1 Kọrịntịapụ 2:13 - Ibani New Testament

¹³ Anịgosi wa tuminikiriapụ pa wa die níminyẹ pa ẹ́gẹ́rẹ́ kọọgha, kụ́ma Tẹ́mẹ́ ma pa wa die ẹ́gẹ́rẹ́, wa tẹ́mẹ́nyẹ ma karakárá puu findi Tẹ́mẹ́ ma nyánáapụ pịrịị.

1 Kọrịntịapụ 2:13 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 12:12

anịsáa ma ḅụ Tọ́ntọ́ Tẹ́mẹ́ ma ọ́ dugho bẹ́ nyẹ́ pá ọ́ pịrịbẹm.>>

Fịrị Ḅara 2:4

Tọ́ntọ́ Tẹ́mẹ́ ma nnị kị́nị́mamgba bie sọọ biim, nnị warị jẹ́ ḅẹ́lẹ̄ pa ẹ́gẹ́rẹ́kọọ Tẹ́mẹ́ ma nnị kụrọma ḅara.

1 Kọrịntịapụ 1:17

Ḅẹ́ Krais i fịrịmagha ḅẹẹ a ḅo mingi saraa kụ́ma ori i fịrịmam ḅẹẹ a ḅo ibi oku ma dugho wásámáa, tuminikiri opu nyẹ́nimiapụ ẹ́gẹ́rẹ́ pa anị dugho wásámaghaa, sị arịị ḅẹẹ Krais fịị mgbẹsẹ sị́ ọ́gọ́nọ ḅoo kụrọ nyanagha nyẹ sọbịgha ḅara.

1 Kọrịntịapụ 14:2

Kịrị ḅẹ́lẹ̄ pa ẹ́gẹ́rẹ́ kọọarịḅọ gonyẹ́ gonyẹ́ ẹ́gẹ́rẹ́ túminị́ pịrịgha kụ́ma ẹ́gẹ́rẹ́ Tamuno pịrịm, tegó gbẹ́rẹ́ḅọ sọ ori akanyaḅogha. Ori ḅọghu karakárányẹ dughoarị Tẹ́mẹ́ ma kụ́rọ ḅụ ḅọ́rọ́.

1 Kọrịntịapụ 2:1

A ọ damaḅoo sáá ị́yẹ́ mịná owiapụ, si a ḅọghu Tamuno karakáráma dugho wásámáa, a kporo ẹ́gẹ́rẹ́ na opu nyẹ́nimi ẹ́gẹ́rẹ́ kọọgha.

1 Kọrịntịapụ 2:14

Tẹ́mẹ́ ma nyánághaḅọ gonyẹ́ gonyẹ́ ine Tamuno Tẹ́mẹ́ ḅara ḅoo dienyẹ ma daákịbịgha. Ọkọfịnị tumḅọ ine nnị akanyaḅogha, n ḅo ḅụ anị ofori ofori nyẹ kịkam, tegó Tẹ́mẹ́ ma ḅụ ngéré anịị wamịnị ine dienyẹ ma akanyaḅo bẹnyẹ.

1 Kọrịntịapụ 2:4

Iyẹ dienyẹ ma na ị́yẹ́ oku a tuminikiri níminyẹ ḅẹlẹ ẹ́gẹ́rẹ́ pa anị kọọgha, kụ́ma Tẹ́mẹ́ ma anị kụ́rọ diem anị túminị́ ḅụ koro bẹ ḅara.

1 Kọrịntịapụ 9:11

Wa tẹ́mẹ́ sịmgbọ́lụ dipimaa ḅara ọmịna bie, anịsáa anị nyẹ́ sima, wa ḅọ́rọ́ ọmịna ḅárabie mị tuminikirinyẹ ma nyánáḅo.

Ẹ́fịsọsapụ 5:19

O tọ́ntọ́ núme na núme na, na pịghị tẹ́mẹ́ dighi saghị núme pa ẹ́gẹ́rẹ kọọ jụghọ jụghọ pịrị, ọ tẹ́mẹ́bie núme suu si Kị́nị́nyánáḅọ ma boma.

Kolosiapụ 3:16

O wáriso sị Krais ẹ́gẹ́rẹ́ ma bifụfụụ́ ḅara pa ọmịna bie ngaa nyẹ pa jụghọ jụghọ die pịghị opu níminyẹ ḅụ jụghọ jụghọ birinụ́nụ́, ọ núme diri ma súu pịghị núme súu pịghị tẹ́mẹ́ju núme suu ọmịna tẹ́mẹ́bie ịmịẹḅam pa Tamuno ḅẹẹarị.

1 Pita 1:12

Tamuno diepágháma mịná ikiakoroapụ ma pịrịm ḅẹ́, nna fịrị ma anị nna ḅárákū sọ́nyẹ sọ n pịrịbịgha kụ́ma anị sọọ nyẹ sọ ọmịnị pịrịbẹm, n pịghị dugho sị ọ náa maá oku ma ókumuuapụ ma bịpị, anịị n sobie saghị fịrịma ḅo Tọ́ntọ́ Tẹ́mẹ́ pa dugho ibi oku. Mịnanyẹ ma anị sookumuapụ ma so bii nyẹ nnị akanyaḅo.

2 Pita 1:16

Wa Krais ma kụ́rọ na ori ḅoo gbolomanyẹ dugho ọ pịrị sa, wa túminị́ gbáa wa pịrị papa lụghụ gba ọ pịrịgha. Wamịnị wámịna tọ́rụ́ pa ori opu ma arịm.