1 Pita 1:4 - Ibani New Testament

⁴ anịma gosi, wa nimim ḅẹ́ Tamuno kóróma warị ori a túminị́ pịrị dumafịnị tọ́rụdighinyẹ ma wámịnị anị nyánáḅobẹm. Ọ pa warị ọ́ pịrịm sobie, n ḅụrụbịghaa angaá anịgha síí, anịgha sịghịrị faá.

1 Pita 1:4 ပူးပေါင်းရင်းမြစ်များ

Matiu 25:34

<

Ibi Oku Ma Mak Anị Gịẹ Ḅara 10:17

Jizọs saghị jẹ́ pa nwángị sáá gbẹ́rẹ́ owitụ́wọ mangị ọ damaḅom, warị o tọ́rụ́kuu ẹkpẹrẹkị sị o gbíla ḅẹẹ, <>

Fịrị Ḅara 20:32

<

Fịrị Ḅara 26:18

Ịrị nna tọ́rụ findibẹm sị pịghị kánákánábie nna akuoo ḅo baá bie soo, pịghị Satanị kụrọ bie nna akuoo ḅo Tamuno bie sua, sị nnị siiḅụḅarasipịrị nyáná bẹ ḅara, sị nnị ịḅụ nyáná minini ḅụ ḅọ́rọ́, sị pịghị nna kiri nyáná Tamuno sẹlẹakịapụ ma ogbobie.>

Romapụ 8:17

Wa Tamuno ma awọ sọmaá ḅara ma, wa pịghị o kóróma ori a túminị́ pịrị karịibima ma nyánábẹm, wa pịghị Krais na nyánábẹm Tamuno kóróma ọ pịrịnyẹ; wa ḅọ́rọ́ Krais ma tọ́rụ́siarị ḅụ diekiri nyánam, wa pịghị ori ipine ḅụ diekiri nyánábẹm.

1 Kọrịntịapụ 9:25

Ọ ḅụ tẹ́lẹ́ma mangị ti ma pịrịarịḅọ gonyẹ́ gonyẹ́ ọ ḅụ pa opu ḅụọ dáwọ ḅụ suabẹm, ọ mịma mịẹm dii láabịgha ogunu gosi; kụ́ma wamịnị wa mịẹarị si wa ine fịnị gbámásó ogunu nyáná ḅo.

Galesiaapụ 3:18

Ḅọ́rọ́ ḅẹ́ Tamuno dienyẹ ma ólóghó ma ḅụ gbánam, anịsáa anị mịnị o mini nyẹ ḅụ gbánāgha. Kụ́ma Tamuno ọrẹ tọ́rụ́kụrụkụ́rụ́ gosi mini nyẹ ori anị pa Ebraham pịrịm.

Ẹ́fịsọsapụ 1:11

Nyẹ gonyẹ́ gonyẹ́ nnị anị mịẹm Tamuno tọ warị ḅara; na ọ dọghụ ḅara na, Tamuno pịghị wa sẹ́lẹ́akị pa onye mịẹm Krais ḅụ ḅọ́rọ́, ọ mịẹ dọghụnyẹ go, ọ pịghị tọ warị ḅara sughu saghị sáá ma ḅụ.

Ẹ́fịsọsapụ 1:14

Wa Tamuno Tẹ́mẹ́ nyánam gosi, wa tẹ́mẹ́kụ́rọ nyánam ḅẹẹ Tamuno mini ori a túminị́ pịrịnyẹ wa nyánáḅobẹm. Tamuno bi káara dụaḅọ́rọ́ma pa ori a túminị́ pịrịbẹm. O ḅo wa ori ipine túminí.

