1 Kọrịntịapụ 5:11 - Ibani New Testament

¹¹ A dughoarịnyẹ anị ḅẹẹ ịrịị ọ nana mịẹgbólómanyẹ nyánáma, Krais ḅụ mininiḅọ pa amịna ḅụ sịḅọ. Kụ́ma n ḅọ yáakuu ḅụ ofori nwángị kọọarị anịgha opu tọ́rụ́ nyánam anịgha n ḅara pa kárányẹ tẹ́ghẹ̄arị, anịgha n ḅọ kị́nị́ dughosima ḅọ, anịgha iru ḅụ tọ́rụ́ ḅáma ḅọ, anịgha fúrúḅọ. Anị tumḅọ ma anị ibighaa ịrị ọ nana kpọrọfịnị sị nyẹ́fịị.

1 Kọrịntịapụ 5:11 ပူးပေါင်းရင်းမြစ်များ

Romapụ 16:17

Mịnaapụ, a ọ tẹ́ghẹ̄m ḅẹ́ ọ tọ́rụ́ pa puama dighiḅoarịapụ ma ḅụ gbánā, mininiapụ mịẹarịapụ sị n bịghị pighi asọ mgbẹsẹ dighiḅọ ọ dáwọ ḅomaá dienyẹ ma pịrịarịapụ. Ḅụ kile nna ḅụ!

2 Tẹsalonaikaapụ 3:14

Jẹ́apụ ine imibẹm anị ngá mini wa pa fịrịmaarị oku ma osiibịghaapụ. Ọmịnị ọ ḅụ ẹbị anị túminị́ ma fịnị angaá ọ pịghị nnị na mịẹgbólóma nyẹ nyánáma, sị n ḅụ́gịrịrị ḅẹ́ ḅara.

2 Tẹsalonaikaapụ 3:6

Wámịna Daa awọ, wa Wámịna Nyánáḅọ Jizọs Krais ẹrẹ ḅụ kụ́rọ́ma dugho ọ pịrịarị ḅẹẹ ọ ḅụ fóofóo ma mini nna ḅara pa fịrịnwangị dọghụghaapụ fịnị angaá na pịghị wa pa n pịrị againma ma duaghaapụ fịnị angaá.

Matiu 18:17

Ọ ḅọ́rọ́ mini n pughugha, dugho pa sọsị ma pịrị, ọ ḅọ́rọ́ pịghị mini sị sọsị ma sọ pughugha anịsáa Tamunonimighaḅo ḅara anịgha ásẹ́mẹ́kiri ósó igbii daa ḅo ḅara pa n ḅo na mịẹ.

1 Kọrịntịapụ 5:13

Tọ́ndiri ma bie n gịẹ kórómam, <>

2 Jọn 1:10

Anịgo, ḅọ́rọ́ kị́nị́ ọ damaḅom sị mị dienyẹ ma akuogha, anị tumḅọ ma daa ị wárị suu ma, pịghị ọ ḅẹ́ ma ḅẹ́ diin ị nana fịnị.

Puu Findi 22:15

Kụ́ma nụ́ngọbie anịị obiri na pịghị tọ́rụ́kịrịkị́rị́ egberi ikiakoroapụ, yáakuu ḅụ ofori nwángị kọọapụ, susi n kárányẹ pịrịarịapụ na pịghị iruonyẹ ḅẹlẹmaapụ ẹ́gẹ́rẹ́ ḅụ na pịghị mịẹnyẹ ḅụ.

