1 Kọrịntịapụ 13:1 - Ibani New Testament

¹ A ine túminị́ ḅẹlẹ fiebẹm na pịghị sookumuapụ ḅẹlẹ, kụ́ma a ḅẹlẹma nyanagha nyanagha, ị́yẹ́ ẹ́gẹ́rẹ́ ma anị papa biripụ́ma akwa anịgha opuma fiearị gbom dighimam.

1 Kọrịntịapụ 13:1 ပူးပေါင်းရင်းမြစ်များ

Matiu 25:45

<<Ọ pagharabẹm,

Ibi Oku Ma Mak Anị Gịẹ Ḅara 16:17

Mininiapụ nnị kụ́rọ pa nnị pịrịbẹm n pa ḅụ́gbérépuma fịrịnwangị: nnị sitẹ́mẹ́ deesibẹm, ị́yẹ́ ẹ́rẹ́ ḅụ: n jẹ́ ḅẹ́lẹ̄ pa ẹ́gẹ́rẹ́kọbẹm.

Romapụ 14:15

Ị nyẹ pa ị mị́naḅọ lama ị fị́fị́nyẹ gosi, anịsa ị mịnị ḅẹlẹma ḅụ nyẹ́miẹgha. Minima sị ị fịarị fị́nyẹ gosi Krais sịbị go fịịḅọ ma ịrị nḅọ guluguluma.

1 Kọrịntịapụ 12:10

Tẹ́mẹ́ ma pa gbẹ́rẹ́ḅọ pịrịm sị n ḅọ ine ḅụ́gbérépuma fịrị nwángịị, jụghọ ikiakoro, jụghọ tẹ́mẹ́ kịrịkị́rị́ ma nimiḅo, jụghọ ine kịrị ama ḅẹlẹ pa ẹ́gẹ́rẹ́kọọ, jụghọ ine nimi Tọ́ntọ́ Tẹ́mẹ́ ma ḅara sághị ḅo dienyẹ na Tọ́ntọ́ Tẹ́mẹ́ ḅara sághịḅogha dienyẹ, jụghọ n ḅo kọọ ẹ́gẹ́rẹ́ ma daadugho.

1 Kọrịntịapụ 12:16

Ḅọ́rọ́ biri ma ḅẹẹbẹm ḅẹẹ, <<Ịrị tọ́rụ́gha gosi ịrị mịnị oju ma ḅụ gbẹrẹḅọgha,>> anịma mịẹbịgha sị anị mịnị oju ma ḅụ gbẹrẹḅọgha.

1 Kọrịntịapụ 12:8

Tẹ́mẹ́ ma pa gbẹ́rẹ́ḅọ pịrịarị opu níminyẹ oku, mị gbẹ́rẹ́ Tẹ́mẹ́ ma níminyẹ oku pa jụghọ pịrịm,

1 Kọrịntịapụ 13:8

Ḅẹlẹma fịnị gbámásom, ikiakoro imi, kụ́ma mịnanyẹ mamgba fịnị gbámásogha, kịrị ọwụ pa ẹ́gẹ́rẹ́kọọ dienyẹ imi, kụ́ma mịma sọ bibẹm níminyẹ imi kụ́ma anị ḅo ḅọ́rọ́bẹm.

1 Kọrịntịapụ 14:2

Kịrị ḅẹ́lẹ̄ pa ẹ́gẹ́rẹ́ kọọarịḅọ gonyẹ́ gonyẹ́ ẹ́gẹ́rẹ́ túminị́ pịrịgha kụ́ma ẹ́gẹ́rẹ́ Tamuno pịrịm, tegó gbẹ́rẹ́ḅọ sọ ori akanyaḅogha. Ori ḅọghu karakárányẹ dughoarị Tẹ́mẹ́ ma kụ́rọ ḅụ ḅọ́rọ́.

