1 Kọrịntịapụ 1:8 - Ibani New Testament

⁸ Ọ pịghị́ ọ mịẹbẹm bịpị ọ ḅụ laagha mú kunema láa, wámịna Nyánáḅọ Jizọs Krais pịghịma ḅo bẹ éné.

1 Kọrịntịapụ 1:8 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 17:24

Tumḅọ yii Tụwọ ma ḅoo bẹ éné fịnị bẹ ḅara, sọ́ḅọ́rọ́ sofịnị kọrị bẹnyẹ si baá pa so tọ́rụ́ ma pịrị, gbẹ́rẹ́ angaá akị mú isi angaá láa.

Ibi Oku Ma Luk Anị Gịẹ Ḅara 17:30

<

Romapụ 14:4

Ịrị tụọ jụghọ fịrịnwangịḅọ sịbị ḅẹ́rẹ́kọarị ḅo? Ómóniḅọ ma nyánáḅọ anịị ine dugho bẹḅọ ḅọ́rọ́ ori fịrịnwangịḅọ ibifịrị nwángị anịgha o sii fịrịnwangị nwángịị. Nnị ibifịrị nwángịbẹm tegó Kị́nị́nyánáḅọ ma ine mịẹbẹm sị nnị ibifịrị nwángị.

Romapụ 16:25

O ḅo wa Tamuno ma saghị sóghólóma, ori ine ọ mịẹ bẹḅọ sị ọ kụrọ sẹ ọmịna minini ḅụ, Jizọs Krais gboloma sị a dugho wásáma ibi oku ḅụ ḅọ́rọ́, na pịghị nnị ḅọghuma karakáráma nnị ḅọghuma nyẹ ḅọlọ sáá ene ene, mị́sa nnị anị diepághámamam.

Romapụ 8:19

Tuminikiri n tẹ́mẹ́nyẹ mamgba tọ́rụ́ asọ ḅụ fịnị ḅara pa kúruarị Tamuno ori awọ ma diepágháma bẹ sa.

1 Kọrịntịapụ 3:13

Tumḅọ nwángị fịrị fịnị ḅara, kị́nị́ anị árịbẹm Krais ḅo ḅẹ́rẹ́kọ bẹ éné. Anị éné ma ḅụ fịnị ọ́rụ́ḅọ ọ́rụ́ḅọ fịrị ḅara diepághámabẹm; fịnị ma anị daádighibẹm sị tụ́ma sị anị fịnị ḅara die.

1 Kọrịntịapụ 5:5

anị tumḅọ ma sághị Satanị pịrị sị ori ojumẹnị ma guluguluma sị tẹ́mẹ́ ma ḅọrọma nyána bẹ ḅara Kị́nị́nyánáḅọ Jizọs pịghịma ḅo bẹ éné.

2 Kọrịntịapụ 1:13

Wa jẹ́ ịwọ diri gịẹ ọ fịrịmagha kụ́ma ọ́ o goo sị akanyaḅo bẹnyẹ, a mininim ḅẹ́ ọmịnị akanyaḅo mú kunema lábẹm.

2 Kọrịntịapụ 1:14

Ọmịnị sọ pịghị kálá ḅara pa wamịnị akanyaḅo ḅara, ḅẹ́ wamịnị go anị o go bịpịkpọ na ibii nyẹ, ọmịnị ma pịghị wámịna nyẹ ḅara ma Wányánáḅọ Jizọs Krais sima ḅo bẹ éné.

2 Kọrịntịapụ 1:21

Wamịnị na ọ́ nana miẹgbolomaarịḅọ anịị Tamuno ori ma anị pịghị pulo pa wa sịbị saramaá ḅọ.

Ẹ́fịsọsapụ 5:27

Ọ Tamuno kubiri ogbo ma saghị ọ ḅụ pịrịbẹ ḅara anị fíafía ḅụ, yóri yóri, fu nyanagha, ikara anịgha ịlọ́lị nyánágha nyẹ. Kụ́ma tọ́ntọ́ pịghị bịpị ḅụ laagha Tamuno kubiri ogbo.

Filipaiapụ 1:10

Sị ọmịnị ine ibiḅaa nyẹ ma sẹlẹakị bẹ ḅara. Anịsáa, anịị ọmịnị ọmịna ḅụ dụaḅọ́rọ́ma bẹnyẹ, ịlọ́lị ḅụ na pịghị bịpị ḅụ laagha ḅụ, Krais éné ma ḅụ.

