1 Kọrịntịapụ 5:8 - Ibani New Testament

⁸ Anịgosi o ḅo wa álálị ma wárị, mịnị olom yisti ma pa anị warịgha anịgha siiamịẹnyẹ na sii sịbịbie nyẹ́gha, kụ́ma fíafía na karakárá fịtúrú yisti bie ófórigha fịtúrú.

1 Kọrịntịapụ 5:8 ပူးပေါင်းရင်းမြစ်များ

Matiu 16:12

Anịsáa anị n ḅo akanyaḅo nyẹ ḅẹẹ ori ḅẹgha ḅẹẹ nnị nna ḅụẹbị nnị pa fịtúrú mịẹarị yisti ma pịrị, kụ́ma n ḅụẹbị Farisiiapụ na Sadusiiapụ dienyẹ ma pịrị.

Matiu 16:6

Jizọs warị dugho n pịrị ḅẹẹ, <<Ọ tọ́rụ diinma, ọ ḅụẹbị Farisiiapụ ma na Sadusiiapụ ma yisti pịrị.>>

Ibi Oku Ma Mak Anị Gịẹ Ḅara 8:15

Jizọs warị n ḅẹ́, <<Ọmịnị ọ ḅụ ẹbị, ọ pịghị ọ tọ́rụ findi warị Farisiiapụ ma fịtúrú sughumaarị nyẹ na Hẹrọd fịtúrú sughumaarị nyẹ pịrị.>>

Ibi Oku Ma Luk Anị Gịẹ Ḅara 12:1

Anịsáa ma ḅụ, tọgha túminị́ ḅó kobirịarị sị pịghị jụghọ jụghọ nángáarị anịị Jizọs parị dugho ori ọḅụduaapụ pịrị nyẹ́ ḅẹẹ, <<Ọmịnị ọ́ḅụ ẹḅịị Farisiiapụ ma fịtúrú sughumaarị mịẹnyẹ ḅụ anịị dughonyẹ kịrị mịẹnyẹ kịrị.

Ibi Oku Ma Jọn Anị Gịẹ Ḅara 1:47

Jizọs Natanieli árị sị ọ ḅoarị sáá, mịị o gboloma sị o dughonyẹ, <>

1 Kọrịntịapụ 3:3

Tegó, ọ pa duma kọọarị mị tuminikiriapụ duma kọọarị ḅara. Nyẹ́mọ́ni ọmịna ogboku bie fịnị sáá, ọ pịghị jụghọ jụghọ na kamkoro sáá, anị diegha ḅẹẹ ọmịnị mị tuminikiri bẹapụ, duma kọọarị n duma kọọarị ḅara?

1 Kọrịntịapụ 5:1

Mị́sa nnị opuma anị dughoarị ḅẹẹ yáakuu ḅụ ofori nwángị kọọma opuma kiriakịarị ọmịna ogboku bie, ọmịnị sọsị bie fịnịapụ, anị si láa ḅara, Tamuno nímighaapụ ma sọ ine ọkọfịnị nyẹ miẹbịẹghaa. Nnị dugho i pịrịm ḅẹẹ jẹa owiapụ nna daa taa na múnoarị!

1 Kọrịntịapụ 5:6

Ị́yẹ́ bịpịkpọ ma ibighaa, ọ mịị kaḅụ ma nimigha dughonyẹ ḅẹẹ, kálá yisti tụ́wọ anịị fịtúrú kpo ma gbọrụ sughumaarị nyẹ?

2 Kọrịntịapụ 1:12

Wa bịpịkpọm ḅẹẹ wámịna tẹ́mẹ́bie kụ́rọ kúkúbie pa wa pịrịm ḅẹẹ wámịna duma mị tuminikiri wa pịghị ibima ó nana nyáná gboloma mịẹnyẹ ma, ọ́ Tamuno ḅara sághị ḅo karakárá, na gbụ́nụ́nụ́ na Tamuno tọ́rụ́kụrụkụ́rụ́ kụ́rọ ḅụ ḅọ́rọ́ tumḅọ nyẹ́nimi ḅụ ḅọ́rọ́gha pa.

2 Kọrịntịapụ 2:17

Wamịnị wa isi tọghaapụ fịnị ḅara fịnịgha, Tamuno oku ma pa fẹ́ dẹrị sị sọnyẹ mịẹ, kụ́ma Tamuno wa fịrịmamam gosi, ọrẹ fịrịnwangịapụ ḅara, wa karakárá ḅara pa ẹ́gẹ́rẹ́ ma kọọm Tamuno tórúku.

2 Kọrịntịapụ 8:8

A ólóghó sua ọ pịrịgha, kụ́ma pa o die jẹapụ kụrọma biiarị ḅara sị n ḅárásua. A ḅụ́kọ́rọ́maarị a pa nimi ḅẹ́ ḅara ọmịna ḅẹlẹma anị karakárá fịnị ḅara.

Ẹ́fịsọsapụ 6:24

Tamuno tọ́rụ́kụrụkụ́rụ́ fịnị kunema nyanagha ḅẹlẹma pa wámịna Nyáná ḅo Jizọs Krais ḅẹlẹmaapụ pịrị.

1 Pita 4:2

Ḅẹ́ mị́sa saghị bịpịmú, ọmịnị ọmịna duma kọnyẹ́ ma kọọ tuminikiri Tamuno tọ ḅara, mịnị duma kọma tuminikiriapụ sii duma kọarị ḅara.