Ẹ́fịsọsapụ 1:18

A tẹ́ghẹ̄arị ḅẹẹ ọmịna tẹ́mẹ́ findi sị ọmịnị ori baá ma arịị, o nimi bẹ ḅara o go ọ sị tọ́rụ́ dighinyẹ, ọ pịghị mini ori tọ́ntọ́apụ pịrị karịibima anị dụḅa na anị ḅụ́gbérépuma láa ḅara,

Kolosiapụ 1:12

Bieḅẹlẹ ḅụ ịmịẹḅam pa Daḅọ ma pịrị mịẹḅọ sị o diekiri nyána Tamuno kokowarị ori tọ́ntọ́apụ pịrị ilanyẹ, baá amadakiri ma ḅụ.

Kolosiapụ 1:5

Minini na ḅẹlẹma ḅụ sághị ḅọ tọ́rụ́ dighinyẹ, sobie n kokowarị ọ pịrịnyẹ, ọ pịghị anị gbolomanyẹ namaa nyẹ karakárá ẹ́gẹ́rẹ́ ma ḅụ anịị ibi oku ma, nnị akuoo

Kolosiapụ 3:24

O biekóróma ḅẹ́ ọmịnị ilanyẹ nyánáḅobẹm Kị́nị́nyánáḅọ ma ḅara gbẹ́nyẹ ḅara. Kị́nị́nyánáḅọ Krais ma anịị ọ fịrịnwangị pịrịarịḅọ.

2 Timoti 4:8

Mị́sa sághị bịpị muu karakárá ibiamịẹnyẹ ogunu fịnị ikuruarị anịị Kị́nị́nyánáḅọ ma karakárá ḅẹ́rẹ́kọḅọ ma pa ị pịrịbẹnyẹ anị éné ma, ịrị ngéréghaa, kụma ḅẹlẹma ḅụ ori ḅoo ma kúruarịapụ mamgba.

Hiburuapụ 10:34

Ọ pịghị ikólinaapụ dua tọ́rụ́siarịm nnị pịghị ọmịna ngọ kaakị sa, ọ pịghị bieḅẹlẹ ḅara pa ọmịna faá ma akịm, tegó o nimim ḅẹ́, ọmịna nyẹ ma nẹ́ngị nyẹ nyánam, pịghị fịnị mú gbámásó láa ḅẹnyẹ.

Hiburuapụ 9:15

Krais anị ịwọ ọḅọọ ma ḅara saghị ḅoḅọ, sị Tamuno simaapụ ine o minini gbámásó boma ma nyáná bẹ ḅara. Mịma ine kiriakịbẹm ọ fịịmam go, sị siiamịẹnyẹapụ ḅọ́rọ́ma nna siiamịẹnyẹ ḅụ, parị ọḅọọ ma sọ pa imi sa.

Jems 1:11

Ịrụa ma saghị sị anị ọfịrị pa dipinyẹ ma dọ́ghụ́maarị ḅara, anị ngóngó sóghóro koroarị, anị ibii sọ mịnị tọ́rụ́sọgha. Anị gbẹ́rẹ́ ḅara ma anị ngọ nyánáapụ ma sọ gulugulubeḅara, nnị ikelekelé nna éné bie fịrị nwángịarị sa.

1 Pita 3:9

Ọ mịnị siinyẹ pa siinyẹ gbẹ́ẹ̄ ma anịgha wirinumo pa wirinumo gbẹ́ẹ̄, anịmanakaragha ọ karịibima pa o wiriapụ gbẹ́ẹ̄. Tegó Tamuno ma osị sa boma anị o minini ọ pịrịnyẹ.

1 Pita 5:4

Sị sịbịda Ánánákúrúḅọ ma ḅo sa ọmịnị ipine ogunu nyáná bẹ ḅara anị baá jẹ́ éné jẹ́ éné sịrịfabịgha nyẹ.

Puu Findi 21:27

Kụ́ma gbẹ́rẹ́ ịlọ́lị nyẹ sọ anị bie sọbịgha anịgha ḅụ́gịrịrịma nyẹ mịẹarịḅọ anịgha iruonyẹ dughoarịḅo, kụ́ma nnị nna ẹ́rẹ́ gịẹapụ gonyẹ́ gonyẹ́ Ánáná Tụwọ ma duma diri bie anịị opu ámá ma sọ bẹnyẹ.