Filipaiapụ 1:6

Anịgosi a ibima nimim ḅẹ́ Tamuno mịị ibifịrị ma saghị ḅọ ma ọmịna ḅụ, anị saghị bịpị mubẹm akị mú ori anị mịẹ kárámá sa láa Jizọs Krais éné ma ḅụ.

Kolosiapụ 1:22

Kụ́ma mị́sa Krais ojumẹnị fịị ma ḅụ ḅọ́rọ́ ọ nangwọapụ pa omiẹmam sị ọ tọ́ntọ́ ḅara pa ọmịnị akuoo ọ tórúku fu na túminị́ bịpị oju laagha ḅụ.

Kolosiapụ 2:7

Ọmịna kune ọ ḅụ sọtẹ́lẹ́máa, ọmịnị ọ ḅụ duma kọọ, sị sẹ kụ́rọ tẹ́lẹ́ma ọmịna minini ḅụ, nnị anị pa ọ die ḅárá. Si bieḅẹlẹ imiẹḅa ọmịna bie bii fụ́fụ́.

1 Tẹsalonaikaapụ 3:13

Mịị ḅara ma ori ịnyọ pa ọ ḅụ suabẹm sị mịẹsị ọ kpain pịghị tọ́ntọ́ ḅụ fịnị wámịna Tamuno na Daḅọ ma toruku, wámịna Nyánáḅọ Jizọs ḅo bẹ sa ori na ori tọ́ntọ́apụ.

1 Tẹsalonaikaapụ 5:2

Ọmịnị ḅụgbọrụ kọkọ nimi ḅẹ́ Kị́nị́nyánáḅọ ma pịghịma ḅo bẹ éné ma ḅobẹm fúrúḅọ ḅara dibie.

2 Tẹsalonaikaapụ 2:2

ḅẹẹ o minima sị nnị ḅụdaghaa ḅara pa ọmịna sịbịbie galagala ma ọmịna kóróma ḅụ, anịgha igani dughoarịapụ ḅẹ́ Kị́nị́nyánáḅọ éné ma láamam. Didigha n sim ḅẹ́ wa mịị nyẹ ma dughom wamịnị ikiakoroarị sáá, anịgha dugho wásáma, anịgha ḅẹ́ wamịnị anị gịẹ kórómam diri mpara ḅụ.

2 Tẹsalonaikaapụ 3:3

Kụ́ma Kị́nị́nyánáḅọ ma ọmịnị ọ ḅụ tẹ́mẹ́ gbánā ọ pịghị ọ ḅụ ịnyọ suabẹm, sị pịghị o koko sii tumḅọ ma ḅarabie.

2 Timoti 1:12

Mịma goo anịị a go mịná tọ́rụ́siarị ma árịarị nyẹ kụ́ma a pa tẹ́mẹ́kụ́rọ nyanam, tegó a nimim a tẹ́mẹ́ pa ḅụ gbánáḅọ a pịghị nimim ḅẹ́ ọ pa i ḅárabie sua warị nyẹ ma ori ine anị koko warịbẹm akị muu anị ene ma láa.

2 Timoti 1:18

Kị́nị́nyánáḅọ ma lolomakúkúbie nyáná ọ pịrị anị éné ma ḅụ! I kọkọ pịghị ibima nimi ọ mịẹ i pịrịnyẹ láa ḅara Ẹ́fịsọs ḅụ.

1 Pita 5:10

Ọ kẹ́lẹ́ tọ́rụ́siarị so sáá, tọ́rụ́kụrụkụ́rụ́ mamgba nyáná Tamuno ma, ọ sị ḅo bẹ ọ ḅo diekiri nyáná ọrẹ gbámásó ipine ma ḅụ Krais bie, ori ma pịghị ọ mịẹ kpaimabẹm, pịghị ọ sẹ kụ́rọ́mabẹm pịghị ịnyọ, na pịghị karakárá súghúise pa ọ pịrị.

2 Pita 3:10

Kị́nị́nyánáḅọ ma pịghịma ḅoo bẹ éné ḅobẹm fúrúḅọ ḅara ma. Anị éné ma ḅụ, so ma ẹmