1 Kọrịntịapụ 9:1 - Ibani New Testament

¹ Irị i ḅara na i sịbị nyáná owitụwọgha? Irị nfịrịmaḅọghaa? Na a Jizọs Krais wámịna Nyánáḅọ arịgha? Ọmịnị Kị́nị́nyánáḅọ ma bie a nwángị fịrị ma bie sághị ḅo sọ́nyegha?

1 Kọrịntịapụ 9:1 ပူးပေါင်းရင်းမြစ်များ

Fịrị Ḅara 13:2

Nnị susi Kị́nị́nyánáḅọ pịrị si, ḅurukụ́ma ḅụ tẹ́ghẹ́arị sáá, Tọ́ntọ́ Tẹ́mẹ́ ma dugho nnị pịrịm, Banabas na Sọl sighima i pịrịị, <>

Fịrị Ḅara 14:14

Banabas na Pọl náa sáá, n mịẹ binyẹ nnị nna bịtẹ kaam warị mangị túminị́ kpo ma ogbobie sọ sị ilúghuarị.

Fịrị Ḅara 14:4

Túminị́ ogbo ma ḅo mmẹẹ́ angaá diem, jẹ́apụ Juuapụ ju imi, isiapụ nfịrịmaapụ ma ju.

Fịrị Ḅara 23:11

Anị dii ma ḅụ, Kị́nị́nyánáḅọ ma Pọl angásá ḅụ sẹm sị ḅẹẹ, <<Ḅáláfáma! Ị onyẹsẹ́ i pịrịmam mị Jerusalem ḅụ, ị pịghị anị gbẹ́rẹ́ ḅara ma mịẹ i pịrịbẹm Rom ḅụ.>>

Fịrị Ḅara 9:15

Kị́nị́nyánáḅọ warị ọ pagharaa: <

Fịrị Ḅara 9:17

Ananayas warị Sọl fịnị angaá ma sọọ, warị ḅara pa ori ọgọ́nọ́ gbánā, warị ḅẹẹ, <>

Fịrị Ḅara 9:3

Sọl ḅo Damasikọs na kikia sa, buapághá ḅara ḅụ tọndọ warị sobie kóróḅo ọ biaikéléma.

Fịrị Ḅara 9:5

Ọ warị o gbíla, <<Ịrị tụọ? Kị́nị́nyánáḅọ?>> Pụghọ ma warị págháraa, <

Romapụ 1:1

Mịị diri ma irị Pọl Jizọs Krais ómóniḅọ ḅara saghịḅom, ịrị anịị Tamuno sịị́ pịghị sẹlẹakị nfịrịmaḅọ ḅẹẹ, a ori ibi oku ma dugho wásáma.

Romapụ 1:5

Tamuno Krais ḅụ ḅọ́rọ́ tọ́rụ́kụrụkụ́rụ́ nyáná wa pịrịm sị wa sị ḅẹ́ wamịnị ḅo nfịrịmaapụ sọọ Krais ma ẹrẹ́sị, sị sẹ gonyẹ́ gonyẹ́ ḅụ wa túminị́ daá bẹ ḅara ḅẹ́ nnị ọḅụụ minini pịghị ọ bịpị pughu.

Romapụ 11:13

A ẹ́gẹ́rẹ́kọọ pịrịarị ọmịnị Juughapụ: ịrị ma Juughaapụ ma nfịrịmaḅọ ḅara ma, a ị́yẹ́ fịrị pa bịpịkpọm,

1 Kọrịntịapụ 1:1

Irị Pọl, anị Tamuno ma ḅụḅẹlẹ si ọ sịḅọ ḅẹẹ o ḅoo Krais Jizọs nfịrịmaḅọ sọọ, ịrị na wámịna mị́naḅọ owitụ́wọ Sostines mị diri ma fịrịmam,

1 Kọrịntịapụ 10:29

Anịma anị i biebẹ tẹ́mẹ́gha, kụ́ma isi tumḅọ ma biebẹ tẹ́mẹ́. Anịsáa kị́nị́ gbilabẹm tegósi jụghọ sịbị ḅẹ́rẹ́kọ bẹ ị́yẹ́ ḅara na sịbị nyáná ma gosi?

