1 Kọrịntịapụ 14:3 - Ibani New Testament

³ Kụ́ma ikiakoroarịḅọ gonyẹ́ gonyẹ́ ẹ́gẹ́rẹ́ túminị́ pịrịarị sị pa ịnyọ pa nna ḅụ sua, nna tẹ́mẹ́ kụ́rọ́ma na pịghị nna bie diinma.

1 Kọrịntịapụ 14:3 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 3:18

Tọ́rụ́kịrịkị́rị́ ḅara ḅụ Jọn ibi oku ma dugho n pịrịm, sị dugho kụ́rọ́ma n pịrị sị nnị nna mịẹnyẹ dima.

Fịrị Ḅara 13:15

Nnị Mosis ólóghó diri ma bie goo faá ma sáá na pịghị ikiakoroapụ diri ma, kobiri yọ ma sịbịdáḅọ warị oku fịrịma ḅẹẹ, <>

Fịrị Ḅara 14:22

Nnị ịnyọ pa mininiapụ ma ḅụ suam ḅẹẹ nnị karakárá ḅụ sẹ nna minini ma pịrị. Warị pa n die ḅẹẹ, <>

Fịrị Ḅara 15:32

Judas na Sailas nnị ḅụgbọrụ ikiakoroapụ, sáá faá ma nnị na ẹ́gẹ́rẹ́kọọm sị pịghị ịnyọ pa nna ḅụ suam.

Fịrị Ḅara 4:36

Ori anịị mịị Josẹf ma, Livai furotụ́wọ nnị pịghị Saiprọs ḅụ yiiḅọ, nfịrịmaapụ ma Banabas pa sịḅọ (anịị <>)

Fịrị Ḅara 9:31

Anịị anị pághá ḅara ḅẹ́ Judiya gbọrụ fịnị mininiapụ na Galili na Sameriya diin arịm, Tọ́ntọ́ Tẹ́mẹ́ ḅárásua ḅụ ḅọ́rọ́ nna kịẹbịpị ḅo dụḅam nnị ịnyọ suam pịghị ḅáláfa nyána Kị́nị́nyánáḅọ pịrị.

Romapụ 12:8

ḅọ́rọ́ kị́nị́ tẹ́mẹ́ kụrọma, n ḅọ ọkọ mịẹ. Nyẹ die jẹapụ pịrịarịḅọ gonyẹ́ gonyẹ́ ḅara findi ma pịrị, ḅọ́rọ́ sịbịdá anị ị́yẹ́ dienyẹ i Tẹ́mẹ́ mamgba pa anị mịẹ, ḅọ́rọ́ lolomakúkúbie bieḅẹlẹ pa anị mịẹ.

Romapụ 14:19

Anịma go, wamịnị wámịna ịnyọ láa ḅara mịẹsị diin akuo bẹnyẹ ma mịẹ, pịghị jụghọ jụghọ kụrọma bẹnyẹ.

Romapụ 15:2

Ọ́rụ́ḅọ ọ́rụ́ḅọ amịna mị́naḅọ tẹ́mẹ́ miẹḅẹ́lẹ́ma bẹnyẹ mịẹ nna ibi ḅụ, mịẹsị n sẹ́nịbẹnyẹ minini ḅụ.

1 Kọrịntịapụ 10:23

Anịị n dugho ḅara ḅẹẹ, <> Anịma karakáram, kụ́ma nyẹ gonyẹ́ gonyẹ́ sọ́nyẹ ḅụ sọ́gha

1 Kọrịntịapụ 14:12

Anịị tarịarị ḅara ma, sị ị Tẹ́mẹ́ ma pịrịarị dienyẹ ma nyána, árị ḅẹẹ i ibima n pa fịrị ḅụ suam ḅárásua sị sọsị ma mịẹ sẹ́nịma bẹnyẹ.

1 Kọrịntịapụ 14:17

Ḅọ́rọ́ ḅẹ́ dii ḅẹẹ ị́yẹ́ ịmịẹḅam tẹ́ghẹ̄ ma i tẹ́ghẹ̄ Tamuno pịrịarịnyẹ ma opuma ibii sọ, isiḅọ ma anị sọ ọ pịrị sọnyẹ oforii.

1 Kọrịntịapụ 14:26

Mịị a dughoarị nyẹ ị́yẹ́ amịnáapụ. O kobirimaẹrẹ tẹ́ghẹ̄ ḅụ, gbẹ́rẹ́ḅọ núme nyánam, jụghọ oku nyanam kịrị ẹ́gẹ́rẹ́ ḅẹ́lẹ̄ ḅụ, jụghọ pa n dughonyẹ ma dughofindi. Nnị nyẹ gonyẹ́ gonyẹ́ mịẹbẹm pa sọsị ma mịẹ sẹnịmaa.

1 Kọrịntịapụ 14:31

Ọmịnị kị́nị́mamgba ine ikiakorobẹm, gbẹ́rẹ́ḅọ gbẹ́rẹ́ḅọ, kị́nị́mamgba nyẹ́dáwọ bẹ ḅara sị pịghị tẹ́mẹ́kụ́rọ nyáná.

