1 Kọrịntịapụ 8:7 - Ibani New Testament

⁷ Kụ́ma kị́nị́mamgba mị karakárányẹ ma nimigha jẹapụ n kárá tamuno ma opuma nkeḅemam gosi, nnị ọkọfịnị fị́nyẹ ma fịarị sáá, n siim ḅẹẹ nnị n pa igwagwaá fị́nyẹ fịarị, nna tẹ́mẹ́bie kụrọgha gosi, nnị siim ḅẹẹ nnị pilemam.

1 Kọrịntịapụ 8:7 ပူးပေါင်းရင်းမြစ်များ

Fịrị Ḅara 15:20

Anịmanakaragha wa ábálálá gịẹ nnị pịrịbẹm ḅẹ́ nnị nna ḅụ fófóoma túminị́ pa igwagwaá oru pịrị fị́nyẹ ḅụ, tegó nnị anị pa igwagwaá oru pịrịm gosi, n pịghị nna ḅụ si yáakuu ḅụ ofori nwángị ḅụ, ḅẹẹ nnị pịghị n nụ́nụ́ḅa nama pẹẹ́ ma, anịgha pulo ḅuu.

Romapụ 14:14

Kị́nị́nyánáḅọ Jizọs ma asọduaḅọ ḅara, a ibi ma mininim ḅẹ́ anị ḅụ na kị́nị́ pilemaarị fị́nyẹ ofori; kụ́ma ḅọ́rọ́ tumḅọ minini minini ḅẹ́ jẹa fị́nyẹ imi kị́nị́ pịlemaarị nyẹ, anịsa anị fị́nyẹ ma warị ḅo kị́nị́ pịlema fị́nyẹ sọ anịḅọ ma pịrị.

Romapụ 15:14

I jẹa minini mịnaapụ, ịrị ịḅụgḅọrụ mininim ḅẹ́ ọmịnị opuma ibim, ọ pịghị níminyẹ gonyẹ́ gonyẹ́ nyanam, ọ pịghị ine nyẹ pa jụghọ jụghọ diebẹm.

1 Kọrịntịapụ 10:25

Ọmịnị ine nama dẹrị fẹ ḅụ ọmịnị árị nama gonyẹ́ gonyẹ́ pẹébẹm, nyẹ gbiláagha pa, i biebẹ tẹ́mẹ́ gosi.

1 Kọrịntịapụ 8:1

Mị́sa ọ gịẹnyẹ ma gbolomanyẹ anịị nnị pa igwagwaá n kárá tamuno pịrị fị́nyẹ. Karakárányẹ ḅẹẹ, wamịnị kị́nị́mamgba nyẹ́nimim, n dugho ḅara, anị fịnị ḅara ọkọ fịnị níminyẹ mịẹ mịẹm jẹ́apụ sághị opuamịẹnyẹ mịẹ; kụ́ma ḅẹlẹma tumḅọ mịẹm n ḅọ sẹnị.

1 Kọrịntịapụ 8:4

Anịsáa, n pa igwagwaá n kara tamuno ma pịrị fị́nyẹ ma fịị gbolomanyẹ, wa nimim ḅẹ́ n kárá tamuno sẹ tuminikiri ófórigha nyẹ pịrịm; wa nimim ḅẹ́ gbẹ́rẹ́ Tamuno ngéré anịị iminyẹ.

1 Tẹsalonaikaapụ 5:14

Wa pịghị ọ tẹ́ghẹ̄m, wámịna Daa awọ, ọ mini fịrịnwangịghaapụ ma birinụ́nụ́ ḅẹẹ, nnị ọkọ mịẹma, nnị ḅáláfáarịapụ ma kúkúbie kụrọma, ḅárásua ḅárásua biapụ pịrị, mgịrịma nyáná kị́nị́mamgba pịrị.