1 Pita 1:6 - Ibani New Testament

⁶ Bieḅẹlẹ mịma pịrị, anị ḅọ́rọ́ o biesima mḅẹ́sọ mị́sa, ọmịnị árịarị tọ́rụ́kịrịkị́rị́ daádighi gosi.

1 Pita 1:6 ပူးပေါင်းရင်းမြစ်များ

Matiu 11:28

<<Ọmịnị i damaḅo ọmịnị ịnyọ faá sị pịghị nyẹ́ pụ́nụ́maapụ a pịghị ịnyọ́sárá pa ọ pịrịbẹm.

Matiu 26:37

Ọ Pita na Zebidi mmẹẹ́ awọ akị múm sị biesii na tẹ́mẹ́ ḅụḅáláḅálá warị ọ ḅụ ḅoo.

Matiu 5:12

Bieḅẹlẹ dụrụkụ tegó ọmịna gbẹ́ẹ̄ nyẹ opuma dụḅam sobie, ḅẹ́ anị gbẹ́rẹ́ ḅara ma anịị nnị ọ tórúku fịnị ikiakoroapụ ma pa tọ́rụ́siarịma ḅara.

Ibi Oku Ma Luk Anị Gịẹ Ḅara 1:47

I tẹ́mẹ́ pịghị Tamuno ḅụ dụrụkụarị ị́yẹ́ Dụaḅọ́rọ́maḅọ.

Ibi Oku Ma Luk Anị Gịẹ Ḅara 10:20

Kụ́ma o bieḅẹlẹma ḅẹẹ sitẹ́mẹ́ ọmịna bịpị osim, tụ́ma o bieḅẹlẹ ḅẹẹ sobie nnị ọmịna ẹ́rẹ gịẹmam.>>

Ibi Oku Ma Luk Anị Gịẹ Ḅara 2:10

Sookumuḅọ ma warị n ḅẹẹ, <<Ọ ḅáláfama, a kị́nị́mamgba bieḅẹlẹma bẹ ibi oku akuoo ọ pịrịm.

Ibi Oku Ma Jọn Anị Gịẹ Ḅara 16:22

Anịị anị ọmịnị na fịnị ḅara: mị́sa anịị ọmịna tẹ́mẹ́sii sa, kụ́ma a jẹ́ pa ọmịnị árịbẹm ọ pịghị dụrụkụbẹm, gbẹ́rẹ́ḅọ sọ pịghị ine ọmịna bieḅẹlẹ kikibịgha.

Ibi Oku Ma Jọn Anị Gịẹ Ḅara 16:33

<>

Fịrị Ḅara 14:22

Nnị ịnyọ pa mininiapụ ma ḅụ suam ḅẹẹ nnị karakárá ḅụ sẹ nna minini ma pịrị. Warị pa n die ḅẹẹ, <>

Romapụ 12:12

Ị́yẹ́ tọ́rụ́ dighinyẹ ịbieḅẹ́lẹ́ma, ingịrịma nyáná ị́yẹ́ ḅụḅáláḅálá mamgba ḅụ, tẹ́ghẹ̄ sámámgba ḅụ.

Romapụ 5:11

Kụ́ma anịma ngéréghaa, tego wa dụrụkụ Tamuno mịẹmáa nyẹ ma pịrịm wa Nyánáḅọ Jizọs Krais ḅụ ḅọ́rọ́, Tamuno nangwọapụ pa wa mịẹmáa ḅo.

Romapụ 5:2

O minini ḅụ wamịnị akuoo mịị Tamuno tọ́rụ́kụrụkụ́rụ́ ma bie suam, wa bie mị́sa duma kọarị nyẹ. Anịgosi wa bịpịkpọm wa tọ́rụ́ dighinyẹ nyánam ḅẹ́, Tamuno ma ipine ḅụ wa diekiri nyánábẹm.

Romapụ 9:2

Opu tẹ́mẹ́sii ịḅụ imii na mịnị kunemagha ḅụakụ i tẹ́mẹ́bie.

2 Kọrịntịapụ 4:17

Ḅẹ́ mị kálá sáátụọ ḅụ wámịnị arịarị tọ́rụ́siarị ma, dụḅa wásáma gbámásó boma akuoo wa pịrịbẹm wamịnị árị ḅụḅáláḅálá ma nẹ́ngịbẹm.

