1 Kọrịntịapụ 7:34 - Ibani New Testament

³⁴ anịgo mmẹẹ́ angaá ọ nụ́nụ́arị. Dee yaagha ọ́rụ́ḅọ anịgha owitụ́wọ nimigha ọ́rụ́ḅọ tụwọ Kị́nị́nyánáḅọ fịrị ma anịị a pa ḅụḅáláḅálá pa a ḅụ pịrịarịnyẹ; tegó a biim ḅẹẹ a nyẹ gonyẹ́ gonyẹ́ saghị Tamuno pịrị árị oju na a tẹ́mẹ́ na; kụma deeyaa ọ́rụ́ḅọ tuminikirinyẹ anịị a pa a ḅụ́ḅáláḅálámaarị nyẹ tegó árị a dee tẹ́mẹ́ miẹḅẹ́lẹ́ma dọ́ghụm.

1 Kọrịntịapụ 7:34 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 10:13

Owitụ́wọ ma mangị sọm tegó ori, ọkọ anịị nnị ori ọkọnyẹ ọ pịghị ánáná ma gbolomanyẹ balagha.

Romapụ 6:13

Ọmịnị ọmịna oju gbẹ́rẹ́ angaá sọ saghị sii pịrịma ḅẹ́ nnị anị pa sii fịrị nwángị. Anịmanakaragha ọmịnị nnị fịị ḅụ ḅọ́rọ́ma duma bie suaapụ, ọmịnị ọ ḅụ pa Tamuno pịrị, ọmịnị ọmịna oju gbọrụ mamgba saghị Tamuno pịrị sị nnị anị pa karakárá ibiamịẹnyẹ fịrịnwangị.

1 Kọrịntịapụ 6:20

Ori igbii bịpị pa ọ fẹm, anịgo ọmịna oju ḅụ ọ Tamuno boma.

1 Kọrịntịapụ 7:33

Kụ́ma táa yaa owitụ́wọ tuminikirinyẹ anị ọ pa ḅụḅáláḅálá pa ọ ḅụ pịrịarịnyẹ, tegó o biim ḅẹẹ ori ọ taa bie mịẹ ḅẹ́lẹ́maa;

1 Kọrịntịapụ 7:35

A mịma dughoarị tegó a ḅárásua ọ pịrị dọ́ghụm, A asọkiki ọ pịrị dọghụgha. Tụ́ma a biim ḅẹẹ ọ karakárá pịghị mịẹna ibi nyẹ mịẹsị ọ pịghị nyẹ kọmagha ḅara ḅụ ọmịna ḅụgbọrụ pa Kị́nị́nyánáḅọ fịrị ma pịrịị.

2 Kọrịntịapụ 11:28

Jẹa nyẹ jẹa nyẹ pa angaá ḅụ warị, éné gbọrụ gbọrụ sọsị sọsị ma ibi ḅẹ́ ḅara ḅụḅáláḅálá ikuipụnụmaarị.

2 Kọrịntịapụ 8:16

A ịmịẹḅam pa Tamuno ḅẹm, anị pa Taitọs tẹ́mẹ́bie suaḅọ anị i tẹ́mẹ́bie fịnị ḅara anịị ḅárásua ọ pịrị ḅụ.

Filipaiapụ 1:20

Tẹ́mẹ́bie a binyẹ na pịghị a tọ́rụ́ dighinyẹ anị ḅẹ́ ị́yẹ́ fịrị ma ḅụ a ọḅụ daagha, kụ́ma sámámgba ḅụ, pịghị mị́sa ma ḅụ a opuma tẹ́mẹ́kụ́rọ nyánábẹm sị gboro gboro kuu akuoo Krais pịrịbẹm, a duma a pịghị fịị o.

1 Tẹsalonaikaapụ 5:23

Diin pa wa pịrịarị Tamuno ma, mịẹsị ọ tọ́ntọ́ ḅụ fịnị asọ mamgba ḅụ, sị pịghị ọmịna duma gbọrụ, tẹ́mẹ́ na biebẹ duma na oju ma wárii, bịpị anị ḅụ labịgha ḅara ḅụ, wámịna Nyánáḅọ Jizọs Krais ma ḅo ḅụ.

1 Timoti 3:5

Ḅẹẹ, ḅọ́rọ́ tumḅọ ine amịna wárị tákúbirigha nḅọ tọrọ́ pa ọrụtọ Tamuno kubiri ogbo ma pịrịbẹ?

1 Timoti 5:5

Deefịị si ngéré fịnị ọ́rụ́ḅọ sị ḅárásua pịrịḅọ nyánághaḅọ a ḅụ pa Tamuno ḅụ gbánam sị dii na ḅáa na tẹ́ghẹ́arị ḅẹ́ Tamuno ḅárásua a pịrị.

Taitọs 3:8

Mịị karakárá dughonyẹ, a bim ḅẹ́ ọmịnị anị dugho, anị dugho ḅarị, sị Tamuno ma ḅụ mininimáapụ nimi bẹ ḅara sị nnị nna sa fama ibifịrị nwángị bẹ ḅara. Mịnanyẹ ma opuma ibim, anị pịghị sọ́nyẹ sọ kị́nị́mamgba pịrịbẹm.