1 Kọrịntịapụ 4:6 - Ibani New Testament

⁶ Anịgo, i jẹa miniapụ, ọmịna sịbị goo, a mịị nyẹ ma pa ịḅụ na Apọlọs mịẹm, wamịnị mmẹapụ pa anị kịkamanyẹ pa ọ dáwọ́ ma sị ọmịnị ine mị ẹ́gẹ́rẹ́ ma dughonyẹ nimi bẹ ḅara, <> Ọmịna ḅụ gbẹ́rẹ́ḅọ sọ isiḅọ pa bịpịkpọ ma sị isi ngaḅọ dighisimaa.

1 Kọrịntịapụ 4:6 ပူးပေါင်းရင်းမြစ်များ

Fịrị Ḅara 18:24

Anịsáa ma ḅụ gbẹ́rẹ́ Juu owitụ́wọ nnị Apọlọs pa sịḅọ, Alegizandiriya ḅụ n yiiḅọ Ẹ́fịsọs ḅom. Ori ẹ́gẹ́rẹ́ kọ́ọdim, pịghị ibiḅara pa Tọ́ndiri ma nimii.

Fịrị Ḅara 19:1

Apọlọs pa Kọrịntị ḅụ fịnịarị sáá. Pọl Galesia na Frigiya parangáa ḅọ́rọ́ Ẹ́fịsọs múm. Anị ngaa anịị o jẹa Krais ọḅụduaapụ árịnyẹ,

Romapụ 12:3

Tamuno ma ori tọ́rụ́kụrụkụ́rụ́ ḅụ ḅọ́rọ́ pa die i pịrịnyẹ gosi, a dugho ọmịnị kị́nị́mamgba pịrịarị ḅẹ́ gbẹ́rẹ́ḅọ sọ kóróma ma ḅẹ́ n ḅọ opuma duḅamam, n ḅọ ọkọ fịnịgha sa, anịmanakaragha ḅụsímínímá ị́yẹ́ kóróma ḅụ, pịghị ḅẹ́rẹ́kọ ịḅụ pịrị Tamuno ma pa ị pịrị minini láa ḅara ḅụ.

1 Kọrịntịapụ 1:12

Kúru a mị ḅara pa anị dugho; ọ́rụ́ḅọ ọ́rụ́ḅọ jẹ́ kịrịnyẹ dughoarị. Gbẹ́rẹ́ḅọ dughoarị ḅẹẹ, <>, jụghọ dughoarị, <>, jụghọ ḅẹẹm <> Jụghọ pịghị ḅẹm, <>

1 Kọrịntịapụ 1:19

Tọ́ndiri ma dughom ḅẹẹ, <>

1 Kọrịntịapụ 1:31

Anịsáa tọ́ndiri ma dugho ḅara ḅẹẹ, <>

1 Kọrịntịapụ 13:4

Ḅẹlẹma nyánáḅọ ngịrịma nyánam, anị pịghị kị́nị́ balam, anị kị́nị́ nyẹ mọnịghaa, anịgha ḅụ sághị sóghólóma anịgha bịpịkpọ.

1 Kọrịntịapụ 3:19

Tegó mị tuminikiriapụ pa nyẹ́nimi nyẹ sị nyẹ anịị papanyẹ Tamuno tórúku tegó, Tọ́ndiri ma dugho ḅara, <>

1 Kọrịntịapụ 3:21

Anịgosi gbẹ́rẹ́ḅọ sọ bịpịkpọ ma tumḅọ ine mịẹbẹnyẹ ḅụ. Karakárányẹ ḅụ nyẹ gonyẹ́ gonyẹ́ ọ́ ọmịna nyẹ.

1 Kọrịntịapụ 5:2

Anịsáa ị́yẹ́ opuamịẹnyẹ anị tegósi sughuu? Anịmanakaragha biesii ịḅụ biibiegháa? Ọkọfịnị nyẹ ma mịẹḅọ ma ọmịnị n ḅọ deesi ọmịna mịẹgbólóma ḅụ.

1 Kọrịntịapụ 5:6

Ị́yẹ́ bịpịkpọ ma ibighaa, ọ mịị kaḅụ ma nimigha dughonyẹ ḅẹẹ, kálá yisti tụ́wọ anịị fịtúrú kpo ma gbọrụ sughumaarị nyẹ?

1 Kọrịntịapụ 8:1

Mị́sa ọ gịẹnyẹ ma gbolomanyẹ anịị nnị pa igwagwaá n kárá tamuno pịrị fị́nyẹ. Karakárányẹ ḅẹẹ, wamịnị kị́nị́mamgba nyẹ́nimim, n dugho ḅara, anị fịnị ḅara ọkọ fịnị níminyẹ mịẹ mịẹm jẹ́apụ sághị opuamịẹnyẹ mịẹ; kụ́ma ḅẹlẹma tumḅọ mịẹm n ḅọ sẹnị.

1 Kọrịntịapụ 9:23

A mịná nyẹ mamgba mịẹm ibi oku ma gosi, sị a diekiri nyána bẹ ḅara anị ḅụ fịnị karịibima ḅụ.

