1 Kọrịntịapụ 13:4 - Ibani New Testament

⁴ Ḅẹlẹma nyánáḅọ ngịrịma nyánam, anị pịghị kị́nị́ balam, anị kị́nị́ nyẹ mọnịghaa, anịgha ḅụ sághị sóghólóma anịgha bịpịkpọ.

1 Kọrịntịapụ 13:4 ပူးပေါင်းရင်းမြစ်များ

Matiu 27:18

Tegó ọ nimim ḅẹ́ tọ́rụ́akụ ḅụ anịị n go Jizọs saghị ọ ḅara sua nyẹ.

Fịrị Ḅara 7:9

<

Romapụ 1:29

Tọ́rụ́kịrịkị́rị́ nyẹ pa kịnịlama, siiamịẹnyẹ, oputọrụ, kịnịtárigha, jughonyẹ mọnị, anịị nna duma bie bii nyẹ, kị́nị́ḅáa, owu soo, oḅori pa kị́nị́ sị, na jẹ́apụ sii dọghụ. Nnị jụghọ jụghọ pa bịpị ḅẹ́lẹ́maarị,

Romapụ 13:13

O ḅo wa karakárá ḅara pa wámịna duma kọọ, éné bie baá ḅụ duma kọọarịapụ ḅara, fị na ḅụ na ḅugha anịgha iru ḅụ tọ́rụ́ḅáma, sẹfị duma anịgha yáakuu ḅụ ófórigha nwángị, bịpị ogbosogha na tọ́rụ́akụ,

1 Kọrịntịapụ 3:3

Tegó, ọ pa duma kọọarị mị tuminikiriapụ duma kọọarị ḅara. Nyẹ́mọ́ni ọmịna ogboku bie fịnị sáá, ọ pịghị jụghọ jụghọ na kamkoro sáá, anị diegha ḅẹẹ ọmịnị mị tuminikiri bẹapụ, duma kọọarị n duma kọọarị ḅara?

1 Kọrịntịapụ 4:18

Ọmịna ḅụ jẹapụ sághị opuamịẹnyẹ mịẹarị tegó ọ siim ḅẹẹ a mịnị ọ fịnị angaá ḅobịgha.

1 Kọrịntịapụ 4:6

Anịgo, i jẹa miniapụ, ọmịna sịbị goo, a mịị nyẹ ma pa ịḅụ na Apọlọs mịẹm, wamịnị mmẹapụ pa anị kịkamanyẹ pa ọ dáwọ́ ma sị ọmịnị ine mị ẹ́gẹ́rẹ́ ma dughonyẹ nimi bẹ ḅara, <> Ọmịna ḅụ gbẹ́rẹ́ḅọ sọ isiḅọ pa bịpịkpọ ma sị isi ngaḅọ dighisimaa.

1 Kọrịntịapụ 5:2

Anịsáa ị́yẹ́ opuamịẹnyẹ anị tegósi sughuu? Anịmanakaragha biesii ịḅụ biibiegháa? Ọkọfịnị nyẹ ma mịẹḅọ ma ọmịnị n ḅọ deesi ọmịna mịẹgbólóma ḅụ.

1 Kọrịntịapụ 8:1

Mị́sa ọ gịẹnyẹ ma gbolomanyẹ anịị nnị pa igwagwaá n kárá tamuno pịrị fị́nyẹ. Karakárányẹ ḅẹẹ, wamịnị kị́nị́mamgba nyẹ́nimim, n dugho ḅara, anị fịnị ḅara ọkọ fịnị níminyẹ mịẹ mịẹm jẹ́apụ sághị opuamịẹnyẹ mịẹ; kụ́ma ḅẹlẹma tumḅọ mịẹm n ḅọ sẹnị.

