1 Pita 1:17 - Ibani New Testament

¹⁷ Ọ Tamuno ma tẹ́ghẹ̄arị sa, ọ Daḅọ pa ọ sim. Ori anị gbẹ́rẹ́ ḅara pa ḅẹ́rẹ́kọ kị́nị́mamgba pịrịarịḅọ, ọ́rụ́ḅọ ọ́rụ́ḅọ mịẹnyẹ labiri ḅụ. Anịma go, ị́yẹ́ duma éné kọnyẹ́ ma tuminikiri, árị bẹ, ịrị anị pa opu osigha nyáná pa ọ pịrịm.

1 Pita 1:17 ပူးပေါင်းရင်းမြစ်များ

Matiu 16:27

Ḅẹẹ, Tumḅọ yii Tụwọ ma ọ ḅobẹm ọ Daa ma ipine ḅụ na ori sookumuapụ na, anịsáa ori ọ́rụ́ḅọ ọ́rụ́ḅọ gbẹ́bẹm n ḅo nwángịmáa fịrị láa ḅara ḅụ.

Matiu 22:16

Nnị nna ọḅụduaapụ fịrịma ọ damamum na pịghị Hẹrọd ogboapụ warị dugho ḅẹẹ, <

Matiu 6:9

Mịị ḅara ma anịị ọ tẹ́ghẹ̄ bẹ ḅara: <<

Romapụ 11:20

Mịma karakárányẹ. Nnị nna anyịmasim nnị mininigha gosi, nnị warị ọ pa nna kiri ḅụ warị, ọ mininim gosi. Kụ́ma anịma pa bịpịkpọ ma; anịmanakaragha ḅáláfaa.

2 Kọrịntịapụ 1:2

Tamuno wámịna Daḅọ na pịghị wámịna Nyánáḅọ Jizọs Krais, tọ́rụ́kụrụkụ́rụ́ na diin pa ọ pịrị.

2 Kọrịntịapụ 5:6

Anịgo sámámgba wa biekpọ nyánam, wa nimim bẹ wa tuminikiri ojumẹnị ḅụ fịnị sa gonyẹ́ gonyẹ́, wa ḅọlọ angaá ḅụ imi Kị́nị́nyánáḅọ wárị ma ḅụ.

2 Kọrịntịapụ 7:1

Ị́yẹ́ ibi nángwọ́apụ mịnanyẹ mamgba n minini pa wa pịrịm, anịgo wa wámịna ḅụ mịẹ fiafiama, wámịna oju anịgha wámịna tẹ́mẹ́ ịlọlịma bẹnyẹ gonyẹ́ gonyẹ́ ḅụ, wa pịghị káara ḅara ḅụ tọ́ntọ́ duma kọọ Tamuno ḅụ.

2 Kọrịntịapụ 7:11

Dighi Tamuno ọmịna biesii ma pa mịẹnyẹ, anị mịẹsị ọ saghị nyẹ́ pa nyẹ́ simam anị ọ pụghọ tárịarị ḅara ḅẹẹ o die ḅẹẹ ọmịna ḅara fiafiam, ọkọfịnị igani, ọkọfịnị silé ọkọfịnị pụghọ tárịarị nyẹ, ọkọfịnị fịrịnwangị ịnyọ, ọkọfịnị tọ́rụ́ pa siiarịma irima nyẹ pịrị. Nyẹ gonyẹ́ gonyẹ́ ḅụ ọmịnị ọmịna ḅụ diemam ḅẹẹ irima ọmịna ḅụ ofori ḅẹ́rẹ́ mamgba ḅụ.

