụ.

1 Pita 3:16

O diin ḅara na osigha ḅara pa anị mịẹ, ọmịnị ọmịna tẹ́mẹ́bie mịẹ fiafiama, sị sii ẹ́rẹ pa ọsịarịapụ ọmịna ibi duma Krais bie mịẹbẹm nna ḅụ́gịrịrị n kọọarị si ẹ́gẹ́rẹ́ go.

1 Pita 4:11

Ẹ́gẹ́rẹ́ dugho wásaámaarịḅọ gonyẹ́ gonyẹ́ Tamuno ẹ́gẹ́rẹ́ ma dugho wásámáa, fịrịnwangịapụ Tamuno pa n pịrị ịnyọ mamgba pa fịrịnwangị, sị nyẹ́ gonyẹ́ gonyẹ́ ḅụ túmíní fịnị Tamuno pịrịbẹ ḅara Jizọs Krais ḅụ ḅọ́rọ́. Ipine na kụ́rọ na fịnị pịrịḅọ mú ḅẹsá ḅẹsá la. Anị ọkọ fịnị.

2 Pita 3:11

Mịnanyẹ ma mị ḅara pa gulugulufama bẹ ḅara ma, ọmịnị anịị tọ́rọ fịnị túminị́ ḅara? Ọ tọ́ntọ́ duma kọọ, pịghị ọmịna ḅụ saghị Tamuno ḅárásua,