2 Kọrịntịapụ 12:20

Ḅáláfa ịḅụ imi ḅẹẹ a aningáa láa bẹ sa a bi ḅara ọmịnị ọkọfịnịbịgha, ọmịnị sọ pịghị dọghụ ḅara a ọkọfịnịbịgha. Ḅáláfa ịḅụ imi, bẹ kam sọ, na jụghọ nyẹ mọnị, na ọfịrị kúkúbie, na ngéré fịị, jẹ́apụ dughosima, na opu ibiamịẹnyẹḅọ na nyẹ mịẹ gálágálá ma, anịị a árị bẹnyẹ.

2 Kọrịntịapụ 6:6

Wa wámịna ḅụ fiafiama ḅụ ḅọ́rọ́ wámịna níminyẹ, ngịrịma na ibiamịẹnyẹ wa wámịna ḅụ diemam ḅẹẹ wamịnị Tamuno fịrịnwangịapụ Tamuno Tọ́ntọ́ Tẹ́mẹ́ ma ḅụ ḅọ́rọ́ pịghị wámịna karakárá ḅẹlẹma,

Galesiaapụ 5:26

Wamịnị opuamịẹnyẹ mịẹma anịgha jụghọ jụghọ igani ma anịgha jụghọ nyẹ mọnị.

Ẹ́fịsọsapụ 4:2

Sámámgba ḅụ sitéréma, ḅụ diin tẹ́mẹ́ nyáná, inema nyáná, ọmịnị inema nyáná jụghọ jụghọ pịrị ḅẹlẹma ḅụ.

Ẹ́fịsọsapụ 4:32

Anịmanakaragha ọmịnị ibitẹ́mẹ́ na lolomakúkúbie nyáná jụghọ jụghọ pịrị, o sii wáriso jụghọ jụghọ pịrị, Tamuno Krais ḅụ ḅọ́rọ́ sii wáriso ọ pịrị ḅara.

Filipaiapụ 1:15

Karakárányẹ ḅẹ́ jẹ́apụ Krais ibi oku ma dugho wásámaarị tọ́rụ́akụ na kamkoro ḅụ kụ́ma jẹ́apụ pịghị ibi kúkúbie ḅụ.

Kolosiapụ 1:11

Wa pịghị tẹ́ghẹ́arị ḅẹ́ Kị́nị́nyánáḅọ ori ipine kụ́rọ mamgba pa ịnyọ pa ọ ḅụ sua, anị ḅụ ḅọ́rọ́ ọmịnị ine opu ngịrịma na inema nyáná bẹ ḅara, sị bieḅẹlẹ pịghị ọmịna tẹ́mẹ́bie bii.

Kolosiapụ 2:18

Minima kị́nị́ ḅẹ́rẹ́ pa ọ ḅárá sima, dughoarị ḅọ ḅẹ́, nḅọ nyẹ́nimiḅam, anịị nḅọ múnogha dawọ ḅụ árịarị nyẹ gosi na pịghị nḅọ nyána oḅori pa kị́nị́ sị ḅụ sitéréma ḅụ na pịghị susi soókumuapụ pịrị ḅụ. Mịná túminị́ ma nnị ḅara pụ́nụ́nyẹ nyanagha sị opuamịẹnyẹ mịẹarị nna kóróma ḅụ

Kolosiapụ 3:12

Anịgosi, Tamuno sẹlẹakị ọ ḅụ pịrị túminị́, tọ́ntọ́ pịghị ori ibima ḅẹlẹmaapụ ọ ḅụ́jịrịrị pa ọmịna suabịtẹ mịẹ, ibitẹ́mẹ́ nyáná, ḅụ sitéréma, diin duma na pịghị inema nyáná.

1 Tẹsalonaikaapụ 5:14

Wa pịghị ọ tẹ́ghẹ̄m, wámịna Daa awọ, ọ mini fịrịnwangịghaapụ ma birinụ́nụ́ ḅẹẹ, nnị ọkọ mịẹma, nnị ḅáláfáarịapụ ma kúkúbie kụrọma, ḅárásua ḅárásua biapụ pịrị, mgịrịma nyáná kị́nị́mamgba pịrị.

