1 Kọrịntịapụ 15:2 - Ibani New Testament

² Mịị ibi oku ma ḅụ ḅọ́rọ́ ọ dụaḅọ́rọ́ma nyánam, ọ ḅọ́rọ́ a dugho wásáma ọ pịrị ẹ́gẹ́rẹ́ ma ọ́lọ́ kụ́rọ́ma kụ́rọ́maá. Ọkọgha nḅẹḅẹ́, ọ pápá mininimam.

1 Kọrịntịapụ 15:2 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 8:13

Dapịrị kiri ḅụ sóórókoro sịmgbọlụ ma sẹ oku ma naapụ ma pịrịm, bieḅẹlẹ ḅara pa anị akị kụ́ma anị kune nyanagha go, nna minini fịnị ḅọlọgha, kụ́ma daádighi ḅọ sáá n bịghị korom.

Fịrị Ḅara 2:47

boma pa Tamuno pịrịarị pịghị túminị́ mamgba ḅẹlẹma ḅẹlẹ fịarị. Éné mamgba Kị́nị́nyánáḅọ pa nna bie suam dụaḅọ́rọ́ma nyánáarịapụ.

Fịrị Ḅara 8:13

Ori Saimọn sọ mininim, o mingi sara fama sa, ọ warị Filipụ na kikiama fịnị, n mịẹarị opu ḅụ́gbérépuma fịrị ma warị opuma ọ tọ́rụ́ daa.

Romapụ 1:16

Krais ibi oku ma i ḅụgịrịrịmagha, tegó anịma anịị Tamuno kụ́rọ ma, mininiapụ gonyẹ́ gonyẹ́ duaḅọ́rọ́maarị nyẹ, parị Juuapụ ma na pịghị Juughaapụ.

Romapụ 11:22

Mịnga wamịnị arịm Tamuno ma ibi láa ḅara na pịghị ori ḅẹ́rẹ́kọ kụ́rọ ḅara. Ori ḅẹ́rẹ́kọ kụrọm bịghịmaapụ ma ḅụ, kụ́ma ibim ọ fịnị angaá, ḅọ́rọ́ ọmịnị ori ibi ma ḅụ sẹ toruku muu. Kụ́ma ọmịnị ọkọ mịẹgha mịẹgha, ọmịnị sọ nnị ọmịnị ányịmásibẹm.

1 Kọrịntịapụ 1:18

Krais fịị mgbẹsẹ sị́ ọ́gọ́nọ oku ma anị oḅori nyẹ sọm faarịapụ ma fịnị angaá, kụma wamịnị ḅọrọma nyánáarịapụ ma anịị Tamuno ma kụrọ.

1 Kọrịntịapụ 1:21

Tamuno ori opu nyẹ́nimi ḅụ mịẹm ḅẹ́ anị opuma ḅụdáa ḅẹ́ túminị́ nna níminyẹ ḅụ ḅọ́rọ́ nnị ḅoo o nimi. Tụ́ma wa dugho wásámaarị oḅori oku ma ḅụ ḅọ́rọ́ Tamuno anị ọ ḅụḅẹlẹ ḅara ḅụ mininiapụ ma duaḅọ́rọ́mam.

1 Kọrịntịapụ 11:2

A o túminim tegó sáá mamgba ọmịnị i pa biekórómáarị, ọ pịghị a sághị ọ pịrị dienyẹ ma duaarị.

1 Kọrịntịapụ 15:14

Ḅọ́rọ́ na n pa Krais saghịmagha, wámịna dugho wásáma ẹ́gẹ́rẹ́ mịnị nyẹ́ ḅụ ofori, anị ḅara ma anị pịghị ọmịna minini.

2 Kọrịntịapụ 2:15

Wamịnị, wa fịnị ḅara anị kụ́nụ́ insẹnsị fịnị ḅara, Krais tọndi Tamuno pịrịnyẹ kụ́nụ́ wasa dụaḅọ́rọ́ma nyánáarịapụ mamgba pịrịarị na pịghị faarịapụ ma sọ pịrị.

2 Kọrịntịapụ 6:1

Wamịnị na Tamuno na nwángị gbólomaarị fịrị ma, wamịnị ọ tẹ́ghẹ̄m, ọmịnị Tamuno tọ́rụ́kụrụkụ́rụ́ nyánámaapụ ḅẹẹ ọmịnị anị guluguluma ma.

