1 Pita 1:12 - Ibani New Testament

¹² Tamuno diepágháma mịná ikiakoroapụ ma pịrịm ḅẹ́, nna fịrị ma anị nna ḅárákū sọ́nyẹ sọ n pịrịbịgha kụ́ma anị sọọ nyẹ sọ ọmịnị pịrịbẹm, n pịghị dugho sị ọ náa maá oku ma ókumuuapụ ma bịpị, anịị n sobie saghị fịrịma ḅo Tọ́ntọ́ Tẹ́mẹ́ pa dugho ibi oku. Mịnanyẹ ma anị sookumuapụ ma so bii nyẹ nnị akanyaḅo.

1 Pita 1:12 ပူးပေါင်းရင်းမြစ်များ

Matiu 11:25

Anịsáa ma ḅụ Jizọs ḅẹm, <

Matiu 11:27

<

Matiu 16:17

Jizọs pagharam, <

Ibi Oku Ma Mak Anị Gịẹ Ḅara 16:15

Ori nnị ḅẹ́m, <

Ibi Oku Ma Luk Anị Gịẹ Ḅara 15:10

Anị gbẹ́rẹ́ ḅara ma a dugho ọ pịrịm, Tamuno sookumuapụ ma bieḅẹlẹm sii ḅụ pịghị sii tumḅọ sịbị ọgọnọ.>>

Ibi Oku Ma Luk Anị Gịẹ Ḅara 2:26

N pịghị pa o diemam ḅẹ́ ọ fịịbịgha sị ọ tọ́rụ pa Gbámásóḅọ ma minini Krais ma árị sáá láa.

Ibi Oku Ma Luk Anị Gịẹ Ḅara 9:6

Ọrẹ ọḅụduaapụ ma warị kálá ámá ámá muu ikéléma, ibi ọkụ́ ma dugho wásámaarị pịghị obiapụ gwọarị ngá mamgba ḅụ.

Ibi Oku Ma Jọn Anị Gịẹ Ḅara 15:26

<<Ḅárásuaḅọ ma ḅo sáá, a pa ọ fịrịma bẹḅọ Daḅọ ma ḅara, tụ́manyẹ pa túminị́ diearị Tẹ́mẹ́, Daḅọ ma ḅara saghị ḅooḅọ, ori ma igbọloma nyẹ dugho pághámabẹm.

Fịrị Ḅara 10:44

Pita pa ẹ́gẹ́rẹ́arị sáá Tọ́ntọ́ Tẹ́mẹ́ ma warị kóróḅo o pughuuarịapụ mamgba ḅụ sọọ.

Fịrị Ḅara 16:10

Pọl mị múnogha dáwọ ma a árịfáma gbẹ́rẹ́kiri, wamịnị anị gbẹ́rẹ́kiri tẹ́lẹ́mam sị sághị Masidoniya muum tegó wa tọpẹ́lẹ́m ḅẹ́ Tamuno wa sịmam ḅẹ́ wa ḅo ori ibi oku ma dugho wásámáa anị ngaa.

Fịrị Ḅara 2:33

Nnị pịghị ọ saghị Tamuno Daḅọ ma amaḅaranga wárịmam, ọ pịghị ọ ḅarabie Tọ́ntọ́ Tẹ́mẹ́ ma daḅomam o minini ḅara ḅụ. Mị́sa ọ mịnị árị pịghị náanyẹ ma ọ́ ori dienyẹ, ọ pa wámịna ḅụ saram.

Fịrị Ḅara 4:31

Nnị tẹ́ghẹ̄ fama sáá n fịnịngaa ma warị jighe. Tamuno Tọ́ntọ́ Tẹ́mẹ́ warị nnị kị́nị́mamgba ḅụ sọọ bii, nnị warị ḅáláfaghaa ḅara pa Tamuno ẹ́gẹ́rẹ́ ma dugho wásámáa.

Fịrị Ḅara 4:8

Pita Tọ́ntọ́ Tẹ́mẹ́ ḅụ biiḅọ warị n págháraa ḅẹẹ, <

Fịrị Ḅara 8:25

Krais ḅụ nnị nimi dugho págháma nyẹ dugho so sa, na pịghị Kị́nị́nyánáḅọ oku ma, Pita na Jọn na pịghịma Jerusalem ḅom. Asọogbo nnị ibi oku ma dugho wásámám tọgha tọgha káláma, Sameriya ḅụ fịnịnyẹ.

Romapụ 1:15

Anịgo anị kpọma i tárịm ḅẹ́ a ibi oku ma dugho wásáma ọmịnị Rom ḅụ fịnịapụ ma sọ pịrị.

Romapụ 1:17

Tegó ibi oku ma die pághámaarị Tamuno túminị́ akuo karakárá ibiamịẹnyẹ ḅụ su ori na nnị na, mịma anịị minini ḅụ ḅọ́rọ́ parị ákị mú kunema láa, tọ́ndiri ma dugho ḅara, <>

Romapụ 10:15

Nnị tọ́rọ́ pa oku ma dugho wásáma bẹ ḅọ́rọ́ nnị n fịrịmagha? Nnị gịẹ kóróma ḅara Tọ́ndiri ma bie, <>

Romapụ 15:19

kụ́rọ ilíghíma na ḅụ́gbérépuma fịrị, Tọ́ntọ́ Tẹ́mẹ́ ma kụ́rọ ḅụ ḅọ́rọ́. Jerusalem ákị mú Ilirikum párángáa mamgba láa, a bii ḅara pa Krais ma ibi oku ma dugho wásámāmam.

