1 Kọrịntịapụ 7:2 - Ibani New Testament

² Kụ́ma yáakuu ḅụ ofori nwángịma opuma bim gosi, owitụ́wọ gonyẹ́ gonyẹ́ amịna táa nyáná, ọ́rụ́ḅọ gonyẹ́ gonyẹ́ sọ amịna dee nyánáa.

1 Kọrịntịapụ 7:2 ပူးပေါင်းရင်းမြစ်များ

Matiu 5:32

Kụ́ma a dugho ọ pịrịm, amịna taḅọ sịghịḅọ gonyẹ́ gonyẹ́ na a jẹ́ owitụ́wọ na múnogha sa a mịẹm sị arị amadọghụḅọ sọ; pịghị n sịghị ọ́rụ́ḅọ ma yaaḅọ gonyẹ́ gonyẹ́ amadọghụ ólóghó ma kóróm.

1 Kọrịntịapụ 6:18

Mangịị soo yáakuu ḅụ ofori nwángị ḅụ. Tumḅọ mịẹarị sii mamgba nna oju na mịẹnyẹ nyanagha, kụ́ma yáakuu ḅụ ofori nwángị kọḅọ siinyẹ pa amịna oju mịẹm.

1 Kọrịntịapụ 7:1

Mị́sa ḅo tọ́rụ́ pa ọ gịẹ i pịrịnyẹ ma ḅụ su. Anị ibim ḅẹẹ owitụ́wọ táa yagha.

1 Kọrịntịapụ 7:3

Deeḅọ amịna fịrị nwángịbẹm deeḅọ ḅara, táaḅọ ma sọ árị fịrị nwángịbẹm táaḅọ ḅara.

1 Kọrịntịapụ 7:9

Kụ́ma ḅọ́rọ́ nnị ine ḅụ ọlọgha mḅẹ́ḅẹ́ nnị mú yaa, anị ibiḅam nnị yaa tụ́ma mịnị ine ḅụ ọlọgha ma ḅụ fịnị oju dọ́ghụ́ma ḅara pa n dọ́ghụ́ma nakaragha.

Ẹ́fịsọsapụ 5:28

Anịgosi deeapụ nna taapụ ḅẹlẹma nnị nna oju ḅẹlẹma ḅara. Amịna táaḅọ ḅẹlẹma ḅọ amịna ḅụ ḅẹ́lẹ́mam.

Ẹ́fịsọsapụ 5:33

Kụ́ma anị pịghị o gbolomam: deeḅọ gonyẹ́ gonyẹ́ amịna táaḅọ ḅẹ́lẹ́mabẹm ori ọ ḅụ ḅẹlẹma ḅara, táaḅọ gonyẹ́ gonyẹ́ pịghị osigha pa amịna deeḅọ pịrịbẹm.

1 Tẹsalonaikaapụ 4:4

Ọmịna ḅụ gbẹ́rẹ́ḅọ gbẹ́rẹ́ḅọ sọ nimi n ḅọ amịna oju pa duma kọọ bẹ ḅara, tọ́ntọ́ ḅụ na pịghị kuu nyáná ḅara ḅụ,

1 Timoti 4:3

Ọkọfịnị túminị́ diearị bẹ anị karakáragha tumḅọ taa yaa, pịghị jẹa fị́nyẹ fịị. Kụ́ma Tamuno anị fị́nyẹ ọrụ ma tẹ́mẹm ḅẹ́ tumḅọ imiẹḅa tẹ́ghẹ̄ẹ̄ kọọ sọ sáá n ḅo anị fịị, mịma miẹbẹapụ anịị mininiapụ ma pịghị karakárá ma nimimaapụ.