1 Kọrịntịapụ 13:5 - Ibani New Testament

⁵ Ḅẹlẹma sị ḅara pa duma kọ kọgha anịgha anị ḅụ anị ḅụ nimi, álála iganịgha, anị n pa anị mịẹsị gịẹ kórómagha.

1 Kọrịntịapụ 13:5 ပူးပေါင်းရင်းမြစ်များ

Matiu 5:22

Kụ́ma a dugho ọ pịrịarị amịna mị́naḅọ dighi bieoḅu ḅọ gonyẹ́ gonyẹ́ ḅẹ́rẹ́kọ siri tórúku sẹ́bẹm, pịghị jẹ́nyẹ, amịna mị́naḅọ owiḅọ ḅẹḅọ, <Ịrị oforioforị tumḅọ,> Juuapụ ámáḅẹ́rẹ́dughoapụ ma dáabẹm. Kụ́ma kị́nị́ ḅẹ́ ḅo, <Ịrị oḅoriḅọ!> ẹ́kpẹ́duaama kọrịfịnị bie sọbẹm.

Matiu 9:4

Jizọs nna kóróma nimifama ḅara ma, warị ḅẹẹ, <

Ibi Oku Ma Mak Anị Gịẹ Ḅara 3:5

Jizọs bie akụm, ọ tọ́rụ pịghị n dighi ḅara ḅụ, kụ́ma anị gbẹ́rẹ́ sáá ma ḅụ ọ pịghị tọ́rụ́kụrụkụrụụ́ nyána n pịrịm, tegó nna sịbịbie opuma kụrọm pịghị irima irimam. Anịsáa ọ warị owitụ́wọ ma ḅẹẹ, <<Ị ḅara sughuu paghamaa.>> Ori ọ ḅara ma sụghụma pághámam, ọ ḅara ma warị gwọọ.

Ibi Oku Ma Luk Anị Gịẹ Ḅara 7:39

Farisiiḅọ ma mịma árị sáá, ọ warị ọ ḅụ ḅẹẹ, <<Ḅọ́rọ́ ḅẹẹ mị owitụ́wọ ma karakárá ikiakoroḅọ ọ ḅara pa ọ lamaarị ọ́rụ́ḅọ ma nimibẹm, ḅẹ́ árị sii tumḅọ.>>

1 Kọrịntịapụ 10:24

Ọmịna ḅụ gbẹ́rẹ́ḅọ sọ amịna ḅụ ibi dọ́ghụ́ma kụ́ma jẹ́apụ ḅụ ibi dọghụ.

1 Kọrịntịapụ 10:33

Pa a mịẹḅara mịẹ, a asọ dọ́ghụm sị a kị́nị́mamgba tẹ́mẹ́ mịẹ ḅẹlẹma, a mịẹarịnyẹ, gonyẹ́ gonyẹ́ ḅụ, ị́yẹ́ angaá ibi pa biekoromagha pa, kụ́ma kị́nị́mamgba ibi sị n dụaḅọ́rọ́ma nyána bẹ ḅara.

1 Kọrịntịapụ 11:18

Párị nyẹ, n dugho ọ pịrịmam ḅẹẹ puama ọmịnị ogboku bie imi o ḅo kobirimaẹrẹ sọsị ḅara ḅẹẹ ọ tẹ́ghẹ̄, mịma a pịghị kálá ḅara pa anị mininim.

1 Kọrịntịapụ 12:25

Anịgosi puama ofori oju ma ḅụ, kụ́ma mị kịrịkị́rị́ angaá ma gbẹ́rẹ́ ḅẹlẹma nyána jụghọ jụghọ pịrịm.

1 Kọrịntịapụ 7:36

Yaa pa nna ḅụ ọlọmaapụ deeḅọ na táaḅọ ḅara; kụ́ma na mininigha ḅẹẹ nnị nwọgha sáá ḅụ yaabẹm: ḅọ́rọ́ owitụ́wọ ma arịḅom ḅẹẹ ọmịnị ine ọ ḅụ ọlọgha ọ́rụ́ḅọ tụwọ ma fịnị angaá, warị árị ḅo ḅẹẹ nnị yaa na ibim, nnị mú yaa ọ bii ḅara, siinyẹ ofori anị bie.

2 Kọrịntịapụ 5:19

Wámịna oku dughoarị ḅẹẹ Tamuno Krais ḅụ ḅọ́rọ́ tuminikiri gbọrụ pa ọrẹ nángwọ́apụ mịẹarị Tamuno nna sii kịẹ kubirigha, kụ́ma ori oku ma pa wa pịrịmam, dugho pághámaarị nyẹ ọ ḅara warị nangwọapụ pa nnị mịẹarị ḅara.

Galesiaapụ 5:13

Ịyẹa mịnaapụ Tamuno ọ sịmam ḅẹ́ ọ mịnị ómóniapụ sọ ma, kụ́ma ọ minima sị mị́sa ọ nyáná ḅụ nyána ma mịẹsị ọmịna ojumẹnị ḅẹrẹtọ ọ pịrị. Anịmanakaragha ọ ḅẹlẹma ḅụ fịrịnwangị jụghọ jụghọ pịrị.

Filipaiapụ 2:21

Ọ́rụ́ḅọ ọ́rụ́ḅọ amịna ḅụ, amịna ḅụ dọghụarị gbẹ́rẹ́ḅọ sọ Jizọs Krais nyẹ doghughaa.

Filipaiapụ 4:8

Kunemaá, ịyẹa nángwọ́apụ ọ mịnanyẹ ma pa ọmịna tẹ́mẹ́bie sua bima, ibi nyẹ gonyẹ́ gonyẹ́ sị túminị́ túminíarị nyẹ, tụ́manyẹ gonyẹ́ gonyẹ́, osigha nyánányẹ gonyẹ́ gonyẹ́, karakárányẹ gonyẹ́ gonyẹ́, fíafía nyẹ gonyẹ́ gonyẹ́, ḅẹlẹma na ibinyẹ na pighi kuu na ibi nyẹ.

2 Tẹsalonaikaapụ 3:7

Ọmịna ḅụgbọrụ kọkọ ibima nimi ḅẹẹ wa mịẹnyẹ anịị ọmịnị sọ mịẹbẹnyẹ. Wa itilagha wamịnị ọ nana fịnị sáá.

2 Timoti 2:10

Anị ẹrẹ́sị a ngịrịma nyáná nyẹ gonyẹ́ gonyẹ́ pịrịm Tamuno sẹlẹakịapụ ma sịbị gosi, nnị sọ Krais Jizọs ḅara ḅoo dụaḅọ́rọ́ma ma nyáná bẹ ḅara Gbámásóḅọ ma akuoarị nyẹ.

2 Timoti 4:16

A tarị ḅẹ́rẹ́kọ ḅụ sẹ sáá, gbẹ́rẹ́ḅọ sọ i nana sẹgha, a ḅara na ịḅụ pighim; kị́nị́mamgba i kóróma soom. Tamuno anị kịẹ ọ pịrịmaá!

Jems 1:19

Ọ mịma pa biekóróma ị́yẹ́ ibi mịnaapụ! Ibim ḅẹ́ kị́nị́mamgba álála nyẹ náa, kụ́ma álála ẹ́gẹ́rẹ́gha, pịghị álála bieoḅugha.