1 Pita 1:8 - Ibani New Testament

⁸ Ọmịnị ọ ḅẹlẹmam, na ọmịnị ori arịgha so, ọmịnị ọ ḅụ mininim na mị́sa ọmịnị ori arịgha sọ, mị́sa ọdurụkụarị opu bieḅẹlẹ na ipine ḅụ bii nyẹ, ẹ́gẹ́rẹ́ bịpị ine anị dugho pághámabịgha nyẹ,

1 Pita 1:8 ပူးပေါင်းရင်းမြစ်များ

Matiu 10:37

<

Ibi Oku Ma Jọn Anị Gịẹ Ḅara 14:15

<<Ọ ḅọ́rọ́ i ḅẹlẹma ḅẹlẹma, ọmịnị ị́yẹ́ ologho ma kokobẹm.

Ibi Oku Ma Jọn Anị Gịẹ Ḅara 14:21

<<Ị́yẹ́ ologho ma daakị ḅọ gonyẹ́ gonyẹ́ sị anị dughonyẹ mịẹ, anị tumḅọ ma anịị i ḅẹlẹma ḅọ. I ḅẹlẹma ḅọ i Daá ma n ḅọ ḅẹ́lẹ́mabẹm, ịrịsọ n ḅọ ḅẹ́lẹ́mabẹm pịghị ịḅụ pa n ḅọ diebẹm.>>

Ibi Oku Ma Jọn Anị Gịẹ Ḅara 14:24

I ḅẹ́lẹ́maghaḅọ ị́yẹ́ dienyẹ ma dughonyẹ mịẹbịgha. Ọ pịghị náa maá dienyẹ ma ị́yẹ́ angaá nyẹ́gha, i fịrịma Daḅọ ma anịị anị nyánányẹ.

Ibi Oku Ma Jọn Anị Gịẹ Ḅara 16:22

Anịị anị ọmịnị na fịnị ḅara: mị́sa anịị ọmịna tẹ́mẹ́sii sa, kụ́ma a jẹ́ pa ọmịnị árịbẹm ọ pịghị dụrụkụbẹm, gbẹ́rẹ́ḅọ sọ pịghị ine ọmịna bieḅẹlẹ kikibịgha.

Ibi Oku Ma Jọn Anị Gịẹ Ḅara 20:29

Anịsáa Jizọs warị dugho ọ pịrị, <<Ị́ árịmam gosi i minimam. Karịiḅi fịnị arịgha, si mininiapụ ma pịrịm.>>

Ibi Oku Ma Jọn Anị Gịẹ Ḅara 8:42

Jizọs dugho n pịrịm, <<Ḅọ́rọ́ Tamuno anịị ọmịna Daá, ọmịnị i ḅẹ́lẹ́mabẹm, ḅẹẹ a Tamuno ḅara saghịḅom a mịnga ma ḅụ imi mị́sa. A ị́yẹ́ kụ́rọ ḅụ ḅogha; kụ́ma ori i fịrịmam.

Fịrị Ḅara 16:34

Ọ warị Pọl na Sailas si akị ọ warị ḅo, warị fị́nyẹ pa n pịrị fịị. Ori na ọ wárị gbọrụ ḅo opuma bieḅẹlẹm, tegó ḅẹ́ mị́sa nnị Tamuno ḅụ mininimam.

Romapụ 14:17

Tamuno ma kọnsịn ma fị na ḅụ na ḅụghaa, kụ́ma karakárá ibiamịẹnyẹ ḅụ, diin ḅụ, na bieḅẹlẹ ḅụ Tọ́ntọ́ Tẹ́mẹ́ ma pịrịarịnyẹ.

Romapụ 15:13

A tẹ́ghẹ̄arị ḅẹ́, Tamuno ma, tọ́rụ́dighi nyẹ ḅara saghị ḅoḅọ opu bieḅẹlẹ na diin pa ọ pịrị, ọmịnị ọ ḅụ nyáná minini ḅụ ḅọ́rọ́ sị ọmịna tọ́rụ́ dighinyẹ sẹnị tórúku tórúku mú Tọ́ntọ́ Tẹ́mẹ́ ma kụrọ ḅụ.

1 Kọrịntịapụ 16:22

Kị́nị́nyánáḅọ ma ḅẹ́lẹ́maghaaḅọ gonyẹ́ gonyẹ́ gbonyẹ n ḅọ sịbị ọgọnọ. Yei Kị́nị́nyánáḅọ Ḅoo!

2 Kọrịntịapụ 1:22

Ori anịị ọrẹ ilíghíma suamaá ḅọ wámịna ḅụ, pịghị Tọ́ntọ́ Tẹ́mẹ́ ma pa wa pịrịmaá ḅo wámịna tẹ́mẹ́bie, mịma anị ọ pa wa tẹ́mẹ́kụ́rọma ọ nyáná kóróma wa pịrịnyẹ.