Galesiaapụ 3:4

Ọmịnị árị tọ́rụ́siarị mamgba ḅụ, ọ dawọḅo nyẹ ofori? Ọkọfịnị nyẹ ofori, ọ nyẹ dawọḅom.

Ẹ́fịsọsapụ 2:8

Tegó Tamuno tọ́rụ́kụrụkụ́rụ́ gosi anịị ọ ḅọ́rọ́ma nyána nyẹ minini ḅụ ḅọ́rọ́ mịma Tamuno ḅara anịị anị sághị ḅo nyẹ ọmịna ḅárabiegha anịị Tamuno dienyẹ,

Kolosiapụ 1:23

Ọ ḅọ́rọ́ ọmịna minini ḅụ sẹ́kụrọ toruku mú, o gbisirigha ibi oku ma nyáná ọ pịrị tọ́rụ́ dighinyẹ ḅụ. Mịma anịị ọ náa ibi oku ma n dugho wásáma tuminikiri Tamuno tẹ́mẹ́apụ mamgba pịrịnyẹ anị ḅụ ḅọ́rọ́ ịrị, Pọl, ḅoo Tamuno fịrịnwangịḅọ sọm.

2 Tẹsalonaikaapụ 2:15

Anịgosi, wámịna Daa awọ, ọ kụrọ sẹ sị wa pa o die karakáráma ọlọọ kụ́rọ́ma, wámịna dugho wásáma nyẹ ḅụ na pịghị wa gịẹ ábálálá ḅụ.

2 Timoti 1:9

O wa duaḅọ́rọ́mam pịghị wa sị ḅẹ́ wa ḅoo ori a túminị́ sọọ, wa mịẹmáa nyẹ gosigha, kụ́ma ori mịẹ dọghụnyẹ gosi na ori tọ́rụ́kụrụkụ́rụ́. O mịị tọ́rụ́kụrụkụ́rụ́ ma pa wa pịrịm tuminikiri na saghịgha sa éné éné Krais Jizọs sịbị ḅụ ḅọ́rọ́.

Hiburuapụ 10:23

Wa ibiḅara pa wa dugho págháma tọ́rụ́ dighinyẹ ma ọlọ, wa nimi sa ḅẹẹ Tamuno ọ minini nyẹ ọ mịẹbẹm.

Hiburuapụ 2:1

Mịma go anị wa go ibiḅara pa wa namaa ẹ́gẹ́rẹ́ ma ọlọ bẹnyẹ, sị wa ḅụọ gbisiribịgha ḅara.

Hiburuapụ 3:14

Wa ḅo Krais bie diekiri nyánámam, wa ḅọ́rọ́ wámịna tarị minini ma ọlọ kụrọma mú kunema ma láa.

Hiburuapụ 3:6

Kụ́ma Krais Tamuno Tụ́wọ, ọ sẹ kụrọm Tamuno wárị ma bie, ori anịị sịbịdáḅọ, wamịnị anịị wárị ma, wa ḅọ́rọ́ wámịna biekpọ na tẹ́mẹ́kụ́rọ ọlọsẹma nḅẹḅẹ́, wa pa ine bịpịkpọ ḅẹnyẹ.

Hiburuapụ 4:14

Wamịnị dụḅa Igwagwaá Áláḅọ nyánam, sobie sọọmaaḅọ ori anịị Jizọs Tamuno Tụ́wọ ma. Anị wa go wa dugho págháma minini ma ọlọ sẹ́ma bẹnyẹ.

Jems 2:14

Ịyẹa mịnaapụ, anị tẹ́ ibi mịẹ ọ pịrịbẹ, ọmịna ḅụ gbẹ́rẹ́ḅọ ḅẹ́ a minini nyánam, ḅọ́rọ́ ị́yẹ́ mịẹnyẹ anị diegha? Anị minini ma anị ine i dụaḅọ́rọ́ma bẹ?

Jems 2:17

Anị minini fịnị ḅara, anị ḅọ́rọ́ papa fịnị, fịrị ḅụ sọgha pa, anịsa, fịị anịị anị fịịmaá nyẹ.

Jems 2:26

Anịgo tẹ́mẹ́ nyanagha ojumẹnị fịịmaá ḅara anị mịẹnyẹ nyanagha minini fịịmaá ḅara.