1 Timoti 6:4

opuamịẹnyẹ anị n ḅọ sịbị kpórómáarịnyẹ n ḅọ ḅẹnyẹ ḅẹnyẹ nimigha. Nnị kụ́rọ pụghọ nyánam sị nyẹ ḅụ ófórigha nyẹ gosi nyẹ nụná pịghị kam sọọ, mịma warị tẹ́mẹ́ akụ, nụná, wiri núme, si ẹ́rẹ́ pa kị́nị́ sị, sitẹ́mẹ́ biegbáná nyanagha jẹ́apụ ḅụ,

2 Timoti 2:25

diin ḅara pa i nana nụnaapụ ma daatụ́ghụ́ma, tegó Tamuno ine mịẹbẹm si nnị asọ árị sị sii ḅụ pịghị sị karakáráma nimii.

2 Timoti 3:10

Ịrị kọkọ ị́yẹ́ dienyẹ mamgba nimi, ị́yẹ́ duma ḅara, a goo a mịẹarịnyẹ mịẹnyẹ, ị́yẹ́ minini, ị́yẹ́ inéma, ị́yẹ́ ḅẹlẹma, ị́yẹ́ ngịrịma.

2 Timoti 4:2

oku ma dugho wásáma, arịị ḅẹ́ ị anị dugho wásámaarị sáá ma karakárá o karakáragha o mịẹsị nnị akanyaḅo, iganịị pịghị nna tẹ́mẹ́ mịẹ kụ́rọ́maá, ị pịghị ngịrịma ḅara pa nyẹ́diearị ḅara.

Taitọs 3:3

Wamịnị sọ gbẹ́rẹ́sa biri pịghị oḅorisọm, bịpị osigha, nnị wa daa asọ irima. Wa pịghị omoni sọ wámịna ojumẹnị binyẹ gonyẹ́ gonyẹ́ pịrịm. Wa pịghị wámịna duma kọarị sisịbịbie sua ḅụ, jughonyemọni, jẹapụ imi wa ḅẹ́lẹ́maghaapụ, wamịnị sọ n ḅẹlẹmagha.

Jems 4:5

Ọ tẹ́mẹ́ mmẹẹ́ mmẹẹ́ mịẹ dugho Tọ́ndiri ma ḅẹẹ, Tamuno karakáráma ọ pa wámịna bie sua tẹ́mẹ́ ma ḅẹ́lẹ́mam.

1 Pita 2:1

Tọ́rụ́kịrịkị́rị́ siiamịẹnyẹ gonyẹ́ gonyẹ́ pa angaá ḅọ́rọ́, mịnị epele ti ma anịgha mmẹẹ́ tọ́rụ agidi duma kọọ anịgha jughonyẹ mọnị anịgha wirinumo ẹ́gẹ́rẹ́kọọ.

1 Pita 3:8

A kunemaarị: ọmịnị kị́nị́mamgba gbẹ́rẹ́ tẹ́mẹ́ nyáná, ḅụnjịrị nyáná, jụghọ jụghọ ḅẹlẹma mịnaapụ ḅara, ọmịnị ibiamịẹnyẹ nyáná pịghị ḅụ siterema jụghọ jụghọ pịrị.

1 Pita 4:8

Nyẹ mamgba nẹ́ngị nyẹ, ọmịnị ibiḅara pa jụghọ jụghọ ḅẹlẹma, tegó, ḅẹlẹma tọgha siinyẹ gbẹgbẹm gosi.

2 Pita 1:7

Tamuno dighi ḅáláfaa ḅụ, ibitẹ́mẹ́ nyáná mịnaapụ pịrịị, ibitẹ́mẹ́ nyáná mịnaapụ pịrị ḅụ ḅẹlẹma pa anị ḅụ sua.

1 Jọn 4:11

Ị́yẹ́ ibi nangwọapụ, ḅọ́rọ́ Tamuno mị ḅara ma pa wa ḅẹ́lẹ́mam, wamịnị sọ jụghọ jụghọ ḅẹlẹma na ibim.