1 Pita 1:22 - Ibani New Testament

²² Ḅẹ́ mị́sa ọmịnị ọmịna ḅụ mịẹ yóriyórimamáa ḅara ma karakárányẹ ma mịẹ ḅụ, ọ pịghị mị́sa karakárá ḅẹlẹma nyáná jẹ́ mininiapụ ma pịrịmam, ọmịnị ọmịna tẹ́mẹ́bie gbọrụ pa ibiḅara pa jụghọ jụghọ ḅẹlẹma.

1 Pita 1:22 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 15:17

Mịị ị́yẹ́ ologho: ọ jụghọ jụghọ ḅẹlẹma.

Ibi Oku Ma Jọn Anị Gịẹ Ḅara 15:3

Ọ fíafía somam a kọọ ọ pịrịmaá ẹ́gẹ́rẹ́ ma gosi.

Ibi Oku Ma Jọn Anị Gịẹ Ḅara 17:17

Nnị fófóoma ị́yẹ́ fịrị ma pịrị karakáráma ḅụ ḅọ́rọ́; ị́yẹ́ ẹ́gẹ́rẹ́ ma anịị karakárá.

Ibi Oku Ma Jọn Anị Gịẹ Ḅara 17:19

Nna sịbị go a ịḅụ fófóoma ị́yẹ́ fịrịma pịrịmam, nnị sọ ibiḅara pa nna ḅụ fófóoma ị́yẹ́ fịrị pịrịbẹ ḅara.

Fịrị Ḅara 15:9

Ọ kịrịnyẹ mịẹghaa wamịnị na nna ogbobie; ori nna siiḅụḅarasi n pịrịm, nnị mininim gosi.

Fịrị Ḅara 6:7

Tọgha tọghaapụ ibi oku ma naam sị minini. Mininiapụ ma kịẹbịpị Jerusalem ḅụ ḅo dụḅam. Tọgha tọgha igwagwaapụ ḅo Krais ḅụ mininim.

Romapụ 1:5

Tamuno Krais ḅụ ḅọ́rọ́ tọ́rụ́kụrụkụ́rụ́ nyáná wa pịrịm sị wa sị ḅẹ́ wamịnị ḅo nfịrịmaapụ sọọ Krais ma ẹrẹ́sị, sị sẹ gonyẹ́ gonyẹ́ ḅụ wa túminị́ daá bẹ ḅara ḅẹ́ nnị ọḅụụ minini pịghị ọ bịpị pughu.

Romapụ 2:8

Kụ́ma nna ḅụ nna ḅụ balaarịapụ sị karakáráma sịghị sị nnị ine irima nyẹ ma mịẹbẹ ḅara, anịapụ ma Tamuno n dighi iganịbẹm sị nna sịbị ḅẹ́rẹ́kọ.

Romapụ 8:13

Ḅẹẹ ọ duma kọ ọmịna ojumẹnị ma dọghụarị ḅara, ọ fị́ị́bẹm; kụ́ma ḅọ́rọ́ ọ Tẹ́mẹ́ ḅụ ọmịnị ojumẹnị siiamịẹnyẹ ma ḅa nḅẹḅẹ́ o dumabẹm.

2 Kọrịntịapụ 6:6

Wa wámịna ḅụ fiafiama ḅụ ḅọ́rọ́ wámịna níminyẹ, ngịrịma na ibiamịẹnyẹ wa wámịna ḅụ diemam ḅẹẹ wamịnị Tamuno fịrịnwangịapụ Tamuno Tọ́ntọ́ Tẹ́mẹ́ ma ḅụ ḅọ́rọ́ pịghị wámịna karakárá ḅẹlẹma,

Galesiaapụ 3:1

Ọmịnị oḅorisọ Galesiaapụ, tụọ diri pa ọ mịẹ? Ọmịna tórúku, anị ọ ḅụ koro ḅẹ́ ḅara, n dugho ọ pịrịm Jizọs Krais ḅara warị fịị ḅara mgbẹsẹ sị́ ọgọnọ.