1 Kọrịntịapụ 14:4

Jẹ́ ḅẹ́lẹ̄ pa ẹ́gẹ́rẹ́kọarịḅọ gonyẹ́ gonyẹ́ ịnyọ pa n ḅọ ḅụ ngéré ḅụ suarị, kụ́ma ikiakoroarịḅọ gonyẹ́ gonyẹ́ ịnyọ pa sọsị gbọrụ ma ḅụ suarị.

1 Kọrịntịapụ 14:5

A biibẹm ḅẹẹ ọmịnị kị́nị́mamgba kịrị ḅẹ́lẹ̄ pa ẹ́gẹ́rẹ́kọọ kụ́ma anị i ḅụḅẹ́lẹ́ḅabẹm ḅọ́rọ́ ọmịnị kị́nị́mamgba ikiakoro. Ḅẹẹ ikiakoroarịḅọ ma nyẹ ḅụ sọ kịrị ḅẹ́lẹ̄ pa kọọarịḅọ ma nẹngịm ḅọ́rọ́ kị́nị́ ofori sị n ḅoo kọọ ẹ́gẹ́rẹ́ ma dughofindi sị pa sọsị gbọrụ ma mịẹ sẹnịmaa.

1 Kọrịntịapụ 8:1

Mị́sa ọ gịẹnyẹ ma gbolomanyẹ anịị nnị pa igwagwaá n kárá tamuno pịrị fị́nyẹ. Karakárányẹ ḅẹẹ, wamịnị kị́nị́mamgba nyẹ́nimim, n dugho ḅara, anị fịnị ḅara ọkọ fịnị níminyẹ mịẹ mịẹm jẹ́apụ sághị opuamịẹnyẹ mịẹ; kụ́ma ḅẹlẹma tumḅọ mịẹm n ḅọ sẹnị.

2 Kọrịntịapụ 12:4

anị ngá a nyẹ́ naam tumḅọ dughobịgha nyẹ n mịnị túminị́ pịrịgha sị nnị anị dugho.

Galesiaapụ 5:22

Kụ́ma Tẹ́mẹ́ ma pághámaḅoarị sịmgbọlụ anịị, ḅẹlẹma, bieḅẹlẹ, diin, ngịrịma, ibitẹ́mẹ́ nyána jụghọ jụghọ pịrị ibinyẹ, tẹ́mẹ́ gbánā,

Galesiaapụ 5:6

Wa ḅo Krais Jizọs na gbẹ́rẹ́nyẹ mịẹ sáá, tumḅọ tọ́ngọ̄ pẹ́lẹ́ na tumḅọ tọ́ngọ̄ pẹ́lẹ́gha na mịẹnyẹ ofori. Nyẹ ḅụ sọnyẹ anịị minini ḅẹlẹma ḅụ ḅọ́rọ́ anị ḅụ die pághámaarị nyẹ.

1 Timoti 1:5

A mị bịpị ma pịrịm túminị́ ine karakárá kúkúbie ḅụ sághị ḅo ḅẹlẹma pa jụghọ jụghọ ḅẹlẹma bẹ ḅara, fíafía tẹ́mẹ́bie na pịghị karakárá minini ḅụ.

1 Pita 4:8

Nyẹ mamgba nẹ́ngị nyẹ, ọmịnị ibiḅara pa jụghọ jụghọ ḅẹlẹma, tegó, ḅẹlẹma tọgha siinyẹ gbẹgbẹm gosi.

2 Pita 2:18

Nnị bịpịkpọ na oḅori ẹ́gẹ́rẹ́kọọ kọọm, pịghị ojumẹnị tarịarị siinyẹ ma pa diatughu irima asọ ma bie fịnịapụ ogbobie págháḅoarịapụ pịrị.

Puu Findi 14:2

A pịghị pụghọ naam sobie anị fiearị ḅara sọ́ḅọ́rọ́ tụ́ndụ ọ́gọ́nọ sághị sóórókoro mingi fiearị ḅara, sọ́ḅọ́rọ́ opuma fie sóalagba. A náa akwa pụghọ ma sọ́ḅọ́rọ́ hapụ tiapụ núme ti pụghọ.