1 Kọrịntịapụ 8:10 - Ibani New Testament

¹⁰ Didigha ḅọ́rọ́ tẹ́mẹ́ kụrọghaḅọ mịnyẹ ma ḅụ ị́yẹ́ arịị, ịrị mịnanyẹ ma <> nyẹ́fịarị oru warị bie; mịma anị mịẹbịgha sị n ḅo sághị n pa igwagwaá fị́nyẹ fịị?

1 Kọrịntịapụ 8:10 ပူးပေါင်းရင်းမြစ်များ

1 Kọrịntịapụ 8:4

Anịsáa, n pa igwagwaá n kara tamuno ma pịrị fị́nyẹ ma fịị gbolomanyẹ, wa nimim ḅẹ́ n kárá tamuno sẹ tuminikiri ófórigha nyẹ pịrịm; wa nimim ḅẹ́ gbẹ́rẹ́ Tamuno ngéré anịị iminyẹ.

Romapụ 14:23

Kụ́ma ḅọ́rọ́ nḅọ tẹ́mẹ́ mmẹẹ́ mmẹẹ́ mịẹm nḅọ fị́fị́nyẹ ḅụ, Tamuno ọ sịbị sii ḅẹ́rẹ́kọpẹlẹm ori anị fị sa, tegó ọ mịẹnyẹ ma minini ḅugha. Minini ḅụ tumḅọ mịẹgha nyẹ gonyẹ́ gonyẹ́ sii nyẹẹ.

1 Kọrịntịapụ 8:7

Kụ́ma kị́nị́mamgba mị karakárányẹ ma nimigha jẹapụ n kárá tamuno ma opuma nkeḅemam gosi, nnị ọkọfịnị fị́nyẹ ma fịarị sáá, n siim ḅẹẹ nnị n pa igwagwaá fị́nyẹ fịarị, nna tẹ́mẹ́bie kụrọgha gosi, nnị siim ḅẹẹ nnị pilemam.

Romapụ 14:14

Kị́nị́nyánáḅọ Jizọs ma asọduaḅọ ḅara, a ibi ma mininim ḅẹ́ anị ḅụ na kị́nị́ pilemaarị fị́nyẹ ofori; kụ́ma ḅọ́rọ́ tumḅọ minini minini ḅẹ́ jẹa fị́nyẹ imi kị́nị́ pịlemaarị nyẹ, anịsa anị fị́nyẹ ma warị ḅo kị́nị́ pịlema fị́nyẹ sọ anịḅọ ma pịrị.

1 Kọrịntịapụ 10:32

Duma kọọ ị ḅụḅáláḅálá dighi gbẹ́rẹ́ḅọ sọ pịrịbịgha ḅara Juuapụ anịgha Juughaapụ anịgha Tamuno sọsị ma.

Fịrị Ḅara 15:20

Anịmanakaragha wa ábálálá gịẹ nnị pịrịbẹm ḅẹ́ nnị nna ḅụ fófóoma túminị́ pa igwagwaá oru pịrị fị́nyẹ ḅụ, tegó nnị anị pa igwagwaá oru pịrịm gosi, n pịghị nna ḅụ si yáakuu ḅụ ofori nwángị ḅụ, ḅẹẹ nnị pịghị n nụ́nụ́ḅa nama pẹẹ́ ma, anịgha pulo ḅuu.

1 Kọrịntịapụ 8:9

Ọ ḅụ ẹbị minima sị ọ nyáná ḅara na sịbị nyána ma mịẹsị minini ma ḅụ kụrọghaapụ bịghịkoro.