Galesiaapụ 5:5

Kụ́ma wamịnị, wámịna tọ́rụ́ dighinyẹ anịị ḅẹ́ Tamuno wa pa ọ nana karakárá ḅụ warịbẹm; mịma anị wa kúruarị nyẹ, Tamuno Tẹ́mẹ́ ma mị fịrị ma nwángịarị wámịna minini ḅụ ḅọ́rọ́.

Galesiaapụ 5:7

Ọmịnị ibiḅara pa mangịarị! Tụọ okiki karakárá ma mịẹ ḅụ?

Ẹ́fịsọsapụ 4:3

Arịị ḅẹ́ Tẹ́mẹ́ ma pịrịarị ḅụ pa gbẹ́rẹ́nyẹ mịẹma ọmịnị anị kokowarịm ọmịnị ọlọ gboloma ma diin ḅụ.

Filipaiapụ 1:9

Tẹ́ghẹ̄ anịị a tẹ́ghẹ̄arị nyẹ ḅẹ́ ọmịna ḅẹlẹma sẹ́nị anịị anị sẹ́nịbẹnyẹ, tụ́ma níminyẹ ḅụ na pịghị kpain akanyaḅo ḅụ.

1 Tẹsalonaikaapụ 3:12

Kị́nị́nyánáḅọ ma mịẹsị ọ nyáná jụghọ jụghọ pịrị ḅẹlẹma na ọ nyáná kị́nị́mamgba pịrị ḅẹlẹma opuma sẹnị sị ḅoo wa nyáná ọ pịrị ḅẹlẹma la ḅara láa.

2 Tẹsalonaikaapụ 1:3

Wámịna Daa awọ, sámámgba wamịnị ịmịẹḅam pa Tamuno ḅẹbẹm ọmịna sịbị goo tegó mịma anị karakáram ḅẹẹ wamịnị ọkọọ mịẹ ọmịna minini opuma sẹnịarị gosi ọ nyáná jụghọ jụghọ pịrị ḅẹlẹma sọ pịghị opuma duḅaarị.

2 Tẹsalonaikaapụ 2:13

Wa ịmịẹḅam pa Tamuno ḅẹẹbẹm wámịna Daa awọ, ọmịna sịbị goo, ọmịnị Kị́nị́nyánáḅọ ḅẹlẹmaapụ. Tọ́ntọ́ Tẹ́mẹ́ ma kụ́rọ ḅụ, ḅọ́rọ́ Tamuno parị sáá ma ḅụ ọ sẹ́lẹ́akịm ḅẹẹ ọ dụaḅọ́rọ́ma nyána, ọmịna minini ḅụ ḅọ́rọ́, na pịghị ọmịna minini karakárá ma ḅụ sị Tamuno ọrẹ a túminị́ pa ọ mịẹ.

1 Timoti 1:3

A bim ḅẹ́ ịrị Ẹ́fịsọs ḅụ fịnị, a dugho ị pịrị ḅara ma a Masidoniya múuarị sáá. Jẹa túminị́ Ẹ́fịsọs ma ḅụ iruonyẹ anịị nnị diearịnyẹ, asọ dọghụ sị n kikii.

1 Timoti 1:5

A mị bịpị ma pịrịm túminị́ ine karakárá kúkúbie ḅụ sághị ḅo ḅẹlẹma pa jụghọ jụghọ ḅẹlẹma bẹ ḅara, fíafía tẹ́mẹ́bie na pịghị karakárá minini ḅụ.

1 Timoti 4:12

Minima gbẹ́rẹ́ḅọ so idighialima ḅẹ́ ịrị ásátụ́wọ, kụ́ma mininiapụ ma ogbo arịị ḅẹ́ ịrị anịị nnị tọ́rụ́ saghị dighi bẹḅọ, ẹ́gẹ́rẹ́ bịpị ḅụ, ị́yẹ́ mịẹmịẹnyẹ ḅụ, ị́yẹ́ ḅẹlẹma ḅụ, ị́yẹ́ minini ḅụ na pịghị ị́yẹ́ tẹ́mẹ́bie fíafía ḅụ.