Puu Findi 21:8

Kụ́ma ḅáláfaapụ, mininighaapụ, pilemaapụ, kị́nị́ ḅáapụ, yáakuu ḅụ ofori nwángị kọọarịapụ, tọ́rụ́kịrịkị́rị́ dirikọ́rịapụ, susi n kárányẹ pịrịrịarịapụ, na iruonyẹ dughoapụ mamgba nna fịnị yọ anịị ọpọlịḅuruma pa dọghụarị kọrịfịnị ésiḅe ma, anịị mmẹẹ́ kárámá fịị ma.>>

1 Timoti 3:3

N ḅo iru ḅuu tọ́rụ́ ḅámábịgha, owitẹ́mẹ́bie pa nyẹ́ mịẹgha, kụ́ma tẹ́mẹ́ ọfịrịgha tumḅọ, kamsọsọghaḅọ; ori igbii ḅẹ́lẹ́mabịgha;

Matiu 23:25

<

Puu Findi 2:20

<

Ẹ́fịsọsapụ 5:5

Ọmịnị ine nimitélémabẹm ḅẹ́ yáakuu ḅụ ofori nwángị kọarịḅọ, ịlọ́lị tumḅọ anịgha oputọrụ nyanaḅọ, ọkọ fịnịị nyẹ mịẹapụ diekiri nyánábịgha Krais na Tamuno amadakiri. Oputọrụ fịnị ḅara so ḅọ́rọ́ susi jẹ́ tamuno pịrị.

Ibi Oku Ma Luk Anị Gịẹ Ḅara 21:34

<<Ọmịnị ọ ḅụ ẹbị sị minima opu fị na ḅụ na ọ dighi akị so, ọ pịghị minima sị tuminikiri ḅụḅáláḅálá opuma ọmịna tẹ́mẹ́bie bii sí ọ ḅáláḅálá ma anịgha éné ma ḅo ọ ḅụ koro tọ́rụ́ pa dighigha sáá, sọ́ḅọ́rọ́ n tughu dia.

1 Kọrịntịapụ 6:10

anịgha furuapụ anịgha oputọ́rụ́apụ anịgha iru ḅụụ tọ́rụ́ ḅámaapụ, anịgha jẹ́apụ dughosimaapụ anịgha ngarafịapụ mịnaapụ ma gbẹ́rẹ́ḅọ sọ Tamuno amadakiri ma nyánáḅobịgha.

Kolosiapụ 3:5

Anịgosi, mịẹsị anị fịị, tuminikiri ị́yẹ́ duma bie fịnị pụghọ tarịarịnyẹ ma: yáakuu ḅụ ofori nwángị duma, ámánwángị ịlọ́lị duma, ámánwángị pughotarị, siinyẹ pughotarị na oputọrụ mịma sị ḅara sọ́ḅọ́rọ́ susi n kara tamuno pịrị.

1 Kọrịntịapụ 8:11

Anịsáa mịị tẹ́mẹ́kụ́rọgha mịná owitụ́wọ ma Krais ọ sịbị goo fịịḅọ ma, warị fịị faabẹm ịrị ma níminyẹ gosi!

1 Kọrịntịapụ 6:6

Kụma anịmanakaragha, ị jẹa mininiḅọ mú jụghọ pa ḅẹ́rẹ́kọ́wárị múm, mịma kiriakịarị angaá anịị mininighaapụ ma tórúku!

Romapụ 13:13

O ḅo wa karakárá ḅara pa wámịna duma kọọ, éné bie baá ḅụ duma kọọarịapụ ḅara, fị na ḅụ na ḅugha anịgha iru ḅụ tọ́rụ́ḅáma, sẹfị duma anịgha yáakuu ḅụ ófórigha nwángị, bịpị ogbosogha na tọ́rụ́akụ,

Puu Findi 2:14

Kụ́ma a jẹ́ kálányẹ nyánam a pa ọmịnị ọlọọ bẹnyẹ: ọmịna ḅụ jẹ́apụ Balaam dienyẹ ma duaarị Balak dieḅọ nnị Izirẹlịawọ daa mú siinyẹ bie suu bẹ ḅara, ori n suma ḅara ḅẹẹ nnị n pa igwagwaá nkára tamuno pịrị fị́nyẹ fịị sị pịghị yáakuu ḅụ ófórigha nwángị kọọ.

