1 Pita 2:11 - Ibani New Testament

¹¹ A ọ tẹ́ghẹ̄m ịyẹa nángwọ́apụ igoniapụ na biaapụ na mị tuminikiri, ọmịnị sa nyána oju bie mẹnị tarịarịnyẹ ma pịrịma, owu pa sámámgba biebẹ duma ma pághámaarị nyẹ.

1 Pita 2:11 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 21:34

<<Ọmịnị ọ ḅụ ẹbị sị minima opu fị na ḅụ na ọ dighi akị so, ọ pịghị minima sị tuminikiri ḅụḅáláḅálá opuma ọmịna tẹ́mẹ́bie bii sí ọ ḅáláḅálá ma anịgha éné ma ḅo ọ ḅụ koro tọ́rụ́ pa dighigha sáá, sọ́ḅọ́rọ́ n tughu dia.

Fịrị Ḅara 15:20

Anịmanakaragha wa ábálálá gịẹ nnị pịrịbẹm ḅẹ́ nnị nna ḅụ fófóoma túminị́ pa igwagwaá oru pịrị fị́nyẹ ḅụ, tegó nnị anị pa igwagwaá oru pịrịm gosi, n pịghị nna ḅụ si yáakuu ḅụ ofori nwángị ḅụ, ḅẹẹ nnị pịghị n nụ́nụ́ḅa nama pẹẹ́ ma, anịgha pulo ḅuu.

Fịrị Ḅara 15:29

Ọmịnị nnị pa igwagwaá oru pịrị nama pẹẹ́ ma, pulo oju ḅụ págháḅoarị nama pẹẹ́ ma, n pịghị nnị nụ́nụ́ḅa nama pẹẹ́ ma, ọ pịghị ọ ḅụ si yáakuu ḅụ ofori nwángị ḅụ. Ọ ḅọ́rọ́ ọ ḅụ warị warịị mịnanyẹ ma ḅụ, ọmịnị ibiḅara mịẹbẹm. Ọmịnị ibima fịnị.>>

Romapụ 12:1

Anị ẹrẹ́sị, mịnaapụ, Tamuno ma nyáná wa pịrị opu lolomakúkúbie gosi, a ọ tẹ́ghẹ̄m ḅẹ́ ọmịnị ọmịna ḅụ pa duma igwagwaá Tamuno pịrị, n fófóoma ori fịrị pịrịnyẹ na pịghị ọ ḅẹlẹma nyẹ. Mịma anịị ọmịnị pa ọ pịrịbẹ tụ́ma susi.

Romapụ 7:23

Kụ́ma a jẹ́ ólóghó arịm fịrịnwangịarị nyẹ ị́yẹ́ oju bie, owu pa ikúkúbie miniakị ólóghó ma pághámaarị nyẹ. Anị i mịẹm a ikólinaḅọ sọ pa sii ólóghó ma pịrịm, ị́yẹ́ oju bie fịrịnwangịarị nyẹ.

Romapụ 8:13

Ḅẹẹ ọ duma kọ ọmịna ojumẹnị ma dọghụarị ḅara, ọ fị́ị́bẹm; kụ́ma ḅọ́rọ́ ọ Tẹ́mẹ́ ḅụ ọmịnị ojumẹnị siiamịẹnyẹ ma ḅa nḅẹḅẹ́ o dumabẹm.

2 Kọrịntịapụ 5:20

Wamịnị anị mị́sa sẹ Krais pịrịarịapụ sọ́ḅọ́rọ́ Tamuno wa ḅụ ḅọ́rọ́ túminị́ tẹ́ghẹ̄arị. Wa Krais sịbị go ọ tẹ́ghẹ̄arị; ḅẹẹ Tamuno iruonaapụ ḅụ ọ pịghị mú ọrẹ nangwọapụ sọọ.

2 Kọrịntịapụ 6:1

Wamịnị na Tamuno na nwángị gbólomaarị fịrị ma, wamịnị ọ tẹ́ghẹ̄m, ọmịnị Tamuno tọ́rụ́kụrụkụ́rụ́ nyánámaapụ ḅẹẹ ọmịnị anị guluguluma ma.

2 Kọrịntịapụ 7:1

Ị́yẹ́ ibi nángwọ́apụ mịnanyẹ mamgba n minini pa wa pịrịm, anịgo wa wámịna ḅụ mịẹ fiafiama, wámịna oju anịgha wámịna tẹ́mẹ́ ịlọlịma bẹnyẹ gonyẹ́ gonyẹ́ ḅụ, wa pịghị káara ḅara ḅụ tọ́ntọ́ duma kọọ Tamuno ḅụ.

