1 Pita 1:5 - Ibani New Testament

⁵ Anị fịnị ọ pịrịm, minini ḅụ nnị Tamuno kụ́rọ pa koko wárịapụ pa mị dụaḅọ́rọ́ma ma pịrị, tẹ́lẹ́mamaá nyẹ si anị ḅụ die bii nyẹ sa kunema ḅụ.

1 Pita 1:5 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 12:48

I sịghịapụ gonyẹ́ gonyẹ́ sị mịnị ị́yẹ́ oku mininiakịgha, nna sịbị ḅẹ́rẹ́kọ bẹḅọ nyánam. A kọmaá ẹ́gẹ́rẹ́ ma nna sịbị ḅẹ́rẹ́kọbẹm kunema éné ma ḅụ.

Ibi Oku Ma Jọn Anị Gịẹ Ḅara 17:15

Ị́yẹ́ tẹ́ghẹ̄ a bigha ḅẹ́ ị́ n sịịakị tuminikiri ma ḅụ, kụ́ma ịrị nnị kokowarị sii tumḅọ ma ḅarabie.

Ibi Oku Ma Jọn Anị Gịẹ Ḅara 4:14

kụ́ma a pịrịbẹ mingi ma ḅuu ḅọ gonyẹ́ gonyẹ́ n ḅo pụghọ mịnị jẹ́ pa sámụ́nọbịgha. A pịrị ḅuu bẹ mingi karakáráma mingi du igbe dighibẹm n ḅo bie, sẹnị sị duma gbámásó pịrịbẹnyẹ.>>

Ibi Oku Ma Jọn Anị Gịẹ Ḅara 5:24

<

Romapụ 11:20

Mịma karakárányẹ. Nnị nna anyịmasim nnị mininigha gosi, nnị warị ọ pa nna kiri ḅụ warị, ọ mininim gosi. Kụ́ma anịma pa bịpịkpọ ma; anịmanakaragha ḅáláfaa.

Romapụ 8:18

A arịḅom ḅẹ́ wa mị́sa árịarị tọ́rụ́siarị ma, nnị pa ine toruku n pa wa die bẹ ipine ma na tọ́mábịgha.

1 Kọrịntịapụ 1:21

Tamuno ori opu nyẹ́nimi ḅụ mịẹm ḅẹ́ anị opuma ḅụdáa ḅẹ́ túminị́ nna níminyẹ ḅụ ḅọ́rọ́ nnị ḅoo o nimi. Tụ́ma wa dugho wásámaarị oḅori oku ma ḅụ ḅọ́rọ́ Tamuno anị ọ ḅụḅẹlẹ ḅara ḅụ mininiapụ ma duaḅọ́rọ́mam.

2 Kọrịntịapụ 1:24

Ḅẹgha ḅẹ́ wa dugho ọ pịrịarị ḅẹ́ ọ minini, wa nimim ḅẹ́ ọ sẹ kụrọm ọmịna minini ḅụ, Anịmanakaragha wamịnị ó nana nwángị gbólomaarị ọmịna bieḅẹlẹ bẹ ḅara.

Galesiaapụ 2:20

Nnị ịrị na Krais na ḅaupálịmam a pịghị mịnị dúmaghaá, kụ́ma Krais i biebẹ dumafịnịm. Ojumẹnị ma ḅụ a kọarị duma ma, a anị kọm Tamuno Tụ́wọ ma ḅụ a nyáná minini ḅụ ḅọ́rọ́, i ḅẹlẹma ḅọ pịghị i sịbị gosi fịịḅọ.

Ẹ́fịsọsapụ 2:8

Tegó Tamuno tọ́rụ́kụrụkụ́rụ́ gosi anịị ọ ḅọ́rọ́ma nyána nyẹ minini ḅụ ḅọ́rọ́ mịma Tamuno ḅara anịị anị sághị ḅo nyẹ ọmịna ḅárabiegha anịị Tamuno dienyẹ,

Ẹ́fịsọsapụ 3:17

A pịghị tẹ́ghẹ̄arị ḅẹ́ minini ḅụ ḅọ́rọ́ Krais ọmịna tẹ́mẹ́bie ngábẹm sámámgba. A pa tẹ́ghẹ̄arị ḅẹ́ ọmiẹ bẹnyẹ gonyẹ́ gonyẹ́ ọ ḅẹlẹma ḅụ ḅọ́rọ́ anị mịẹ,

Filipaiapụ 1:6

Anịgosi a ibima nimim ḅẹ́ Tamuno mịị ibifịrị ma saghị ḅọ ma ọmịna ḅụ, anị saghị bịpị mubẹm akị mú ori anị mịẹ kárámá sa láa Jizọs Krais éné ma ḅụ.