1 Kọrịntịapụ 2:10

Kụ́ma wamịnị anịị Tamuno, ọ Tẹ́mẹ́ ḅụ ḅọ́rọ́ mịnanyẹ ma diepágháma pịrịapụ Tẹ́mẹ́ ma nyẹ gonyẹ́ gonyẹ́ dọghụ pághámaḅoarị Tamuno tẹ́mẹ́bie fịnị póghóló ḅọghunyẹ.

2 Kọrịntịapụ 1:22

Ori anịị ọrẹ ilíghíma suamaá ḅọ wámịna ḅụ, pịghị Tọ́ntọ́ Tẹ́mẹ́ ma pa wa pịrịmaá ḅo wámịna tẹ́mẹ́bie, mịma anị ọ pa wa tẹ́mẹ́kụ́rọma ọ nyáná kóróma wa pịrịnyẹ.

2 Kọrịntịapụ 6:6

Wa wámịna ḅụ fiafiama ḅụ ḅọ́rọ́ wámịna níminyẹ, ngịrịma na ibiamịẹnyẹ wa wámịna ḅụ diemam ḅẹẹ wamịnị Tamuno fịrịnwangịapụ Tamuno Tọ́ntọ́ Tẹ́mẹ́ ma ḅụ ḅọ́rọ́ pịghị wámịna karakárá ḅẹlẹma,

Galesiaapụ 1:12

A kị́nị́ ḅara anị nyánáḅoghaa, anịgha kị́nị́ anị pa i die, Jizọs Krais ọ ḅara na anị diefindi i pịrịm.

Galesiaapụ 1:16

a ine o gboloma ibi oku dugho wásáma bẹ ḅara pa Juughaapụ pịrị, a mangị mú kị́nị́ gbilaghaa a mịẹbẹnyẹ.

Ẹ́fịsọsapụ 3:10

Tamuno go nwọ mịẹnyẹ anịị ḅẹ́ mị́sa Tamuno kubiri ogbo ma ḅụ ḅọ́rọ́ anị o Tamuno kịrịkị́rị́ níminyẹ mamgba pa so ọgọnọ sịbịdaaapụ mamgba na ḅẹ́rẹ́tọapụ mamgba diebẹnyẹ.

1 Tẹsalonaikaapụ 2:9

Wámịna Daa awọ, ọ kọkọ biekóróma wa nwángị kụ́rọ́fịrị, dii na ḅa na wa wámịna ḅara pa fịrịnwangịm sị wa ḅụḅáláḅálá dighi gbẹ́rẹ́ḅọ sọ pịrịbịgha ḅara, wa Tamuno ḅara saghị ḅo oku ma dugho wásáma ọ pịrị ḅara.

1 Timoti 3:16

Karakárányẹ ḅụ, wámịna minini ma ḅụ fịnị ḅọghunyẹ opuma dụḅam, Krais mẹnịsua tuminikiri ḅom, Tẹ́mẹ́ ma diepághámam ḅẹ́ siiamịẹnyẹ ọ ḅụ ofori, sookumuapụ ori arịm, sẹ́ sẹ́ sẹ́ ḅụ nnị o gbolomanyẹ dugho wásámam, tuminikiriapụ ọ ḅụ mininim, nnị ipine ḅụ ọsịakị sọ́mum.

Hiburuapụ 11:13

Mịnaapụ mamgba fịịm pa mininiarị Tamuno mini n pịrịnyẹ ma nyánaḅogha sọ, kụ́ma ḅọlọanga nnị anị arịm sị anị datéréma warị dughopágháma kị́nị́mamgba tórúku bẹ nnị ọ́ igoniapụ na asọnwángiapụ tuminikiri.

Hiburuapụ 2:4

Tamuno pịghị onyẹ́sẹ anị pịrịm ọ nwángị íkia fịrị, buapághá fịrị na tọ́rụ́kịrịkị́rị́ ḅụ́gbérépuma fịrị ḅụ, ọ pịghị Tọ́ntọ́ Tẹ́mẹ́ ma dienyẹ die túminị́ pịrịị anị ọ ḅụḅẹlẹ ḅara.

Hiburuapụ 4:2

Wamịnị ibi oku ma naamam, nnị sọ náaḅara. Nnị oku ma naam, kụ́ma anị pa nnị mịẹibi ofori, nnị anị náa sa nnị minini ḅụ ḅọ́rọ́ anị akịịghaa.

1 Pita 1:25

Kụ́ma Kị́nị́nyánáḅọ ẹ́gẹ́rẹ́ ma fịnị mú ḅẹsá ḅẹsá lam.>> Mị ẹ́gẹ́rẹ́ ma anị n dugho págháma ọ pịrị ibi ẹ́gẹ́rẹ́ ma.

1 Pita 4:6

Anị n go ibi oku ma dugho pa fịịmaapụ ma so pịrịnyẹ n dumafịnị sáá, anị ḅara ma ḅụ, nnị n sịbị ḅẹ́rẹ́kọ bẹ mḅẹ́so tuminikiri nnị mịẹnyẹ ḅụ, n kị́nị́mamgba sịbị ḅẹ́rẹ́kọ ḅara. Nnị dumabẹm tẹ́mẹ́ju Tamuno ma dọghụ ḅara.

Puu Findi 5:11

Anịsáa, a warị dighi si tọgha tọgha pughu sookumuapụ pụghọ naam túminị́ ine kịẹbịgha nyẹ! Nnị imine ma ịkélémam, ínia dumafịnị nyẹ ma na sẹ́nịapụ ma na.