1 Pita 1:20 - Ibani New Testament

²⁰ Tamuno ọ sẹ́lẹ́akịmam na n tuminikiri ma tẹ́mẹ́gha sáá kụ́ma n warị ọmịnị go ọ diepágháma mị kunema sáá ma.

1 Pita 1:20 ပူးပေါင်းရင်းမြစ်များ

Matiu 25:34

<

Fịrị Ḅara 2:23

Tamuno ọrẹ nyẹ pa ọrụtọ ḅụ, tọ́ḅọ́rọ́mamám ḅẹẹ n Jizọs ḅọ́rọ́ma ọ́ ḅárábie suabẹm sị, siiapụ wárịso sị nnị ọ ḅaupálị.

Romapụ 3:25

Tamuno ọ saghị pịrịm, ḅẹ́ ori ọ sụụ ọmbịnyẹ́ ma ḅụ ḅọ́rọ́, na pịghị túminị́ ọ ḅụ nyáná minini ḅụ ḅọ́rọ́, n siiḅụḅarasi nyáná bẹ ḅara. Tamuno mịma mịẹm pa die ḅẹ́ ori karakárá ibiamịẹnyẹḅọ. Ḅọ́rọ́maa sa ori inema nyánam sị nna sii dighi tọ́rụ́si; kụ́ma mị́sa ma ḅụ mịnị nna sii dighi tọ́rụ́sigha sị ori karakárá ibiamịẹnyẹ ma diepágháma.

Romapụ 8:29

Tamuno sẹlẹakịmaapụ ma, ọ pịghị n fófóoma wárim sị n ḅo ọ Tụwọ fịnị ḅara fịnịị, o Tụ́wọ ma parị nnị yiiḅọ sọ bẹ ḅara tọgha mịnaapụ ogboku.

Galesiaapụ 4:4

Kụ́ma karakárá sáá ma ḅo láa sa, Tamuno ọ Tụwọ fịrịmaḅom, ọ́rụ́ḅọ o yiim, Juuapụ ólóghó ḅara ḅụ ọ sẹ́nị págháḅom.

Ẹ́fịsọsapụ 1:10

Mịị anị ọ tọ́nyẹ ma ọ mịẹ kárámá bẹnyẹ sáá ma la sáá, ori ọ tẹ́mẹ́nyẹ gonyẹ́ gonyẹ́ tuminikiri na sobie akuoo gbolomabẹm sị Krais nna ḅụ sịbịdaa.

Ẹ́fịsọsapụ 1:4

Ḅọlọmaa sáá, Tamuno náa tuminikiri ma tẹ́mẹ́gha sáá, ọ wa sẹ́lẹ́akịm ḅẹ́ wamịnị ori a túminị́ sọọ Krais ḅụ ḅọ́rọ́, ḅẹẹ wa tọ́ntọ́ ḅụ fịnị sị bịpị ḅụ laagha ḅara pa fịnị ọ toruku. Ori ḅẹlẹma gosi

Ẹ́fịsọsapụ 3:11

Tamuno mịma mịẹm ọ tọ́ọ warị ḅara, o pịghị mịẹsị anị wámịna Nyánáḅọ Krais Jizọs ḅụ ḅo kiriakịnyẹ.

Ẹ́fịsọsapụ 3:9

pịghị mịẹsị túminị́ mamgba árị, Tamuno ọ tọ́ọ ḅọ́rọ́ma sị ḅọghunyẹ ma anị kiriakị. Tamuno ori nyẹ gonyẹ́ gonyẹ́ tẹ́mẹ́ḅọ ori ḅọghunyẹ ma pa túminị́ ḅọghumam ḅọ́rọ́maa ḅụọ ḅụọ ḅụ.

Kolosiapụ 1:26

Olom sáá éné éné ḅụọ ḅụ ákị mú jẹ́ ḅụọ láa, n pa túminị́ ḅọghuma ḅụ́gbérépuma nyẹ kụ́ma mị́sa nnị anị mịẹ findi pa ori tọ́ntọ́apụ pịrịmam.

