1 Kọrịntịapụ 3:16 - Ibani New Testament

¹⁶ Tụ́mányẹẹ ọ nimim ḅẹẹ ọmịnị Tamunowarị Tamuno Tẹ́mẹ́ pịghị ọmịna ḅụbie ngam.

1 Kọrịntịapụ 3:16 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 14:17

Mịị ḅárásuaḅọ ma ori anịị Tọ́ntọ́ Tẹ́mẹ́ ma tụ́manyẹ ma pa túminị́ diearịḅọ. Tuminikiri ma ine ọ daa kórómabịgha tegó nnị ori arịgha anịgha o nimi. Kụ́ma ọmịnị o nimim ori ọmịnị na ngáarị gosi ọ pịghị ọmịna bie fịnịbẹm.

Romapụ 6:16

Ọmịnị o nimigha ḅẹ́, ọmịnị ọmịna ḅụ pa jụghọ pịrị sa soḅọ́rọ́ n ḅọ ómóniḅọ sị n ḅọ bịpị pughu, ọmịnị omoni sọ ọ bịpị pughu nyánáḅọ ma pịrịmam ḅọ́rọ́ ọmịnị omoni sọ sii pịrị, fịị dighiḅoarị nyẹ anịgha Tamuno bịpị pughu mịẹsị tumḅọ na Tamuno na karakárá ḅụ ḅụ fịnị.

Romapụ 6:3

Ọ́ kọ́kọ́ ibima nimi ḅẹ́ wa mingi sara sa, wa ọkọ mịẹm wa Krais Jizọs na gbẹ́rẹ́nyẹ mịẹbẹ ḅara, wa mingi sara sa wa ọkọ mịẹm pa die ḅẹ́ wamịnị ori na gbẹ́rẹ́ḅụ ḅụ imi ori fịị ḅụ.

Romapụ 8:11

Ḅọ́rọ́ fịị ḅụ Jizọs Krais saghịma Tamuno Tẹ́mẹ́ ma ọmịna biebẹ ngam, anịsa ori Krais saghịma ḅọ fịị ḅụ pịghị duma pa ọmịna fịị bẹ ojumẹnị ma pịrịbẹm. Ọ Tẹ́mẹ́ ọmịna oju bie ngáarị nyẹ ma ḅụ ḅọ́rọ́ mịma mịẹbẹm.

Romapụ 8:9

Kụ́ma ịrị ị́ ị́yẹ́ ojumẹnị dugho ḅara pa duma kọgha, anịmanakaragha ị́ Tẹ́mẹ́ ma dugho ḅara pa duma kọm, ḅọ́rọ́ tụ́manyẹ ḅẹ́ Tamuno Tẹ́mẹ́ ma ọmịna biebẹ ngam. Krais Tẹ́mẹ́ ma nyánághaḅọ gonyẹ́ gonyẹ́ Krais tumḅọgha.

1 Kọrịntịapụ 3:17

Tamunowarị gulugulumaḅọ gonyẹ́ gonyẹ́ Tamuno n ḅọ gulugulumabẹm Tamunowarị ma tọ́ntọ́m; ọmịnị anịị Tamunowarị ma.

1 Kọrịntịapụ 3:9

Wamịnị kị́nị́mamgba wamịnị gbẹ́rẹ́ fịrịnaapụ fịrịnwangị Tamuno pịrịarị, ọmịnị ma anịị Tamuno duakiri. Ọmịnị anị pịghị Tamuno wárị ma.

1 Kọrịntịapụ 5:6

Ị́yẹ́ bịpịkpọ ma ibighaa, ọ mịị kaḅụ ma nimigha dughonyẹ ḅẹẹ, kálá yisti tụ́wọ anịị fịtúrú kpo ma gbọrụ sughumaarị nyẹ?

1 Kọrịntịapụ 6:16

Anịgha o nimigha ḅẹẹ amịna ḅụ pa sẹfịḅọ na gbolomaḅọ, n ḅọ á nana gbẹ́rẹ́ oju nyánámam? Tọ́ndiri ma dughom, tọ́rụ́ ḅuruḅurumagha ḅara ḅụ ḅẹẹ, <>

1 Kọrịntịapụ 6:19

O nimigha mọ ḅẹ́ ọmịna oju anị Tọ́ntọ́ Tẹ́mẹ́ ma Tamuowárị, ọmịna bie ngaaḅọ, Tamun pịghị pa ọ pịrịḅọ? Ọmịnị ọmịna ḅụ nyánágha kụ́ma Tamuno anịị ọ nyánányẹ.