1 Kọrịntịapụ 8:1

Mị́sa ọ gịẹnyẹ ma gbolomanyẹ anịị nnị pa igwagwaá n kárá tamuno pịrị fị́nyẹ. Karakárányẹ ḅẹẹ, wamịnị kị́nị́mamgba nyẹ́nimim, n dugho ḅara, anị fịnị ḅara ọkọ fịnị níminyẹ mịẹ mịẹm jẹ́apụ sághị opuamịẹnyẹ mịẹ; kụ́ma ḅẹlẹma tumḅọ mịẹm n ḅọ sẹnị.

2 Kọrịntịapụ 1:4

biedịịnma pa wa pịrịarịḅọ wámịna ḅụḅáláḅálá mamgba ḅụ, wamịnị sọ pịghị ine tọ́rụ́kịrịkị́rị́ ḅụḅáláḅálá bie fịnịapụ bie diinma bẹ ḅara, wa Tamuno ḅara nyáná ḅo biedịịnma ḅụ ḅọ́rọ́.

2 Kọrịntịapụ 2:7

Ḅẹ́ mị́sa, o siiḅụḅárasi ọ pịrị sị ọ tẹ́mẹ́ mịẹ kụ́rọ́ma sị opu tẹ́mẹ́sii gbẹ́rẹ́sa o dighiákị so bigha ḅara.

Ẹ́fịsọsapụ 4:29

Nyẹ pa kịnịlama bẹ ẹ́gẹ́rẹ́, kọọma, kụ́ma ḅárásua bẹ ẹ́gẹ́rẹ, túminị́ mịẹsị n sẹnịbẹ nyẹ, si túminị́ bii nyẹ pa nnị pịrịarịnyẹ, si ị́yẹ́ dughonyẹ ibinyẹ pa anị naapụ mịẹbẹ ḅara.

Ẹ́fịsọsapụ 6:22

Mịma goo anịị a go ọ fịrịma ḅo ọ pịrịarịnyẹ, o dugho ọ pịrịbẹ ḅara wamịnị kị́nị́mamgba nwángị kọọarị ḅara sị ọ pịghị ọ tẹ́mẹ́bie mịẹ kụ́rọ́ma bẹ ḅara.

Kolosiapụ 4:8

Mịị nyẹ gosi anịị a Tisikọs pa ọ fịrịmaarị nyẹ, o nimi bẹ ḅara nyẹ wamịnị na fịnị ḅara sị ọ pịghị ọmịna tẹ́mẹ́bie mịẹ kụ́rọ́maá.

1 Tẹsalonaikaapụ 2:11

Ọ kọkọ nimi ḅẹ́ wamịnị ọ́rụ́ḅọ ọ́rụ́ḅọ na mịẹm, nyingiapụ na daapụ nna awọ na mịẹ ḅara.

1 Tẹsalonaikaapụ 2:3

Wa kọọ ọ pịrị ẹ́gẹ́rẹ́ ma gbẹ́rẹ́ siinyẹ sọ nyanagha anị bie. Wa pịghị wámịna kóróma ḅụ ḅọ́rọ́ ẹ́gẹ́rẹ́ kọọgha, wamịnị ẹ́gẹ́rẹ́ ma kọarị sáá. Wa pịghị mịná ẹ́gẹ́rẹ́ ma kọọgha pa oḅori pa ọ sịị́.

1 Tẹsalonaikaapụ 3:2

Wa wámịna numboru owitụ́wọ Timoti fịrịmam, wamịnị na Tamunofịrị ma nwangịarịḅọ Krais ibi oku ma dugho wásáma ḅụ. Wamịnị ọ fịrịmam ḅẹ́ ọ ḅo ịnyọ pa ọ ḅụ sua pịghị ḅárásua ọ pịrị ọmịna minini ḅụ,

1 Tẹsalonaikaapụ 4:1

Kunemaá, wámịna Daa awọ, ọ wámịna ḅara dawọḅomam ọ duma kọọ bẹ ḅara sị anị Tamuno ḅụ ḅẹ́lẹ̄. Mị ḅara ma anịị o duma kọọarị ḅara. Mị́sa wamịnị ọ tẹ́ghẹ̄m opuma ḅẹ́ Kị́nị́nyánáḅọ Jizọs ẹrẹ ḅụ ọmịnị ibi mịma nẹ́ngị ḅara pa duma kọọ.

1 Tẹsalonaikaapụ 4:18

Anịgo ọ mịị ẹ́gẹ́rẹ ma pa jụghọ jụghọ tẹ́mẹ́ kụ́rọ́ma.

2 Tẹsalonaikaapụ 3:12

Kị́nị́nyánáḅọ Jizọs Krais ẹrẹ ḅụ wa kụ́rọ́ma dugho túminị́ ma pịrịm pịghị n birinụ́nụ́ ḅẹẹ n gbụ́nụ́nụ́ duma kọọ pịghị fịrịnwangị sị pa nna ḅụ siḅe.