2 Kọrịntịapụ 12:4

anị ngá a nyẹ́ naam tumḅọ dughobịgha nyẹ n mịnị túminị́ pịrịgha sị nnị anị dugho.

2 Kọrịntịapụ 4:18

Wa wámịna tọ́rụ́ pa wamịnị arịarị nyẹ ḅụ gbánāgha kụ́ma tọ́rụ́ arịgha nyẹ ḅụ, tọ́rụ́ arịarị nyẹ ma fịnị ḅọlọgha kụ́ma tọ́rụ́ arịgha nyẹ ma fịnị gbámásom.

2 Kọrịntịapụ 5:7

Wa minini pa dúmakọm, wa tọ́rụ́ pa arịnyẹgha.

2 Kọrịntịapụ 9:15

Túmíní fịnị Tamuno pịrịị, ọ pa wa pịrị sị tumḅọ ine anị dughofindi bigha dienyẹ!

Galesiaapụ 5:22

Kụ́ma Tẹ́mẹ́ ma pághámaḅoarị sịmgbọlụ anịị, ḅẹlẹma, bieḅẹlẹ, diin, ngịrịma, ibitẹ́mẹ́ nyána jụghọ jụghọ pịrị ibinyẹ, tẹ́mẹ́ gbánā,

Galesiaapụ 5:6

Wa ḅo Krais Jizọs na gbẹ́rẹ́nyẹ mịẹ sáá, tumḅọ tọ́ngọ̄ pẹ́lẹ́ na tumḅọ tọ́ngọ̄ pẹ́lẹ́gha na mịẹnyẹ ofori. Nyẹ ḅụ sọnyẹ anịị minini ḅẹlẹma ḅụ ḅọ́rọ́ anị ḅụ die pághámaarị nyẹ.

Ẹ́fịsọsapụ 3:19

Ọ ḅo Krais ḅẹlẹma nimii, anị opuma dụḅam, ọmịnị ine anị akanyaḅo famabịghaa sị Tamuno ma fịnị ḅara ọmịna duma bie sọ bi sị pịghị ọsụ sara.

Ẹ́fịsọsapụ 6:24

Tamuno tọ́rụ́kụrụkụ́rụ́ fịnị kunema nyanagha ḅẹlẹma pa wámịna Nyáná ḅo Jizọs Krais ḅẹlẹmaapụ pịrị.

Filipaiapụ 1:25

Mịma a ibima anị nimim anịgo a nimim ḅẹ a fịnịbẹm, a pa ọmịnị kị́nị́mamgba na fịnịbẹm si ọ tórúku mú bẹ ḅara pịghị bieḅẹlẹ minini ma ḅụ.

Filipaiapụ 3:3

Wamịnị anịị karakárá tọ́ngọ̄ pẹ́lẹ́apụ ma nnigha, wamịnị wa Tamuno tẹ́ghẹ̄arị ori Tẹ́mẹ́ ḅụ ḅọ́rọ́, pịghị bieḅẹlẹ nyáná wámịna duma Krais Jizọs bie. Wa tẹ́mẹ́ pa ojumẹnị mịẹ mịẹnyẹ ḅụ gbánāgha.

Filipaiapụ 4:4

Sámámgba bieḅẹlẹ ḅẹ i Kị́nị́nyánáḅọ bie imi gosi. A sima anị dughom dụrụkụụ!

Hiburuapụ 11:1

Minini anịị tẹ́mẹ́kụ́rọ nyána wa ḅụ tọ́rụ́ dighinyẹ ḅụ, wa tẹ́mẹ́ jighe jighegha wamịnị arịgha nyẹ ma ḅụ.

Hiburuapụ 11:27

Minini anịị Mosis mịẹsị ori Ijipiti wáriso nyẹ ámányánáḅọ ma bieoḅu dighi ḅáláfagha pa. Ọ mini ọḅụdagha sọ ḅọ́rọ́ ọ tọ́rụ́ pa n tọ́rụ́ pa árịrịgha Tamuno ma arịm.

1 Pita 1:6

Bieḅẹlẹ mịma pịrị, anị ḅọ́rọ́ o biesima mḅẹ́sọ mị́sa, ọmịnị árịarị tọ́rụ́kịrịkị́rị́ daádighi gosi.

1 Pita 2:7

Mị dapịrị ma anị opuma nyẹ́la ọmịnị mininiapụ ma pịrịm, kụ́ma mininighaapụ ma: <>

1 Pita 5:4

Sị sịbịda Ánánákúrúḅọ ma ḅo sa ọmịnị ipine ogunu nyáná bẹ ḅara anị baá jẹ́ éné jẹ́ éné sịrịfabịgha nyẹ.