Galesiaapụ 2:6

Nna ḅụ jẹ́apụ fịnịapụ sọ́ḅọ́rọ́ nnị sịbịdaapụ a mịma dughoarị tegó a jẹ́ kịrịnyẹ arịgha nna ḅụ na pịghị jẹ́apụ ḅụ; Tamuno ọ ḅẹ́rẹ́kọkọgha túminị́ tọ́rụ́ pa árịarị nyẹ ḅụ ḅọ́rọ́. Nna sịbịdaapụ ma ḅụ gbẹ́rẹ́ḅọ sọ nyanagha n ḅárị bẹnyẹ a dugho pághámaarị ibi oku ma ḅụ.

Ẹ́fịsọsapụ 1:17

wámịna Nyánáḅọ Jizọs Krais Tamuno ḅara biiarị, ipine nyáná Daḅọ, ḅẹẹ ọ Tẹ́mẹ́ ma pa ọ pịrị, níminyẹ pa ọ pịrịbẹḅọ, sị Tamuno ma pa o die, sị ọmịnị ibima ọ nimi bẹ ḅara.

Ẹ́fịsọsapụ 3:14

Anịgosi a ẹkpẹrẹkị Daḅọ ma pịrịm,

Ẹ́fịsọsapụ 6:9

Omoni nyánáapụ anị gbẹ́rẹ́ ḅara ma pa ọmịna ómóniapụ na ngaa, mịnị nna ẹ́rẹ́ma ma. Biekóróma ḅẹ́ ịrị na ị́yẹ́ ómóniapụ ọ gbẹ́rẹ́ Nyánáḅọ nyanam sobie ḅẹ́rẹ́kọ kị́nị́mamgba sịbị ḅẹ́rẹ́kọ bẹḅọ tọ́rụ́kụ́ghaa pa.

Filipaiapụ 2:12

Anịgosi, ịyẹa nángwọ́apụ, ọmịnị i bịpị pughuarị ḅara ma a ọ nana fịnị sáá, anị kọkọ ibi ḅẹẹ ọmịnị i bịpị púghú mị ḅara nẹ́ngịma mị́sa a ọ nana ófórigha sáá. Ọ pa ḅáláfá na oju sẹ́ghị pa ọmịna fịrịnwangị sị mịẹsị ọmịna dụaḅọ́rọ́ma káara.

Kolosiapụ 3:25

Irima nyẹ mịẹ ḅo gonyẹ́ gonyẹ́ n sima n ḅo gbẹ́bẹm n ḅo mịẹ irima nyẹ ma ḅụ, tórúku pịghị anị ḅụ ofori.

Hiburuapụ 12:28

Wamịnị ịmịẹḅam pa Tamuno ḅẹẹ, ḅẹẹ wa nnị ine jighemabịgha amadakiri nyánáakịarị. Wa bieḅẹlẹ sị susi Tamuno pịrị anị ọ tẹ́mẹ́ ḅẹlẹma bẹ ḅara, osigha na ḅáláfa na, ḅụ.

Hiburuapụ 4:1

Mị́sa Tamuno minini wa pịrịmam ḅẹẹ ori anị gbolomanyẹ dugho ịnyọ́sárá ma, wa anị nyánáḅobẹm. Anị ibibẹm wa ḅụ ẹḅịị sị, Tamuno mini wa pịrịnyẹ ma anị gbẹ́rẹ́ḅọ sọ gbarịbịgha ḅara.

1 Pita 2:11

A ọ tẹ́ghẹ̄m ịyẹa nángwọ́apụ igoniapụ na biaapụ na mị tuminikiri, ọmịnị sa nyána oju bie mẹnị tarịarịnyẹ ma pịrịma, owu pa sámámgba biebẹ duma ma pághámaarị nyẹ.

1 Pita 3:15

Kụ́ma ọmịna tẹ́mẹ́bie, ọ susi Krais pịrị, pịghị kuu pa ọ pịrị Kị́nị́nyánáḅọ ḅara, sámámgba, ọ tẹ́lẹ́ma ọmịnị ine n ḅo pagharaa bẹ ḅara, o gbíla ḅo ḅẹ́ o dughofindi ọmịna bie ọ nyáná tọ́rụ́ dighinyẹ.