Galesiaapụ 5:24

Krais Jizọs ḅụ fịnịapụ ma gonyẹ́ gonyẹ́ nna ojumẹnị na anị tarịarịnyẹ ma ḅamam sị ánị fịị.

Ẹ́fịsọsapụ 2:19

Anịgosi ọmịnị Juughaapụ ọmịnị mị́nị́ biaapụ na igoniapụghaa. Wamịnị kị́nị́mamgba furoawọ dighimam, ọmịnị na Tamuno tọ́ntọ́apụ mamgba, ọmịnị mị́sa Tamuno wárịapụ.

Ẹ́fịsọsapụ 4:1

Anịgosi a ọ tẹ́ghẹ̄m ịrị mị́sa ikólinaḅọ a fịrịnwangị Kị́nị́nyánáḅọ ma pịrịarị goo ḅẹ́, ọ duma kọọ Tamuno bi ḅara ḅẹẹ o duma kọọ, ori ọ sị sáá.

2 Timoti 2:22

Ọmịnị ọ ḅụ si ásáawọ na ẹ́rẹ́maawọ ojumẹnị tarịarịnyẹ ma ḅụ, sị ịnyọ pa karakárá ibiamịẹnyẹ dua, minini, ḅẹlẹma na diin na. Ị mịma mịẹbẹm ịrị na tẹ́mẹ́ fíafía ḅụ Kị́nị́nyánáḅọ ma sịarịapụ mamgba ḅẹ́ ọ ḅárásua n pịrị.

Hiburuapụ 11:13

Mịnaapụ mamgba fịịm pa mininiarị Tamuno mini n pịrịnyẹ ma nyánaḅogha sọ, kụ́ma ḅọlọanga nnị anị arịm sị anị datéréma warị dughopágháma kị́nị́mamgba tórúku bẹ nnị ọ́ igoniapụ na asọnwángiapụ tuminikiri.

Hiburuapụ 6:9

Ị́yẹ́ ibi mịnaapụ wa ḅọ́rọ́ nwọpa ẹ́gẹ́rẹ́kọọ sọ, wa biekpọ nyánam ọ fịnị angaá wa nimim ḅẹẹ ọmịnị ibi mịma nẹ́ngị boma nyanam, ọmịna dụaḅọ́rọ́ma na ḅo nyẹ.

Jems 4:1

Ọ tẹ́ go jụghọ jụghọ na owusọarị pịghị ḅẹ́rẹ́fángálámáarị? Ọmịna ojumẹnị ḅẹlẹma nyẹ anịị sámámgba owusọarị nyẹ́gha ọmịna bie?

1 Pita 1:1

Irị Pita, Jizọs Krais fịrịmaḅọ anịị mị diri gịẹ ọ fịrịmaarịḅọ. Tamuno sẹlẹakịapụ, n gálágáláma kóróma igoniapụ Pọntus ḅụ, Galesia, Kapadosiya, Esiya na Bitiniya ama gbọrụ bie.

1 Pita 1:17

Ọ Tamuno ma tẹ́ghẹ̄arị sa, ọ Daḅọ pa ọ sim. Ori anị gbẹ́rẹ́ ḅara pa ḅẹ́rẹ́kọ kị́nị́mamgba pịrịarịḅọ, ọ́rụ́ḅọ ọ́rụ́ḅọ mịẹnyẹ labiri ḅụ. Anịma go, ị́yẹ́ duma éné kọnyẹ́ ma tuminikiri, árị bẹ, ịrị anị pa opu osigha nyáná pa ọ pịrịm.

1 Pita 4:12

Ị́yẹ́ ibi nangwọapụ, anị ọ tọ́rụ́ nẹ́ngimama ọmịnị árịarị oju akụ ma daádighi ma, soḅọ́rọ́ jẹ́ kịrịnyẹ ọmịna ḅụ págháarị.

1 Pita 4:2

Ḅẹ́ mị́sa saghị bịpịmú, ọmịnị ọmịna duma kọnyẹ́ ma kọọ tuminikiri Tamuno tọ ḅara, mịnị duma kọma tuminikiriapụ sii duma kọarị ḅara.

2 Pita 3:1

Ị́yẹ́ ibi nangwọapụ, mị mị́sa a gịẹ ọ fịrịma ma mmẹẹ́ kárámá ábálálá. Mịná mmẹẹ́ ábálálá ma ḅụ, a ḅụ́kọ́rọ́mamam si fíafía kóróma timi saghịma ọmịna tẹ́mẹ́bie, a mịnanyẹ ma pa ọmịna biekórómáarị ḅara.