2 Kọrịntịapụ 10:12

Tụ́manyẹ ḅẹẹ, wa wámịna ḅụ pa opuma nna ḅụ sághị sóghólomaapụ na tụ́mabịgha. Mịná oḅoriapụ ma nnị n ḅụ na kụ́rá ólóghó suam, nnị warị n sua ólóghó ma ḅụ ḅọ́rọ́ ḅẹ́rẹ́kọ nna ḅụ pịrị.

2 Kọrịntịapụ 10:15

Wamịnị wa bịpịkpọ jẹ́apụ nwángị famamaá fịrị pịrịgha. Kụ́ma wa tọ́rụ́ dighinyẹ nyánam ḅẹẹ fịrị ma anị opuma sẹ́nị mị ḅara ḅọ́rọ́bẹm. Anịsọ a árịbẹm ḅẹ́ a ịḅụ wárim Tamuno tọ́ọ i pịrị yọ ma ḅụ.

2 Kọrịntịapụ 10:7

Ọ nyẹ dighiarị anị fịnị ḅara ọgọnọ ọgọ́nọ́. Ḅọ́rọ́ tumḅọ biekpọma nyánam ḅẹ́ n ḅọ Krais nyẹẹ, anịḅọ ma pịghị sima akanyaḅo ḅẹ́, wamịnị sọ Krais nyẹẹ, n ḅọ ma so Krais nyẹẹ ḅara ma.

2 Kọrịntịapụ 11:4

A mịma dughoarị tegó a arịḅom bẹ ḅọ́rọ́ kị́nị́ ọdámáḅom warị jẹ́ Jizọs dugho wásámáa, wamịnị na dugho wásámagha ḅọ, anịgha ọ jẹ́ tẹ́mẹ́ daákịm kịrịnyẹ parị ọ daakị nyẹ ma ḅụ, anịgha kịrị ibi oku na ọ daákịgha nyẹ, ọ ḅụ tẹ́lẹ́ma nnị daákịbẹm.

2 Kọrịntịapụ 12:19

O sị ḅẹẹ mị́sa mamgba wa wámịna ḅụ pighiarị ọmịna toruku. Anị ọkọ fịnịgha Tamuno ị́yẹ́ onyésẹ̄ḅọ ḅara, a karakáráma dugho ọ pịrịm Krais ómóniḅọ ḅara. Wa pịghị mịẹarịnyẹ gonyẹ́ gonyẹ́ mịnaapụ, anịị pa ḅárásua ọ pịrị!

2 Kọrịntịapụ 12:20

Ḅáláfa ịḅụ imi ḅẹẹ a aningáa láa bẹ sa a bi ḅara ọmịnị ọkọfịnịbịgha, ọmịnị sọ pịghị dọghụ ḅara a ọkọfịnịbịgha. Ḅáláfa ịḅụ imi, bẹ kam sọ, na jụghọ nyẹ mọnị, na ọfịrị kúkúbie, na ngéré fịị, jẹ́apụ dughosima, na opu ibiamịẹnyẹḅọ na nyẹ mịẹ gálágálá ma, anịị a árị bẹnyẹ.

2 Kọrịntịapụ 12:6

A ḅọ́rọ́ bịpịkpọ dọghụ, a oḅoriḅọ sọbịgha tegó a karakárányẹ ma dughobẹm. Kụ́ma a bịpịkpọbịgha tegó a bigha túminị́ jẹ́ tụ́ma ḅara pa i dighi, nnị árịnyẹ na pịghị i bịpị nnị náanyẹ ḅụ ḅọ́rọ́.

2 Kọrịntịapụ 4:15

Mịị mamgba ọ ọmịna sịbị go, sị Tamuno tọ́rụ́kụrụkụ́rụ́ mú tọgha tọghaapụ la sa, nnị tọgha tẹ́ghẹ̄ ịmịẹḅam pa Tamuno ḅẹbẹm ọrẹ ipine ḅụ.

Kolosiapụ 2:18

Minima kị́nị́ ḅẹ́rẹ́ pa ọ ḅárá sima, dughoarị ḅọ ḅẹ́, nḅọ nyẹ́nimiḅam, anịị nḅọ múnogha dawọ ḅụ árịarị nyẹ gosi na pịghị nḅọ nyána oḅori pa kị́nị́ sị ḅụ sitéréma ḅụ na pịghị susi soókumuapụ pịrị ḅụ. Mịná túminị́ ma nnị ḅara pụ́nụ́nyẹ nyanagha sị opuamịẹnyẹ mịẹarị nna kóróma ḅụ

1 Tẹsalonaikaapụ 1:5

Wamịnị ibi oku ma akuoo ọ pịrịm, ẹ́gẹ́rẹ́ ḅụ ngéréghaa, kụ́ma kụ́rọ ḅụ na pịghị Tọ́ntọ́ Tẹ́mẹ́ ma ḅụ, wa pịghị diepághámam wa káara ḅara pa anị karakárá minini ḅara. O nimim wa duma kọọ ḅara wamịnị ọ nana fịnị sáá, anịị ọmịna ibi gosi.

2 Timoti 2:10

Anị ẹrẹ́sị a ngịrịma nyáná nyẹ gonyẹ́ gonyẹ́ pịrịm Tamuno sẹlẹakịapụ ma sịbị gosi, nnị sọ Krais Jizọs ḅara ḅoo dụaḅọ́rọ́ma ma nyáná bẹ ḅara Gbámásóḅọ ma akuoarị nyẹ.