1 Kọrịntịapụ 2:14 - Ibani New Testament

¹⁴ Tẹ́mẹ́ ma nyánághaḅọ gonyẹ́ gonyẹ́ ine Tamuno Tẹ́mẹ́ ḅara ḅoo dienyẹ ma daákịbịgha. Ọkọfịnị tumḅọ ine nnị akanyaḅogha, n ḅo ḅụ anị ofori ofori nyẹ kịkam, tegó Tẹ́mẹ́ ma ḅụ ngéré anịị wamịnị ine dienyẹ ma akanyaḅo bẹnyẹ.

1 Kọrịntịapụ 2:14 ပူးပေါင်းရင်းမြစ်များ

Matiu 16:23

Jizọs tọ́rụ́ pighim sị Pita ḅẹẹ, <<Ị́yẹ́ ọḅụju sọọ, Satanị! Ịrị asọ mgbẹsẹ dapịrị sọ ị pịrịm; ḅẹẹ ịrị Tamuno ju ofori, kụ́ma túminị́ ju.>>

Ibi Oku Ma Jọn Anị Gịẹ Ḅara 10:20

Nna ḅụ tọghaapụ ḅẹarị, <>

Ibi Oku Ma Jọn Anị Gịẹ Ḅara 12:37

Jizọs mịná ḅụ́gbérépuma fịrị ma nwángịmam nbẹsọ nna tórúku, anịsọ nnị pa ọ ḅụ mininigha.

Ibi Oku Ma Jọn Anị Gịẹ Ḅara 14:17

Mịị ḅárásuaḅọ ma ori anịị Tọ́ntọ́ Tẹ́mẹ́ ma tụ́manyẹ ma pa túminị́ diearịḅọ. Tuminikiri ma ine ọ daa kórómabịgha tegó nnị ori arịgha anịgha o nimi. Kụ́ma ọmịnị o nimim ori ọmịnị na ngáarị gosi ọ pịghị ọmịna bie fịnịbẹm.

Ibi Oku Ma Jọn Anị Gịẹ Ḅara 14:26

Kụ́ma Ḅárásuaḅọ ma, Tọ́ntọ́ Tẹ́mẹ́ ma, Daḅọ ma fịrị ma bẹḅọ ị́yẹ́ ẹrẹ ḅụ, nyẹ gonyẹ́ gonyẹ́ pa o diebẹm, pịghị a pa o diemaa nyẹ mamgba pa ọmịna biekórómabẹm.

Ibi Oku Ma Jọn Anị Gịẹ Ḅara 15:26

<<Ḅárásuaḅọ ma ḅo sáá, a pa ọ fịrịma bẹḅọ Daḅọ ma ḅara, tụ́manyẹ pa túminị́ diearị Tẹ́mẹ́, Daḅọ ma ḅara saghị ḅooḅọ, ori ma igbọloma nyẹ dugho pághámabẹm.

Ibi Oku Ma Jọn Anị Gịẹ Ḅara 5:44

Ọ tọ́rọ pa ine minini bẹ, o jụghọ jụghọ ḅara túminí biarị sáá, kụ́ma ọ ḅẹnyẹ ḅẹnyẹ mịẹgha sị Tamuno ma ngéré ḅara ḅoo túminí nyáná?

Ibi Oku Ma Jọn Anị Gịẹ Ḅara 8:43

O tẹ́ go a dughoarị nyẹ ma akanyaḅogha anịị ọmịnị ine a dughoarị nyẹ naagha gosi.

Fịrị Ḅara 16:14

Lidiya, Tiyatira ḅụ saghị ḅoḅọ anịị wa naáapụ ma ḅụ gbẹ́rẹ́ḅọ, opu igbii láa bịtẹ anịị a dẹrịarị nyẹ. Mịị ọ́rụ́ḅọ ma anịị susi Tamuno pịrịarị ọ́rụ́ḅọ, Kị́nị́nyánáḅọ warị a kúkúbie findi sị a birifama Pọl dugho pághámaarị oku ma pịrịm

Fịrị Ḅara 17:18

Epikuriya na Stoyiki, opu nyẹ́dieapụ ọ nana nụnam, nna ḅụ jẹ́apụ o gbilam ḅẹẹ, <> Jẹapụ pagharam ḅẹ́ jẹ́ ámá oru gbólómanyẹ anịị o dughoarị nyẹ. Nnị mịma dughom Pọl Jizọs Krais gboloma ibi oku na fịị ḅụ saghị dugho wásámaarị gosi.

Fịrị Ḅara 17:32

Nnị náa sáá Pọl fịị ḅụ saghị gbólómanyẹ dugho sáá jẹapụ ọ kpọtim, kụ́ma jẹapụ ḅẹ́ẹ́m ḅẹẹ, <>

Fịrị Ḅara 18:15

Kụ́ma, mị́sa, anị ḅo nụnanyẹ sọmaá ḅara ẹ́gẹ́rẹ́ ḅụ, ẹ́rẹ́ ḅụ, na pịghị ọmịnị ólóghó, ọmịnị ọ ḅara na anị tẹ́lẹ́ma, a ọkọfịnịnyẹ ḅụ ḅẹ́rẹ́kọḅọ sọbịgha!>>

Fịrị Ḅara 25:19

Kụ́ma kálá nụná nyẹ anịị n nyánányẹ, nna Tamuno nimi gbolomanyẹ na pịghị Jizọs pa sị gbẹ́rẹ́ owitụ́wọ fịịmaá ḅọ, Pọl ḅẹẹ ḅọ ḅẹẹ o dumafịnịm.

