1 Kọrịntịapụ 3:12 - Ibani New Testament

¹² Jẹ́apụ odoḅala anịgha pị́naḅala anịgha nyẹ́la onwo pa kiri sughu sị ine súghúise dapịrị ma ọ́gọ́nọ namabẹm, isiapụ sịị anịgha osuka anịgha ányị́nyá pa anị ọgọnọ námabẹm.

1 Kọrịntịapụ 3:12 ပူးပေါင်းရင်းမြစ်များ

Fịrị Ḅara 20:30

Sáá ḅobẹm, jẹa túminị́ ọmịna ogbobie saghị epele tiibẹm sị mininiapụ tọ́rụ́ daa n ḅụ pịrịị.

Romapụ 16:17

Mịnaapụ, a ọ tẹ́ghẹ̄m ḅẹ́ ọ tọ́rụ́ pa puama dighiḅoarịapụ ma ḅụ gbánā, mininiapụ mịẹarịapụ sị n bịghị pighi asọ mgbẹsẹ dighiḅọ ọ dáwọ ḅomaá dienyẹ ma pịrịarịapụ. Ḅụ kile nna ḅụ!

1 Kọrịntịapụ 3:11

Tegó gbẹ́rẹ́ḅọ sọ ine jẹ́ súghúisebịgha Tamuno isemaa anganyẹ ma sima. Anị súghúise ma anịị Jizọs Krais.

1 Kọrịntịapụ 3:13

Tumḅọ nwángị fịrị fịnị ḅara, kị́nị́ anị árịbẹm Krais ḅo ḅẹ́rẹ́kọ bẹ éné. Anị éné ma ḅụ fịnị ọ́rụ́ḅọ ọ́rụ́ḅọ fịrị ḅara diepághámabẹm; fịnị ma anị daádighibẹm sị tụ́ma sị anị fịnị ḅara die.

2 Kọrịntịapụ 2:17

Wamịnị wa isi tọghaapụ fịnị ḅara fịnịgha, Tamuno oku ma pa fẹ́ dẹrị sị sọnyẹ mịẹ, kụ́ma Tamuno wa fịrịmamam gosi, ọrẹ fịrịnwangịapụ ḅara, wa karakárá ḅara pa ẹ́gẹ́rẹ́ ma kọọm Tamuno tórúku.

2 Kọrịntịapụ 4:2

Wa ḅọghu na pịghị ḅụ́gịrịrịma fịrị mamgba sịghịmam, anịmanakaragha wa karakárá mamgba dughom túminị́ tórúku anị fịnị na ibiḅara, sị túminị́ wa nimi bẹ ḅara, pịghị nimi nna tẹ́mẹ́bie ḅẹ́ wa kọọ ẹ́gẹ́rẹ́ ma karakárányẹ Tamuno tórúku.

Kolosiapụ 2:8

O minima gbẹ́rẹ́ḅọ sọ ofori ofori na oḅori pa kị́nị́ sinyẹ nụná ḅụ ḅọ́rọ́ o kuu pa ịkóli bie sua, anịị tuminikiriapụ nyẹ mịẹmịẹ ḅara ḅụ saghị ḅoarị nyẹ, tuminikiri táarị sitẹ́mẹ́ ḅụ ḅọ́rọ́ kụ́ma Krais ḅara ḅụ saghị ḅogha.

1 Timoti 6:3

Jẹ́ kịrị dienyẹ dieḅọ fịnịfịnị sị pịghị wámịna Nyánáḅọ Jizọs Krais karakárá ẹ́gẹ́rẹ́ ma na kuragha nyẹ na pịghị wámịna Tamuno minini dienyẹ ma diegha ḅọ

2 Timoti 2:20

Opu wárịbie tọ́rụ́kịrịkị́rị́ ẹ́fẹ́rẹ na bọlị anịị fịnịnyẹ: jẹa nyẹ pị́naḅala jẹ́anyẹ odoḅala anịị n pa anị tẹ́mẹ́nyẹ, jẹa nyẹ sị anịị n pa anị tẹ́mẹ́nyẹ, jẹa nyẹ urọ átụ́ma anịị nnị pa anị tẹ́mẹ́nyẹ; jẹ́anyẹ álálị ḅụ anịị nnị anị pa fịrị ḅụ súúarị nyẹ, jẹ́anyẹ papa sáá anịị nnị anị pa fịrị ḅụ suuarị nyẹ.