1 Kọrịntịapụ 6:9

O nimigha ḅẹẹ siinyẹ mịẹarịapụ ma Tamuno amadakiri ma nyánáḅobịgha, ọmịnị oḅori pa ọ ḅụ sima, n kárányẹ tẹ́ghẹ̄arịapụ, anịgha yáakuu ḅụ ofori nwángị kọ́arịapụ anịgha amịna jẹ́ owiapụ na munoarịapụ

1 Kọrịntịapụ 9:13

Ọ kọkọ nimi ḅẹẹ Tamunowárịbie fịrịnwangịarịapụ nna fị́nyẹ nyanaḅoarị Tamunowarị ma bie, ẹ́bẹ ọgọnọ agbaa mịẹarịapụ ma sọ diekiri nyánam n mịẹarị agbaa ma bie.

1 Kọrịntịapụ 9:24

Ọ kọkọ nimi ḅẹẹ mangị ti ma ḅụ, tọghaapụ mangịm kụ́ma gbẹ́rẹ́ḅọ anịị dienyẹ ma nyánákịarịḅọ. Anịgosi mangịị sị i dienyẹ ma nyánáakị ḅo bẹ ḅara.

2 Kọrịntịapụ 6:16

Tamuno wárị na nkára tamuno nnị tẹ́ mịẹnyẹ nyáná gboloma bẹ. Wamịnị anị dúmagbámásó Tamuno ma wárị: Tamuno ọ ḅụgbọrụ ḅẹ́ ḅara ma ḅẹẹ. A nnị na ngábẹm pịghị nna ogbobie nwángị ikelekelé, a Tamuno sọ n pịrịbẹm nnị sọ ịyẹa túminị́ sọ́bẹm.

1 Timoti 3:15

Kụ́ma a ḅọ́rọ́ sáá ngúma ngúma, mịị ábálálá ma pa o diebẹm túminị́ ḅara warị nyẹ́ mịẹ na ibiḅara Tamuno túminị́ ma kubiri ogbo, anịị dumafịnị Tamuno ma Tamuno kubiri ogbo ma, agalaba sị na anị sughusághị, Tamuno karakárá ma dighinyẹ.

2 Timoti 1:14

Wa bie fịnị Tọ́ntọ́ Tẹ́mẹ́ ma kụrọ ḅụ ḅọ́rọ́ nnị pa ị ḅárabie sua ibi nyẹ ma ibima anị wárii.

Hiburuapụ 3:6

Kụ́ma Krais Tamuno Tụ́wọ, ọ sẹ kụrọm Tamuno wárị ma bie, ori anịị sịbịdáḅọ, wamịnị anịị wárị ma, wa ḅọ́rọ́ wámịna biekpọ na tẹ́mẹ́kụ́rọ ọlọsẹma nḅẹḅẹ́, wa pa ine bịpịkpọ ḅẹnyẹ.

Jems 4:4

Ọmịnị ine Tamuno na sẹghaapụ, o nimigha ḅẹ́ tuminikiri ma na nangwọ sọọ anịị Tamuno na iruonaḅọ mịẹ? Dọghụḅọ gonyẹ́ gonyẹ́ ḅẹ́ n ḅọ tuminikiri na nangwọ sọọ, Tamuno iruonaḅọ sọmam.

1 Pita 2:5

Mị́sa ọ fịnị ḅara sọ́ḅọ́rọ́ dumafịnị dapịrị nnị pa tẹ́mẹ́ju warị námáarị nyẹ. Ọmịnị sọ pịghị tọ́ntọ́ igwagwaapụ, Jizọs Krais ḅárásua ḅụ ḅọ́rọ́ ọ Tamuno ḅẹ́lẹ́maarị igwaa gwaabẹm.

1 Jọn 4:12

Gbẹ́rẹ́ḅọ so na Tamuno arịgha, kụ́ma wa ḅọ́rọ́ jụghọ jụghọ ḅẹlẹma, wamịnị na Tamuno na gbẹ́rẹ́ḅụ ḅụ imi. Ori ḅẹlẹma pịghị anị ḅụ mịẹ kpainmamam wámịna bie.