1 Timoti 3:16

Karakárányẹ ḅụ, wámịna minini ma ḅụ fịnị ḅọghunyẹ opuma dụḅam, Krais mẹnịsua tuminikiri ḅom, Tẹ́mẹ́ ma diepághámam ḅẹ́ siiamịẹnyẹ ọ ḅụ ofori, sookumuapụ ori arịm, sẹ́ sẹ́ sẹ́ ḅụ nnị o gbolomanyẹ dugho wásámam, tuminikiriapụ ọ ḅụ mininim, nnị ipine ḅụ ọsịakị sọ́mum.

Hiburuapụ 1:2

Kụ́ma mị kunema éné ma, ori ọ Tụ́wọ ḅụ ḅọ́rọ́ ẹ́gẹ́rẹ́kọọ wa pịrịmam. Ori anị ọ tọ́ọ ḅọ nyẹ gonyẹ́ gonyẹ́ nyánáákịbẹḅọ. Ọ ḅụ ḅọ́rọ́ anịị o so na kiri na tẹ́mẹ́nyẹ.

Hiburuapụ 2:14

Awọamaapụ ma, mẹnị na ọmbịnyẹ́, sua ḅara ma, Jizọs ḅoo n fịnị ḅara fịnịm pịghị nnị ojumẹnị sua ḅo sọ, ọ go mịma mịẹnyẹ, ori ọrẹ fịị ḅụ ḅọ́rọ́, ọ fịị kụrọ ma nyánáḅọ ma guluguluma bẹ ḅara anịị, Ẹ́kpẹ́dua ma,

Hiburuapụ 9:26

Anị ḅọ́rọ́ ọkọ ọkụ́ma, ọ tọgha tọgha igwa gwamam saghị tuminikiri saghị sa éné éné. Tụ́ma, mị́sa, anịsa mamgba kunema ḅụ, o ḅomam sị gbẹ́rẹ́ sáá, samamgba sii sịrị si, ori ọrẹ oju pa igwagwaá sii pịrị ḅara.

1 Pita 1:2

Nnị ọ sẹ́lẹ́akịm, Tamuno Daḅọ ma níminyẹ ḅụ ḅọ́rọ́, ọ Tẹ́mẹ́ pịghị ọ pa tọ́ntọ́ ḅụ wárị, si ọ Jizọs Krais osii, ọrẹ ọmbịnyẹ́ pịghị ọmịnị sịrị fiafiamaa. Tọ́rụ́kụrụkụ́rụ́ na diin, bí ḅara pa ọmịna nyẹ sọ.

1 Jọn 1:2

Mịị duma ma anị ḅụ die sa, wamịnị anị arịm pịghị anị gbolomanyẹ dughom, pịghị Daḅọ ma na fịnị duma gbámásó gbolomanyẹ dugho ọ pịrị, mịma anịị n pịghị mịẹsị wa níminyẹ.

1 Jọn 3:5

O nimim ḅẹ́ Krais ḅom sị ọ sii dighi si bẹ ḅara, kụ́ma ọ ḅụ sii ofori.

1 Jọn 3:8

Sámámgba ḅụ fịnị sị siiamịẹnyẹ mịẹarịḅọ gonyẹ́ gonyẹ́ fịnị ẹ́kpẹ́dua pịrịm, tegó ẹ́kpẹ́dua ma Sughu saghị sa éné éné siinyẹ mịẹarị. Mịma go anịị Tamuno Tụwọ ma go ḅo nyẹ sị ori ẹ́kpẹ́dua ma fịrị mamgba sima bẹ ḅara.

Puu Findi 13:8

Tuminikiri dumafịnịapụ mamgba susi anị pịrịbẹm, tuminikiri ma na saghịgha sáá nnị ẹ́rẹ́ gịẹ kórómaapụ dumafịnịapụ ma diri bie anịị susi anị pịrịbịghaapụ, mịị diri ma nyánáḅọ anịị n ḅáa Ánáná Tụwọ ma.