1 Kọrịntịapụ 4:7 - Ibani New Testament

⁷ Tụọ imie sị ị ibiḅaa jụgho nẹ́ngị? Ị nyánányẹ gonyẹ́ gonyẹ́ Tamuno pa i pịrịghaa? Nnị ḅọ́rọ́ pa ị pịrị pịrịị, ị tegósi bịpịkpọ bẹ, ḅọ́rọ́ i nyánányẹ ma n die i pịrịnyẹ́gha?

1 Kọrịntịapụ 4:7 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 19:13

Kụ́ma, na omugha sáá, ori ọrẹ oyia ómóniapụ sị kubirim warị gbẹ́rẹ́ odoḅala igbii pa ọ́rụ́ḅọ ọ́rụ́ḅọ pịrị, warị n ḅẹẹ,

Ibi Oku Ma Jọn Anị Gịẹ Ḅara 1:16

Ori tọ́rụ́kụrụkụ́rụ́ bi wasa ḅara gosi ọ wamịnị kị́nị́mamgba bomam, gbẹ́rẹ́ boma ḅụ akị mú jẹ́ la.

Ibi Oku Ma Jọn Anị Gịẹ Ḅara 3:27

Jọn warị mịma pagharaa ḅẹẹ, <

Romapụ 1:5

Tamuno Krais ḅụ ḅọ́rọ́ tọ́rụ́kụrụkụ́rụ́ nyáná wa pịrịm sị wa sị ḅẹ́ wamịnị ḅo nfịrịmaapụ sọọ Krais ma ẹrẹ́sị, sị sẹ gonyẹ́ gonyẹ́ ḅụ wa túminị́ daá bẹ ḅara ḅẹ́ nnị ọḅụụ minini pịghị ọ bịpị pughu.

Romapụ 12:3

Tamuno ma ori tọ́rụ́kụrụkụ́rụ́ ḅụ ḅọ́rọ́ pa die i pịrịnyẹ gosi, a dugho ọmịnị kị́nị́mamgba pịrịarị ḅẹ́ gbẹ́rẹ́ḅọ sọ kóróma ma ḅẹ́ n ḅọ opuma duḅamam, n ḅọ ọkọ fịnịgha sa, anịmanakaragha ḅụsímínímá ị́yẹ́ kóróma ḅụ, pịghị ḅẹ́rẹ́kọ ịḅụ pịrị Tamuno ma pa ị pịrị minini láa ḅara ḅụ.

Romapụ 12:6

Anịgo ọ́rụ́ḅọ ọ́rụ́ḅọ n ḅọ nyáná dienyẹ ma pa fịrịnwangị, Tamuno ma ori tọ́rụ́kụrụkụ́rụ́ ḅụ ḅọ́rọ́ pa n pịrịnyẹ. Tumḅọ dienyẹ ḅọ́rọ́ ikiakoro, ikiakoro ị́yẹ́ minini láa ḅara.

1 Kọrịntịapụ 15:10

Kụ́ma Tamuno tọ́rụ́kụrụkụ́rụ́ ḅụ a mịị fịnị ḅara ma fịnịm, ọ nyáná i pịrị tọ́rụ́kụrụkụ́rụ́ papa faghaa, ọkọgha, a ịnyọsua fịrịnwangị nnị kị́nị́mamgba nẹngịm, anịsọ irịgha kụ́ma Tamuno ma tọ́rụ́kụrụkụ́rụ́ iḅụbie fịrịnwangịarị nyẹ.

1 Kọrịntịapụ 3:5

Anịsáa tụọ ḅọ́rọ́ Apọlọs, Pọl ori tụọ? Wamịnị papa Tamun fịrịnwangịapụ Tamuno pa ọ daa tụụma sị o goo minini nyẹ. Wamịnị papa Tamuno fịrịnwangịapụ, pịghị mị fịrị ma ḅụ ḅọ́rọ́ ọmịnị ḅo Krais ḅụ minimam.

1 Kọrịntịapụ 5:6

Ị́yẹ́ bịpịkpọ ma ibighaa, ọ mịị kaḅụ ma nimigha dughonyẹ ḅẹẹ, kálá yisti tụ́wọ anịị fịtúrú kpo ma gbọrụ sughumaarị nyẹ?

1 Kọrịntịapụ 7:7

Tụ́manyẹ, anị iḅụḅẹ́lẹ́bẹm ọmịnị kị́nị́mamgba a fịnị ḅara fịnịị. Ọ́rụ́ḅọ ọ́rụ́ḅọ amịna dienyẹ nyánam Tamuno ḅara, gbẹ́rẹ́ḅọ mị dienyẹ ma, jụghọ anị dienyẹ ma.

Jems 1:17

Tamuno pịrịnyẹ gonyẹ́ gonyẹ́ ibim pịghị kpainm, sobie saghị ḅo nyẹ gonyẹ́ gonyẹ́ anị ibim pịghị kpainm Tamuno ḅara anịị anị saghị ḅoarị nyẹ.

1 Pita 4:10

Ọ́rụ́ḅọ ọ́rụ́ḅọ, n ḅo nyáná ḅo dienyẹ ma pa fịrịnwangị jụghọ jụghọ pịrị, ibi fịrịnwangịapụ ḅara ine Tamuno ma pa n pịrị tọ́rụ́kịrịkị́rị́ dienyẹ pa ibiḅara pa fịrịnwangịarịḅọ.