2 Kọrịntịapụ 6:10

Nnị wa biesimam, wa pa sámámgba bieḅẹlẹarị, wa igonyinapụ kịkam, kụ́ma wa tọgha tọghaapụ pa álásọ́maarị, wa ḅẹnyẹ ḅẹnyẹ nyánágháapụ kịkam, anịsọ wa nyẹ gonyẹ́ gonyẹ́ nyánam.

Galesiaapụ 5:22

Kụ́ma Tẹ́mẹ́ ma pághámaḅoarị sịmgbọlụ anịị, ḅẹlẹma, bieḅẹlẹ, diin, ngịrịma, ibitẹ́mẹ́ nyána jụghọ jụghọ pịrị ibinyẹ, tẹ́mẹ́ gbánā,

Filipaiapụ 2:26

Anị opuma ọ pụghọ tárịarị ḅẹ́ ori ọmịnị kị́nị́mamgba arịị anị pịghị ọ ḅụ ḅáláḅálámam ọ náa sáá ḅẹ́ ori obii fịịfịị ḅára fịnịm.

Filipaiapụ 3:3

Wamịnị anịị karakárá tọ́ngọ̄ pẹ́lẹ́apụ ma nnigha, wamịnị wa Tamuno tẹ́ghẹ̄arị ori Tẹ́mẹ́ ḅụ ḅọ́rọ́, pịghị bieḅẹlẹ nyáná wámịna duma Krais Jizọs bie. Wa tẹ́mẹ́ pa ojumẹnị mịẹ mịẹnyẹ ḅụ gbánāgha.

Filipaiapụ 4:4

Sámámgba bieḅẹlẹ ḅẹ i Kị́nị́nyánáḅọ bie imi gosi. A sima anị dughom dụrụkụụ!

1 Tẹsalonaikaapụ 1:6

Ọ wa daá, wa duma kọ ḅara kọọm pịghị Kị́nị́nyánáḅọ daa duma kọọ ḅara kọọ: anịsọnị ḅẹẹ ọmịnị opuma tọ́rụ́siarịm, ọ Tọ́ntọ́ Tẹ́mẹ́ ma ḅara ḅo bieḅẹlẹ pa ibi oku ma daákịm.

Jems 1:2

Ḅẹ́ anị o bieḅẹlẹma, tọ́rụ́kịrịkị́rị́ daádighi ọmịna asọ mgbẹsẹ sa.

Jems 1:9

O kúru a dugho ọ pịrị Krais asọ duaarị siminiapụ bieḅẹ́lẹ́bẹm, Tamuno n dighi sóghóloma sa.

Jems 4:9

Ọ dụadu, ọ mịnị owuú, ọmịna dẹrị anị pịghị owuú nyẹ sọ, ọmịna bieḅẹlẹ ḅo pịghị tẹ́mẹ́sii ḅụ sọọ

1 Pita 3:17

Anị ibiḅam ḅẹ́ tumḅọ tọ́rụ́siarị ibifịrị ḅụ, ḅọ́rọ́ mịma anịị Tamuno tọ ḅara, sị siinyẹ mịẹsị tọ́rụ́siarị nakaragha.

1 Pita 4:7

Nyẹ́ gonyẹ́ gonyẹ́ kunema kikiamam, anịgosi ọmịnị ọmịna ḅụ ọlọbẹm, ọ pịghị tọ́rụ́ findiwarịbẹm sị ọmịnị ine tẹ́ghẹ̄ bẹ ḅara.

1 Pita 5:10

Ọ kẹ́lẹ́ tọ́rụ́siarị so sáá, tọ́rụ́kụrụkụ́rụ́ mamgba nyáná Tamuno ma, ọ sị ḅo bẹ ọ ḅo diekiri nyáná ọrẹ gbámásó ipine ma ḅụ Krais bie, ori ma pịghị ọ mịẹ kpaimabẹm, pịghị ọ sẹ kụ́rọ́mabẹm pịghị ịnyọ, na pịghị karakárá súghúise pa ọ pịrị.