1 Pita 1:25 - Ibani New Testament

²⁵ Kụ́ma Kị́nị́nyánáḅọ ẹ́gẹ́rẹ́ ma fịnị mú ḅẹsá ḅẹsá lam.>> Mị ẹ́gẹ́rẹ́ ma anị n dugho págháma ọ pịrị ibi ẹ́gẹ́rẹ́ ma.

1 Pita 1:25 ပူးပေါင်းရင်းမြစ်များ

Matiu 5:18

A karakárányẹ ma dugho ọ pịrịm, akị muu so na kiri ma ẹmẹẹfa sáá láa, ịrụḅa nyẹ ẹ́gẹ́rẹ́ ma ḅụ, ịrụḅa nyẹ n diri bie gịẹnyẹ ma ẹmẹẹ́fabịgha ólóghó ma ḅụ akị muu nyẹ gonyẹ́ gonyẹ́ kiriakị sáá láa.

Ibi Oku Ma Luk Anị Gịẹ Ḅara 16:17

Anị sárásáráḅabẹm sị so ma na kiri ma ẹmẹẹfáa, tụ́ma ólóghó ma ḅụ ịrụḅa nyẹ anị kụrọ ḅuma.

Ibi Oku Ma Jọn Anị Gịẹ Ḅara 1:1

Súghú sághị ma ḅụ Ẹ́gẹ́rẹ́ ma imii, Ẹ́gẹ́rẹ́ ma Tamuno na imi, Ẹ́gẹ́rẹ́ ma pịghị Tamuno.

Ibi Oku Ma Jọn Anị Gịẹ Ḅara 1:14

Ẹ́gẹ́rẹ́ ma ḅo tumḅọ sọm sị wamịnị na ngaa. Wamịnị ori ipine árịmam, Daḅọ ma ḅara sághị ḅo Kpọ́kpọ́ gbẹ́rẹ́ḅọ tọ́rụ́kụrụkụ́rụ́ na karakárá ḅụ bi ḅo.

1 Kọrịntịapụ 2:2

A ọ́ nana fịnị sáá, a tẹ́mẹ́bie dighim ḅẹẹ a ị́yẹ́ kóróma pa ḅẹnyẹ ḅẹnyẹ ḅụ warịbịgha kụ́ma, Jizọs Krais na pịghị ori fịị, mgbẹsẹ sị́ ma ọ́gọ́nọ.

Ẹ́fịsọsapụ 2:17

Krais warị ḅoo sị diin ibi oku ma dugho wásáma kị́nị́mamgba pịrịm ọmịnị Juughaapụ ḅọlọanga fịnịapụ Tamuno fịnị angaá na Juuapụ ọ nana kikiapụ.

Ẹ́fịsọsapụ 3:8

Tamuno tọ́ntọ́apụ mamgba ḅụ irịị ịrụ́ḅam, anịsọ Tamuno pa mị opuma nyẹ́la fịrị ma pa i pịrịm ḅẹ́ a muu dugho wásáma Juughaapụ ma pịrị Krais ḅụ fịnị sị tumḅọ ine dọghụpágháma ḅofámábịghaa ngọ,

Taitọs 1:3

anị karakárá sa ori anị diepághámam ori oku ḅụ. Mịma anị ọ saghị i ḅarabie suanyẹ a pịghị dugho wásámam Tamuno wámịna Ḅọ́rọ́maḅọ tọ́ọ i pịrị ḅara.

Hiburuapụ 6:5

Nnị ḅara na árịnyẹ ḅụ n nimim bẹ Tamuno ẹ́gẹ́rẹ́ ma ibim, n pịghị ḅoarị sa ma kụ́rọ nimimam.

1 Pita 1:12

Tamuno diepágháma mịná ikiakoroapụ ma pịrịm ḅẹ́, nna fịrị ma anị nna ḅárákū sọ́nyẹ sọ n pịrịbịgha kụ́ma anị sọọ nyẹ sọ ọmịnị pịrịbẹm, n pịghị dugho sị ọ náa maá oku ma ókumuuapụ ma bịpị, anịị n sobie saghị fịrịma ḅo Tọ́ntọ́ Tẹ́mẹ́ pa dugho ibi oku. Mịnanyẹ ma anị sookumuapụ ma so bii nyẹ nnị akanyaḅo.

1 Pita 1:23

Nnị sima o yiimam, dumafịnị pịghị gbámásó Tamuno ẹ́gẹ́rẹ́ ma ḅụ ḅọ́rọ́, n sima o yiigha fịị bẹ tumḅọ duma pághámaḅoarị sịmgbọlụ ḅụ ḅọ́rọ́.

1 Pita 2:2

Ọmịnị nnị ịwọma yii awọ fịnị ḅara fịnị, sámámgba karakárá tẹ́mẹ́ju ndomingi ma ọ pụghọ tarị, tegó ọmịnị anị ḅụarị sáá ọmịnị ine sẹ́nị págháḅobẹm ọmịna dụaḅọ́rọ́ma ḅụ,

2 Pita 1:19

Wámịna ḅụ, mịma dugho kụ́rọmamam ikiakoroapụ ma dughonyẹ olomsa biri, anị ibim ḅẹ́ ọ birifama anị pughu tegó anị kánákánábie kọrịarị tọndọ kịkam, kọrịarị nyẹ ákị mú énéḅama, dede ḅálōló baá ma sọ ḅo kọrị ọmịna tẹ́mẹ́bie sọ.

1 Jọn 1:1

Súghú saghị sa fịnịnyẹ ma, wa pịghị namaa nyẹ ma, wa pịghị wamịna tọ́rụ́ pa arịmáa nyẹ ma, wa tọ́rụ́ pa dighim pịghị ḅara pa anị lama, mịma anịị duma ẹ́gẹ́rẹ́ ma wa gịẹ pa ọ fịrịma nyẹ.

1 Jọn 1:3

Wamịnị árị pịghị namaa nyẹ ma anị wa pịghị dugho págháma ọ pịrịnyẹ, ọmịnị wamịnị na miẹgbolomáa nyáná bẹ ḅara, mị miẹgbolomáa ma, wa Daḅọ ma na anị nyanam na pịghị ọ Tụwọ Jizọs Krais.

Puu Findi 14:6

Anịsáa a warị jẹ́ sookumuḅọ arịị ọ́gọ́nọ ju fiighiarịḅo ori gbámásó ibi oku ma dugho wásáma tuminikiri fịnịapụ ma pịrịarị o dugho sẹ gonyẹ́ gonyẹ́, túminị́ ọrụ ọrụ ọrụ, túminị́ ḅẹ́lẹ̄ kịrịkị́rị́ na túminị́ tọ́rụ́kịrịkị́rị́ pịrịarị.