1 Kọrịntịapụ 8:1 - Ibani New Testament

¹ Mị́sa ọ gịẹnyẹ ma gbolomanyẹ anịị nnị pa igwagwaá n kárá tamuno pịrị fị́nyẹ. Karakárányẹ ḅẹẹ, wamịnị kị́nị́mamgba nyẹ́nimim, n dugho ḅara, anị fịnị ḅara ọkọ fịnị níminyẹ mịẹ mịẹm jẹ́apụ sághị opuamịẹnyẹ mịẹ; kụ́ma ḅẹlẹma tumḅọ mịẹm n ḅọ sẹnị.

1 Kọrịntịapụ 8:1 ပူးပေါင်းရင်းမြစ်များ

Fịrị Ḅara 15:10

Anie go, ị tẹ́ go Tamuno daádighi dọghụ, ọmịnị opuma ikúnyẹ pa mininiapụ kuku gbánāarị, wámịna tádọ́apụ na wamịnị ine dighigha ikúnyẹ.

Fịrị Ḅara 15:29

Ọmịnị nnị pa igwagwaá oru pịrị nama pẹẹ́ ma, pulo oju ḅụ págháḅoarị nama pẹẹ́ ma, n pịghị nnị nụ́nụ́ḅa nama pẹẹ́ ma, ọ pịghị ọ ḅụ si yáakuu ḅụ ofori nwángị ḅụ. Ọ ḅọ́rọ́ ọ ḅụ warị warịị mịnanyẹ ma ḅụ, ọmịnị ibiḅara mịẹbẹm. Ọmịnị ibima fịnị.>>

Fịrị Ḅara 21:25

Kụ́ma ḅo mininimaa Juughaapụ ma wa ábálálá pa nnị fịrịmamam ḅẹ́ n jẹ́ éné jẹ́ éné nnị n pa igwagwaá oru pịrị fị́nyẹ fị ma, anịgha pulo táḅa, anịgha n ḅa sị pulo anị bie sara págháa nama pẹẹ́, ḅẹ́ n pịghị nna ḅụ fófóoma yáakuu ḅụ ofori nwángị ḅụ.>>

Romapụ 11:25

Gbẹ́rẹ́ ḅọghu tụ́manyẹ imi, a dọghụnyẹ sị o nimi ị́yẹ́ amịnáapụ, anị minibịgha ọ kọ́rọ́ma ọmịna nyẹ́nimi láa ḅara. Mịị Izirẹlị kụrọ kúkúbie ma fịnị mú kunema láabịgha, kụ́ma anị fịnịbẹm ákị mú Juughaapụ ma kịẹbịpị Tamuno damaḅo bẹapụ kara sa láa.

Romapụ 12:16

Diin ḅụ kị́nị́mamgba na ngaa. Opuamịẹnyẹ mịẹma, kụ́ma mịẹkụ oforiapụ ma na nangwọ mịẹ. Nyẹ́nimiḅọ ḅara pa ịḅụ arịma.

Romapụ 14:10

Ịrị anịsa, pẹdiri ngéré pẹ́arịḅọ, ị tegó ḅẹ́rẹ́kọpẹlẹ ị mị́naḅọ sịbị? Ịrị árịnyẹ gonyẹ́ gonyẹ́ fịarịḅọ ị tegó ị́yẹ́ jẹ́ mịnaapụ dighialịmaarị? Wamịnị Kị́nị́mamgba Tamuno tórúku ḅẹ́rẹ́kọ siri ḅụ sẹ́bẹm.

Romapụ 14:14

Kị́nị́nyánáḅọ Jizọs ma asọduaḅọ ḅara, a ibi ma mininim ḅẹ́ anị ḅụ na kị́nị́ pilemaarị fị́nyẹ ofori; kụ́ma ḅọ́rọ́ tumḅọ minini minini ḅẹ́ jẹa fị́nyẹ imi kị́nị́ pịlemaarị nyẹ, anịsa anị fị́nyẹ ma warị ḅo kị́nị́ pịlema fị́nyẹ sọ anịḅọ ma pịrị.