2 Timoti 3:13

Kụ́ma sị a túminị́ na oḅori pa kịnịsịapụ gbẹ́rẹ́ sii ḅụ akị muu siḅaá angaá nyẹ ḅụ sọọbẹm, oḅori pa jẹ́apụ sịarị jẹ́apụ pịghị oḅori pa nna ḅụ sịarị.

2 Timoti 3:7

Mịná ẹ́rẹ́ámáapụ ma sámámgba nyẹ dawọarị kụ́ma ine ḅoo karakárá ma nimiḅogha.

2 Timoti 4:3

Sáá ma ḅoarị túminị́ mịnị birifama karakárá dienyẹ ma pịrịbịgha sáá, nnị nna ḅụ tarị nyẹ duabẹm, sị nyẹ́dieapụ táa tụndụrụma nna ḅụ pịrị, nna biri náa dọghụnyẹ pa n die bẹapụ.

Hiburuapụ 13:9

O minima tọ́rụ́kịrịkị́rị́ dienyẹ ọ daa irima karakárá asọ ma ḅụ. Anị ibim ḅẹẹ tumḅọ biebẹ ịnyọ nyáná ḅo Tamuno tọ́rụ́kụrụkụ́rụ́ ḅụ, mịnị saghị fị́nyẹ ólóghó kokogha, ọmịna bie mị ólóghó ma kokoapụ, mị ólóghó ma so ḅárásua n pịrịgha.

1 Pita 1:7

Mịị daádighi ma anịị pa diepágháma ḅẹ́ ọmịna minini ma anịị karakárányẹ ma. Odoḅala sọ, tumḅọ ine sima ḅẹnyẹ, fịnị anị n pa anị daádighi dighinyẹ. Anịma go, ọmịna minini nyẹ́la odoḅala nẹ́ngị nyẹ, n pa daádighi bie sua nyanam sị nimi anị ibi láa ḅara. Anịsa ọ túmíní na ipine na kuu nyánábẹm Jizọs Krais ọ ḅụ die bẹ éné.

Puu Findi 2:14

Kụ́ma a jẹ́ kálányẹ nyánam a pa ọmịnị ọlọọ bẹnyẹ: ọmịna ḅụ jẹ́apụ Balaam dienyẹ ma duaarị Balak dieḅọ nnị Izirẹlịawọ daa mú siinyẹ bie suu bẹ ḅara, ori n suma ḅara ḅẹẹ nnị n pa igwagwaá nkára tamuno pịrị fị́nyẹ fịị sị pịghị yáakuu ḅụ ófórigha nwángị kọọ.

Puu Findi 21:18

Onu ma jaspa anịị n pa anị tẹ́mẹ́nyẹ, opu ámá ma tụ́ma yóri yóri odoḅala anị n pa anị nama nyẹ, gilasi yóri yóri ḅara anịị anị yóri yóriarị ḅara.

Puu Findi 3:18

A ọmịnị againmam, ḅẹ́ ọmịnị i ḅara odoḅala fẹ́ẹ, n fịnịbie dọ́ghụ́ma yóri yóri odoḅala sị ọmịnị ála sọọ bẹ ḅara. Pịghị pị́na pị́na bịtẹ fẹ́ẹ sị pa ọmịna ḅụ sua sị ọmịna ḅụ́gịrịrịma papa ḅụ ma gbẹ́ẹ̄ bẹ ḅara. Pịghị pulo fẹ́ẹ sị pa ị tọ́rụ taa, si i ine nyẹ árị bẹ ḅara.