1 Timoti 1:4

Dugho n pịrị ḅẹ́ nnị mịnị sáá ngúmá nyẹ ḅụ ofori lughu ma na n gịẹ kóróma mánámāná tádọ́apụ ẹrẹ ma pịrịma, mịma nụná ngéré anịị anị dighiḅoarị nyẹ, mịná nụná ma minigha tumḅọ ine Tamuno fịrị ma nwángị, mịma anịị tumḅọ ine mịẹbẹnyẹ ḅọ́rọ́ n ḅọ Tamuno ma ḅụ minini nyáná ọkụma.

1 Timoti 4:13

A fịnị wárii si ḅoo bẹ sáá láa, sáá ngúmá tọ́ndiri ma goo págháma kubiri ogbobie, ẹ́gẹ́rẹ́ ma dugho wásáma pịghị nyẹ́die.

1 Timoti 6:2

Ómóniapụ, Krais ḅụ mininiapụ nyánáapụ nna nyánáapụ ḅara, osigha nyanagha ḅara pa nnị na ngaa ma ḅẹ́ nnị sọ mịnaapụ gosi. Tụ́ma nnị ibiḅaa ḅara pa fịrịnwangị n pịrị tegó nna fịrị ma ḅụ sọnyẹ fịarịapụ nnị sọ mininiapụ na n pịghị ḅẹlẹmaapụ. Mịnanyẹ ịrị anị diebẹm pịghị anị dugho wásámáa n pịrịị.

2 Timoti 4:2

oku ma dugho wásáma, arịị ḅẹ́ ị anị dugho wásámaarị sáá ma karakárá o karakáragha o mịẹsị nnị akanyaḅo, iganịị pịghị nna tẹ́mẹ́ mịẹ kụ́rọ́maá, ị pịghị ngịrịma ḅara pa nyẹ́diearị ḅara.

Taitọs 1:9

Ọ karakárá ẹ́gẹ́rẹ́ ọlọ kụ́rọ́mabẹm nnị pa o die ḅara, ori ine ọ dawọḅo karakárányẹ ma pa jẹ́apụ die pịghị irimaarịapụ daá tụ́ụ́ma.

Taitọs 2:15

Mịnanyẹ ma die, ị́yẹ́ sịbịdaa kụ́rọ ma pa n tẹ́mẹ́ kụrọma pịghị igani ị naarịapụ pịrị. Minima gbẹ́rẹ́ḅọ so idighisima.

Taitọs 2:6

Anị gbẹ́rẹ́ ḅara ma ásáawọ ma ḅẹẹ, nnị nna ḅụ ọlọ.

Taitọs 2:9

Ómóniapụ die ḅẹ́ nnị ḅụsímínímá nna nyánáapụ pịrị nyẹ gonyẹ́ gonyẹ́ ḅụ pịghị n tẹ́mẹ́ ḅẹlẹma bẹnyẹ mịẹ. Nnị n bịpị pághárabịgha

Hiburuapụ 10:25

Wamịnị wámịna kobiri ma pa ọḅụ gbima, jẹ́apụ mị́sa mịẹarị ḅara, kụ́ma anị ibim ḅẹ́ wa jụghọ jụghọ mịẹ kụrọma tẹ́lẹ́ma, wa nimi sa ḅẹẹ Kị́nị́nyánáḅọ ma éné kịkịaarị.

Hiburuapụ 13:22

A ọ tẹ́ghẹ̄m ị́yẹ́ mịnaapụ ḅẹ́ ọmịnị ingịrịma nyáná a gịẹḅọ ọ pịrị tẹ́mẹ́kụ́rọma ábálálá ma pịrị. Mị́sa a gịẹ ábálálá ma opuma nángwọgha.

Hiburuapụ 3:13

Anịmanakaragha ọmịnị ịnyọ pa jụghọ jụghọ ḅụ sua éné gbọrụ. Anịị nnị pa <> sị nyẹ gonyẹ́ gonyẹ́ sị sii oḅori pa kị́nị́ sị mịẹbịgha ḅara sị wa kụ́rọ kúkúbie sua.

1 Pita 5:12

Sailas a minini akị ḅo ḅẹ́ ori karakáráma Krais asọduaḅọ, ori anị ḅárásua si a mị kálá ábálálá ma gịẹ ọ fịrịma ḅọ. A ọmịna tẹ́mẹ́ kụrọma dọ́ghụm sị ị́yẹ́ dugho págháma nyẹ ma dugho ḅẹ́, mị anị Tamuno karakárá tọ́rụ́kụrụkụ́rụ́ ma anị ḅụ sẹ kụrọ.

Judu 1:20

Kụ́ma ọmịnị ị́yẹ́ nangwọapụ ọ pa jụghọ jụghọ mịẹ sẹ́nịma ọmịna tọ́ntọ́ḅa minini ma ḅụ, Tọ́ntọ́ Tẹ́mẹ́ ma kụrọ pa tẹ́ghẹ̄.