Filipaiapụ 4:7

Anịsáa Tamuno ma diin, opuma tumḅọ akanyaḅo nẹ́ngị nyẹ warị Krais Jizọs ḅụ ị́yẹ́ tẹ́mẹ́bie na ikúkúbie koko warịbẹm.

2 Timoti 3:15

Ịrị pịghị biekóróma ḅẹ sághị ị́ ịrụ sáá éné éné i Tọ́ndiri ma nimimam ine níminyẹ pa ị pịrịbẹnyẹ si ị daa muu dụaḅọ́rọ́ma nyáná Krais Jizọs ḅụ fịnị minini ḅụ ḅọ́rọ́.

Taitọs 2:13

wa boma éné ma kúruarị sa, wámịna tọ́rụ́ dighinyẹ nyáná éné ma anịị wámịna opu Tamuno na wámịna Dụaḅọ́rọ́maḅọ Jizọs Krais ipine na ḅo bẹ sa.

Hiburuapụ 6:12

Wa bighaa o ḅo ịnyọfaapụ sọ, kụ́ma o ḅo mininiapụ kịkáa, inema na minini ḅụ ḅọ́rọ́ Tamuno minini n pịrịnyẹ ma nyáná ḅo bẹapụ.

Hiburuapụ 9:28

Anị gbẹ́rẹ́ ḅara ma n Krais pa igwa gwam gbẹ́rẹ́ sáá sị ọ tọgha tọghaapụ sii sịrị si. O pịghịma ḅobẹm mmẹẹ́ kárámá sa, sii gosigha, kụ́ma ori o kúruarịapụ ma dụaḅọ́rọ́ma bẹ ḅara.

1 Pita 1:13

Ọmịnị ọmịna kúkúbie karakáráma warị fịrị pịrị, ọ tẹ́lẹ́ma, pịghị ọmịna tọ́rụ́ dighinyẹ pa n pa ọ pịrịbẹ boma ma ḅụ gbánā, n Jizọs Krais diepágháma bẹ sa.

1 Pita 4:13

Tụ́ma o bieḅẹlẹ ḅẹ́ ọmịnị sọ diekiri nyánam Krais tọ́rụ́siarị ma ḅụ, sị ori ipine anị ḅụ diepágháma bẹ sa, ọmịnị so opuma bieḅẹlẹ bẹ ḅara.

1 Pita 5:1

Irị ịḅụ gbọrụ sẹnịḅọ, ọmịna bie fịnị sọsị sẹ́nịapụ ma tẹ́ghẹ̄m. Ḅẹ́ ịrị a tọ́rụ́ na Krais tọ́rụ́siarị ma arịm, a pịghị diekiri nyánábẹm ori ipine ma ḅụ, anị ḅụ diepágháma bẹnyẹ.

2 Pita 1:3

Tamuno ori kụ́rọ ḅụ ḅọ́rọ́, wa binyẹ gonyẹ́ gonyẹ́ pa wa pịrịmam mịẹsị wamịnị ine kuu pa Tamuno pịrịbẹ duma kọọ. Ori wa sịḅọ ma ori ipine na ori ibi ḅụ ḅọ́rọ́ mịnanyẹ ma pa wa pịrịm wamịnị ori ma nimi ḅụ ḅọ́rọ́.

1 Jọn 3:2

Ị́yẹ́ ibi nangwọapụ, mị́sa wamịnị Tamuno awọ, kụ́ma túminị́ na nimigha wa kịka bẹnyẹ, kụ́ma wa nimim ḅẹ́ Krais ọ ḅụ die sa, wamịnị ọ fịnị ḅara fịnịbẹm, tegó wamịnị ori árịbẹm ọ fịnị ḅara.

Judu 1:1

Irị Judu, Jizọs Krais fịrịnwangịḅọ na pịghị Jems numboru owitụ́wọ, mịị diri ma gịẹ pa ọ fịrịmam Tamuno sịmáapụ, pịghị Tamuno Daḅọ ma ḅẹlẹma bie duma kọọapụ, pịghị Jizọs Krais ọ ḅara na kokoapụ.

Judu 1:24

Ori ma, ine ọ warịị sị ọ bịghịbịgha ḅọ ma, pịghị ọmịnị akuoo sii ḅụ ófórigha ḅụ, na pịghị opu bieḅẹlẹ ḅụ ọ tọ́rụ́kuu, ipine bii yọ,