Romapụ 14:19

Anịma go, wamịnị wámịna ịnyọ láa ḅara mịẹsị diin akuo bẹnyẹ ma mịẹ, pịghị jụghọ jụghọ kụrọma bẹnyẹ.

Romapụ 14:22

I minini nyẹ gonyẹ́ gonyẹ́ mịnanyẹ ma gbolomanyẹ pa ịrị na Tamuno ogboku wárii. Karịiḅi fịnịị ọ pịrị amịna tẹ́mẹ́ ḅẹ́rẹ́kọ sịrị pa pịrịghaḅọ, anị n ḅọ árị sị mịẹnyẹ ḅẹ́ karakáram.

Romapụ 14:3

Nyẹ gonyẹ́ gonyẹ́ fịarịḅọ nyẹ sẹ́lẹ́ḅọ dighi álịmáma, pẹdiri ngéré pẹ́arịḅọ sọ pịghị ḅẹ́rẹ́kọ pẹ́lẹ́ma nyẹ gonyẹ́ gonyẹ́ pẹ́arịḅọ sịbị; tegó Tamuno n ḅọ daa ákịmam.

Romapụ 15:14

I jẹa minini mịnaapụ, ịrị ịḅụgḅọrụ mininim ḅẹ́ ọmịnị opuma ibim, ọ pịghị níminyẹ gonyẹ́ gonyẹ́ nyanam, ọ pịghị ine nyẹ pa jụghọ jụghọ diebẹm.

1 Kọrịntịapụ 1:5

Krais ḅụ ḅọ́rọ́ o ḅoo áláápụ́ sọmam, ẹ́gẹ́rẹ́ bịpị gonyẹ́ gonyẹ́ ḅụ na pịghị níminyẹ gonyẹ́ gonyẹ́ ḅụ.

1 Kọrịntịapụ 10:15

A ẹ́gẹ́rẹ́kọọ sịbịbie nyánáapụ pịrịm ọmịnị ḅara na ḅẹ́rẹ́kọọ ọ ḅụ pịrị a dughonyẹ ma ḅụ.

1 Kọrịntịapụ 10:28

Kụ́ma ḅọ́rọ́ kị́nị́ dugho ị pịrị pịrịị ḅẹẹ, <> Anịsáa, ị anị fị́nyẹ ma fịbịghaa nyẹ dugho ị pịrịḅọ ma gosi, na pịghị ị biebẹ tẹ́mẹ́ gosi

1 Kọrịntịapụ 14:20

Ị jẹa mininiapụ ọmịnị awọamaapụ kịkama ọmịna kóróma ḅụ, siinyẹ gbolomanyẹ ḅụ ọmịnị awọamaapụ kịka, kụ́ma ọmịna kóróma ḅụ ọ sẹnịapụ dighi.

1 Kọrịntịapụ 15:34

Ị́yẹ́ akanyaḅo sima ịḅụ ḅoo anị ḅo na ibiḅara, siinyẹ mịẹ kunema, ḅẹ́ jẹapụ imi Tamuno nímighaapụ. A mịma dughom pa ọ ḅụ́gịrịrịma.

1 Kọrịntịapụ 4:10

Krais goo, wamịnị oḅoriapụ sọọm; kụ́ma ọmịnị nyẹ́nimiapụ sọọm Krais ḅụ! Wamịnị ịnyọ wa ḅụ ofori, kụ́ma ọmịnị ọ kụrọm! Nnị wa dighisimam kụ́ma nnị o dighi sóghólomam!

1 Kọrịntịapụ 4:18

Ọmịna ḅụ jẹapụ sághị opuamịẹnyẹ mịẹarị tegó ọ siim ḅẹẹ a mịnị ọ fịnị angaá ḅobịgha.