1 Kọrịntịapụ 1:18

Krais fịị mgbẹsẹ sị́ ọ́gọ́nọ oku ma anị oḅori nyẹ sọm faarịapụ ma fịnị angaá, kụma wamịnị ḅọrọma nyánáarịapụ ma anịị Tamuno ma kụrọ.

1 Kọrịntịapụ 1:21

Tamuno ori opu nyẹ́nimi ḅụ mịẹm ḅẹ́ anị opuma ḅụdáa ḅẹ́ túminị́ nna níminyẹ ḅụ ḅọ́rọ́ nnị ḅoo o nimi. Tụ́ma wa dugho wásámaarị oḅori oku ma ḅụ ḅọ́rọ́ Tamuno anị ọ ḅụḅẹlẹ ḅara ḅụ mininiapụ ma duaḅọ́rọ́mam.

1 Kọrịntịapụ 1:23

Wamịnị ma, wa n ḅaupálị Krais ma dugho wásámaarị, mị oku ma anị Juuapụ iganịmaarị, Juughaapụ ma anị nyẹ ḅụ oforighaa nyẹ sọm;

1 Kọrịntịapụ 1:25

Ḅẹ́ Tamuno mịẹsị oḅorisọ kịkanyẹ ma anịị tuminikiri opu níminyẹ nẹ́ngị tẹ́lẹ́mam, Ḅẹ́ pịghị Tamuno ịnyọ nyanagha nyẹ kịkanyẹ, kụrọ tuminikiri ịnyọ nyáná nẹngịm.

1 Kọrịntịapụ 15:44

Papa oju nnị anị dipim, tẹ́mẹ́ oju nnị anị saghịmam. Ḅọ́rọ́ papa oju imii, anịsáa tẹ́mẹ́ ngá oju ma sọ imiịbẹm.

1 Kọrịntịapụ 15:46

Tẹ́mẹ́ nganyẹ ma tárị ḅogha, kụ́ma papanyẹ ma, anịma ḅọ́rọ́ sáá, tẹ́mẹ́ nganyẹ maá.

1 Kọrịntịapụ 2:12

Na wa mị tuminikiri tẹ́mẹ́ ma nyánaḅogha; tụ́ma wa Tamuno fịrịma Tẹ́mẹ́ ma nyanaḅomam, si wa Tamuno igbii ákịgha pa, pa wa pịrịnyẹ gonyẹ́ gonyẹ́ nimi bẹ ḅara.

1 Kọrịntịapụ 3:1

Karakárányẹ ḅụ, ịyẹa nángwọ́apụ a ine ẹ́gẹ́rẹ́kọọ ọ pịrịbịgha a ẹ́gẹ́rẹ́kọọ tẹ́mẹ́ ma nyánáapụ pịrịbẹ ḅara; a ẹ́gẹ́rẹ́kọọ ọ pịrịbẹm sọ́ḅọ́rọ́ ọmịnị mị tuminikiriapụ na pịghị káláawọ ọmịna minini Krais ḅụ.

Jems 3:15

Ọkọ fịnị opu nyẹ́nimi ma sobie saghị ḅogha, ọ́ mị tuminikiri nyẹ, ojumẹnị nyẹ pịghị sitẹ́mẹ́ nyẹ.

1 Jọn 2:20

Kụ́ma Krais ori Tọ́ntọ́ Tẹ́mẹ́ ma pa ọ sịbị saramam, anị ḅụ ḅọ́rọ́ ọmịnị mamgba karakáráma nimim.

1 Jọn 2:27

Kụ́ma ọmịnị, Krais ori Tọ́ntọ́ Tẹ́mẹ́ pa ọmịna ḅụ saramam. Ọ Tẹ́mẹ́ ọ nana fịnị sa gonyẹ́ gonyẹ́ o biigha gbẹ́rẹ́ḅọ so nyẹ pa o die. Ọ Tẹ́mẹ́ nyẹ́ gonyẹ́ gonyẹ́ pa o diebẹm, ọ pa ọ dienyẹ ma karakárányẹ, iruonyẹ anị bie ofori, Tẹ́mẹ́ ma dienyẹ bịpị pughu, anịsa i Krais na gbẹ́rẹ́ḅụ ḅụ fịnịbẹm.

1 Jọn 5:20

Wa pịghị nimim ḅẹ́ Tamuno Tụwọ ma ḅomam sị akanyaḅo pa wa pịrịmam, si wa karakárá Tamuno ma nimi, wa karakárá Tamuno ma na gbẹ́rẹ́ḅụ ḅụ imii ọ Tụwọ Jizọs Krais ma na gbẹ́rẹ́ḅụ ḅụ imi. Mịị karakárá Tamuno ma, mịị pịghị duma gbámásó.

Judu 1:19

Mịnaapụ ma, anịị puama dighiapụ, nnị nna ojumẹnị tarịarịnyẹ anịị n sumaarịnyẹ, Tọ́ntọ́ Tẹ́mẹ́ ma nyánágháapụ.