1 Timoti 5:2

Dii pa ịnẹ́ngi ẹ́rẹ́ámáapụ ma akịị ị́yẹ́ nyingiapụ ḅara, i nẹ́ngị ẹ́rẹ́awọ ma akịị ị́yẹ́ ẹ́rẹ́mịnaapụ ḅara, fíafía tẹ́mẹ́ pa.

2 Timoti 1:14

Wa bie fịnị Tọ́ntọ́ Tẹ́mẹ́ ma kụrọ ḅụ ḅọ́rọ́ nnị pa ị ḅárabie sua ibi nyẹ ma ibima anị wárii.

Hiburuapụ 11:8

Minini anị Ebraham mịẹnyẹ sị ọbịpị pughu nyẹ, Tamuno osii sa ḅẹ́ ori ọrẹ sẹ wáriso sị o minini ọ pịrị ama ma mú. Ori ọrẹ ámá warịsom nimigha o muarị anga.

Hiburuapụ 13:1

Ọ jụghọ jụghọ ḅẹlẹma bịpịmú Krais asọ duaarịapụ ḅara.

Hiburuapụ 5:9

Nnị o mịẹ kpainma sa, ọ warị anị ḅụ ḅọ́rọ́ gbámásó dụaḅọ́rọ́ma pa ọ dughonyẹ mịẹapụ gonyẹ́ gonyẹ́ pịrị.

Hiburuapụ 6:10

Tamuno ori anịị karakárá ḅo ma. Ori ọmịna fịrị pa bieḅáramabịgha anịgha ọ nyána ọ pịrị ḅẹlẹma, ọ pịghị nyáná, pịghị pa nyánáarị ḅárásua pa Krais asọ duaarịapụ ma pịrịarị.

Hiburuapụ 9:14

Mịma karakárányẹ sáá, Krais pulo mịma nẹ́ngịma nyẹ́ mịẹbịgha? Ori gbámásó Tẹ́mẹ́ ma ḅụ ḅọ́rọ́ ọrẹ oju pa kpain agbā mịẹ Tamuno pịrịm. Ọrẹ pulo wa sịrịbẹm ofori ofori mịẹmịẹnyẹ, ḅụ sị wamịnị ine dumafịnị Tamuno ma tẹ́ghẹ̄ bẹ ḅara.

Jems 1:21

Anịgo ọmịnị ọ ḅụ sighima ịlọ́lị duma na siiamịẹnyẹ gonyẹ́ gonyẹ́ ḅụ. Ọmịnị ọmịna ḅụ pa Tamuno bie suu, sị ọ pa ọmịna tẹ́mẹ́bie sua ẹ́gẹ́rẹ́ ma daakị, anịma anịị ine dụaḅọ́rọ́ma pa ọ pịrịbẹnyẹ.

Jems 4:8

Kikia Tamuno damaḅo, ori sọ kikia ọ dámáḅobẹm. Ọmịnị ọmịna ḅara sịrị si siinyẹ bie, ọ pịghị ọmịna tẹ́mẹ́bie mịẹ fiafiama ọmịnị mmẹẹ́ a tọ́rụ́ kingi.

1 Pita 1:2

Nnị ọ sẹ́lẹ́akịm, Tamuno Daḅọ ma níminyẹ ḅụ ḅọ́rọ́, ọ Tẹ́mẹ́ pịghị ọ pa tọ́ntọ́ ḅụ wárị, si ọ Jizọs Krais osii, ọrẹ ọmbịnyẹ́ pịghị ọmịnị sịrị fiafiamaa. Tọ́rụ́kụrụkụ́rụ́ na diin, bí ḅara pa ọmịna nyẹ sọ.

1 Pita 2:17

Ọmịnị osigha nyáná kị́nị́mamgba pịrị, ị jẹa mininiapụ ma ḅẹlẹma, ọ Tamuno dighi ḅáláfaa, kuu pa ámányánáḅọ ma pịrị.

1 Pita 3:1

Anị gbẹ́rẹ́ ḅárá ma ọmịnị taapụ ḅụsímínímá ọmịna deeapụ pịrị, ḅọ́rọ́ nna ḅụ Tamuno ẹ́gẹ́rẹ́ mininigha ḅo imi, ị́yẹ́ ibiamịẹnyẹ warị mịẹbẹm sị n minini, mịma ị gbẹ́rẹ́ ẹ́gẹ́rẹ́ so kọọ na ibighaa.