1 Kọrịntịapụ 4:6

Anịgo, i jẹa miniapụ, ọmịna sịbị goo, a mịị nyẹ ma pa ịḅụ na Apọlọs mịẹm, wamịnị mmẹapụ pa anị kịkamanyẹ pa ọ dáwọ́ ma sị ọmịnị ine mị ẹ́gẹ́rẹ́ ma dughonyẹ nimi bẹ ḅara, <> Ọmịna ḅụ gbẹ́rẹ́ḅọ sọ isiḅọ pa bịpịkpọ ma sị isi ngaḅọ dighisimaa.

1 Kọrịntịapụ 5:2

Anịsáa ị́yẹ́ opuamịẹnyẹ anị tegósi sughuu? Anịmanakaragha biesii ịḅụ biibiegháa? Ọkọfịnị nyẹ ma mịẹḅọ ma ọmịnị n ḅọ deesi ọmịna mịẹgbólóma ḅụ.

1 Kọrịntịapụ 5:6

Ị́yẹ́ bịpịkpọ ma ibighaa, ọ mịị kaḅụ ma nimigha dughonyẹ ḅẹẹ, kálá yisti tụ́wọ anịị fịtúrú kpo ma gbọrụ sughumaarị nyẹ?

1 Kọrịntịapụ 8:2

Sịḅọ ḅẹẹ ọ nyẹ nimim, karakárá ma nimigha ọ nimi na ibiḅara.

1 Kọrịntịapụ 8:4

Anịsáa, n pa igwagwaá n kara tamuno ma pịrị fị́nyẹ ma fịị gbolomanyẹ, wa nimim ḅẹ́ n kárá tamuno sẹ tuminikiri ófórigha nyẹ pịrịm; wa nimim ḅẹ́ gbẹ́rẹ́ Tamuno ngéré anịị iminyẹ.

1 Kọrịntịapụ 8:7

Kụ́ma kị́nị́mamgba mị karakárányẹ ma nimigha jẹapụ n kárá tamuno ma opuma nkeḅemam gosi, nnị ọkọfịnị fị́nyẹ ma fịarị sáá, n siim ḅẹẹ nnị n pa igwagwaá fị́nyẹ fịarị, nna tẹ́mẹ́bie kụrọgha gosi, nnị siim ḅẹẹ nnị pilemam.

Ẹ́fịsọsapụ 4:16

O sughubie anịị ojumẹnị mpara mamgba ḅụ fịnịnyẹ ḅọ́rọ́ ḅo gbẹ́rẹ́nyẹ mịẹnyẹ, oju gbọrụ isa mamgba oju gbọrụ ọlọ kobirim. Anịgo gbẹ́rẹ́ ọrụ anị ngá fịrị nwángịarị sáá anị nwángị na ibiḅara, oju gbọrụ mamgba ḅẹlẹma ḅụ nna ḅụ tákubiri sẹnịm.

Kolosiapụ 2:18

Minima kị́nị́ ḅẹ́rẹ́ pa ọ ḅárá sima, dughoarị ḅọ ḅẹ́, nḅọ nyẹ́nimiḅam, anịị nḅọ múnogha dawọ ḅụ árịarị nyẹ gosi na pịghị nḅọ nyána oḅori pa kị́nị́ sị ḅụ sitéréma ḅụ na pịghị susi soókumuapụ pịrị ḅụ. Mịná túminị́ ma nnị ḅara pụ́nụ́nyẹ nyanagha sị opuamịẹnyẹ mịẹarị nna kóróma ḅụ

Puu Findi 2:14

Kụ́ma a jẹ́ kálányẹ nyánam a pa ọmịnị ọlọọ bẹnyẹ: ọmịna ḅụ jẹ́apụ Balaam dienyẹ ma duaarị Balak dieḅọ nnị Izirẹlịawọ daa mú siinyẹ bie suu bẹ ḅara, ori n suma ḅara ḅẹẹ nnị n pa igwagwaá nkára tamuno pịrị fị́nyẹ fịị sị pịghị yáakuu ḅụ ófórigha nwángị kọọ.

Puu Findi 2:20

<