1 Kọrịntịapụ 10:30

A ḅọ́rọ́ ịmịẹḅam pa Tamuno pịrị iyẹ fị́nyẹ gósi, tumḅọ tegósi i dughosima bẹ a ịmịẹḅam pa pịrị fị́nyẹ gósi?

1 Kọrịntịapụ 11:16

Kụ́ma mịma na nụná bẹḅọ, a dugho ọ pịrị sị ọ mịẹbẹnyẹ anị ḅẹẹ, wamịnị anịgha Tamuno sọsị mamgba jẹ́ Tamuno tẹ́ghẹ̄ ḅara nyanagha.

1 Kọrịntịapụ 3:6

Ịrị mgbọ́lụ ma dipim, Apọlọs mingi pa anị saram, kụ́ma Tamuno anị mịẹḅọ sị anị senị́ị́.

1 Kọrịntịapụ 9:19

Irị ḅara na i sịbị nyánáḅọ; irị gbẹ́rẹ́ḅọ sọ ómóniḅọgha; kụma a ịḅụ pa kị́nị́mamgba ómóniḅọ mịẹm sị a ineapụ akuoo Krais nimii.

2 Kọrịntịapụ 10:7

Ọ nyẹ dighiarị anị fịnị ḅara ọgọnọ ọgọ́nọ́. Ḅọ́rọ́ tumḅọ biekpọma nyánam ḅẹ́ n ḅọ Krais nyẹẹ, anịḅọ ma pịghị sima akanyaḅo ḅẹ́, wamịnị sọ Krais nyẹẹ, n ḅọ ma so Krais nyẹẹ ḅara ma.

2 Kọrịntịapụ 11:5

Ịrị a arịḅogha ḅẹẹ, a opuma ịrụm ọ pa nfịrịmaapụ sịịapụ ma ḅụ ḅẹẹ nnị ibiḅam.

2 Kọrịntịapụ 6:1

Wamịnị na Tamuno na nwángị gbólomaarị fịrị ma, wamịnị ọ tẹ́ghẹ̄m, ọmịnị Tamuno tọ́rụ́kụrụkụ́rụ́ nyánámaapụ ḅẹẹ ọmịnị anị guluguluma ma.

Galesiaapụ 1:1

Irị Pọl, n sịḅọ ḅẹẹ o ḅo mị nfịrịmaḅọ ma fịrị nwangịị, ị́yẹ́ sị ma, tumḅọ ḅara saghị ḅogha anịgha túminị́ mịẹnyẹ ḅụ ḅọ́rọ́, kụ́ma Jizọs Krais ḅara na pịghị Tamuno Daḅọ ma ḅara saghịḅom, fịị ḅụ ọ saghịma ḅọ.

Galesiaapụ 5:1

Krais ḅụ́nyana pa wa pịrịmam. Mị́sa árị ḅẹ́ ọ ḅụ́nyánáapụ ḅara pa fịnịm. Ọ́mị́nị́ jẹ́ pa ómóni sọ ólóghó ma pịrịma.

1 Tẹsalonaikaapụ 2:6

Wa gbẹ́rẹ́ḅọ sọ mịẹgha ḅẹ n ḅo wa túminị́, wamịnị ọmịna ḅara bighaa anịgha jẹapụ ḅarabie.

1 Timoti 2:7

Anịị Tamuno goo i sẹlẹakị sị i fịrịma nyẹ ori oku dugho wásámā ḅọ ḅara na pịghị nfịrịmaḅọ ḅara ḅẹ́, a mịị minini na tụ́manyẹ ma oku ma pa Juughaapụ ma die! A karakárányẹ ma dughoarị a iruo kọgha.

2 Timoti 1:11

Tamuno nfịrịmaḅọ na nyẹ́dieḅọ pa i tọọmam ḅẹ́ a ibi oku ma dugho wásámáa.