1 Pita 3:20

Mịị anịị Tamuno ẹ́gẹ́rẹ́ ma osigha túminị́ tẹ́mẹ́ ma ḅọlọ sa énéné, Tamuno ọ sa ngúmá kúrúapụ, Nuwa ọrẹ árụ́ ma námáarị sa. Árụ́ ma bie fịnịapụ duḅaghaa, inineapụ ngéré. Mịnaapụ ma ngéré anịị Tamuno mingi ma pa duaḅọ́rọ́maapụ.

1 Pita 3:8

A kunemaarị: ọmịnị kị́nị́mamgba gbẹ́rẹ́ tẹ́mẹ́ nyáná, ḅụnjịrị nyáná, jụghọ jụghọ ḅẹlẹma mịnaapụ ḅara, ọmịnị ibiamịẹnyẹ nyáná pịghị ḅụ siterema jụghọ jụghọ pịrị.

1 Pita 4:17

Sa lámam ḅẹ́rẹ́kọ saghị bẹ sa. Tamuno awọ ma sịbị anịị n saghị ḅẹ́rẹ́kọ bẹnyẹ; anị ḅọ́rọ́ wamịnị na saghị saghị, anị tọrọ́ pa Tamuno ibi oku ma mininighaapụ ma na kunema bẹ.

1 Pita 4:8

Nyẹ mamgba nẹ́ngị nyẹ, ọmịnị ibiḅara pa jụghọ jụghọ ḅẹlẹma, tegó, ḅẹlẹma tọgha siinyẹ gbẹgbẹm gosi.

2 Pita 1:7

Tamuno dighi ḅáláfaa ḅụ, ibitẹ́mẹ́ nyáná mịnaapụ pịrịị, ibitẹ́mẹ́ nyáná mịnaapụ pịrị ḅụ ḅẹlẹma pa anị ḅụ sua.

1 Jọn 3:11

Mịị Sughu saghị sa éné éné wa náa oku ma ḅẹ́, wa jụghọ jụghọ ḅẹlẹma.

1 Jọn 3:23

Mịị anịị ọ tọ́ọ wa pịrị ólóghó, ḅẹ́ wamịnị ọ tụwọ Jizọs Krais minini, sị jụghọ jụghọ ḅẹlẹma, Krais tọ́ọ wa pịrị ḅara ma.

1 Jọn 4:12

Gbẹ́rẹ́ḅọ so na Tamuno arịgha, kụ́ma wa ḅọ́rọ́ jụghọ jụghọ ḅẹlẹma, wamịnị na Tamuno na gbẹ́rẹ́ḅụ ḅụ imi. Ori ḅẹlẹma pịghị anị ḅụ mịẹ kpainmamam wámịna bie.

1 Jọn 4:20

Bẹḅọ fịnịfịnị ḅẹẹ, <> anịsọ n ḅọ mị́naḅọ na tarịgha ḅụ fịnị, anị tumḅọ ma epeletiḅọ. Tegó ine amịna mị́naḅọ, n ḅọ tọ́rụ́ pa árịarịḅọ ḅẹ́lẹ́maghaḅọ ine n ḅọ na arịgha Tamuno ma ḅẹ́lẹ́mabịgha.

1 Jọn 4:7

Ị́yẹ́ ibi nangwọapụ, o ḅo wa jụghọ jụghọ ḅẹlẹma, tegó ḅẹlẹma Tamuno ḅara saghịḅom. Kị́nị́ ḅẹ́lẹ́maarịḅọ gonyẹ́ gonyẹ́ anịị Tamuno Tụwọ ma pịghị Tamuno ma nimim.

Puu Findi 2:4

Kụ́ma mịma anịị a nyáná pa ọ pụ́nụ́manyẹ: parị ọmịnị ị ḅẹlẹma ḅara ọmịnị ọkọ pa ị ḅẹlẹmagha.