1 Timoti 6:5

pịghị sámámgba nna tẹ́mẹ́bie ịlọlịapụ na ḅẹrẹ kpángịrị, mịnị tọ́ntọ́ ẹ́gẹ́rẹ́ ma karakárá nyánágháapụ. Nnị kórómaarị ḅẹ́ Tamuno nimi ma anịị ḅọ́rọ́ igbii nyána asọ.

Ẹ́fịsọsapụ 5:18

Ọmịnị iru ḅuu tọ́rụ́ḅáma tegó anị ọmịna duma famabẹm, kụ́ma Tẹ́mẹ́ ma ọ ḅụ sọ bifụfụụ́.

Galesiaapụ 2:12

Jems fịrịmaapụ ma na ḅo anị ngá ma laagha sa, Pita, ọ Juughaapụ ma na nyẹ́fị fịm. Kụ́ma mịná túminị́ ma anị ngá láa sa, ori ọ ḅụ nụ́nụ́ákịm si mịnị Juughaapụ ma na nyẹ́fịgha, tegó, ḅẹapụ ḅẹ́ Juughaapụ ma tọ́ngọ̄ pẹ́lẹ́ ori n dighi ḅáláfaarị.

1 Kọrịntịapụ 11:21

ọ nyẹ ma fịarị sáá, ọ́rụ́ḅọ ọ́rụ́ḅọ amịna fị́nyẹ fịịarị gbẹ́rẹ́ḅọ sọ kurugha pa, mịma gosi jẹ́apụ ḅurutarị ḅụ imi, jẹ́apụ ịrụ ḅuu tọ́rụ́ḅáma.

1 Kọrịntịapụ 10:14

Anịgosi, ị́yẹ́ ibi nangwọapụ ọmịnị ọ ḅụ fófóoma nkára tamuno tẹ́ghẹ̄ ḅụ.

1 Kọrịntịapụ 7:15

Anị fịnị ḅara ma, ḅọ́rọ́ Krais ḅụ mininigha taáḅọ ma anịgha deeḅọ ma ḅẹẹm n ḅọ so dọ́ghụm, anị wárịso anị ọkọ fịnị. Anị ọkọ koro sáá, minini ọ́rụ́ḅọ ma, ḅọ́rọ́ deeḅọ anịgha táaḅọ, ólóghó n ḅo ọlọgha. Tamuno wa sịmam ḅẹẹ wa ḅo diin ḅụ ngaa.

1 Kọrịntịapụ 7:12

A dugho isiapụ ma pịrịm (irị, ḅụgbọrụ, Kịnịnyánáḅọgha): ḅọ́rọ́ Krais asọ duaarị mịná owitụ́wọ táa nyanam mininighaḅọ sị pa mịnị sị ọ nana ngáarị, ori jẹ́ éné jẹ́ éné a sịghịbịgha.

Fịrị Ḅara 9:17

Ananayas warị Sọl fịnị angaá ma sọọ, warị ḅara pa ori ọgọ́nọ́ gbánā, warị ḅẹẹ, <>

Ibi Oku Ma Luk Anị Gịẹ Ḅara 18:11

Farisiiḅọ ma warị fofoo sẹ sị tẹ́ghẹ̄ ḅẹẹ,

Fịrị Ḅara 1:15

Tọgha dii ḅo ḅọ́rọ́ sáá, mininiapụ ma kóbiri ogbo ḅo kiriakịm, anị ngaa fịnịapụ mamgba túminị́ suene a si, Pita warị sághị si ẹ́gẹ́rẹ́ẹ́

1 Kọrịntịapụ 6:9

O nimigha ḅẹẹ siinyẹ mịẹarịapụ ma Tamuno amadakiri ma nyánáḅobịgha, ọmịnị oḅori pa ọ ḅụ sima, n kárányẹ tẹ́ghẹ̄arịapụ, anịgha yáakuu ḅụ ofori nwángị kọ́arịapụ anịgha amịna jẹ́ owiapụ na munoarịapụ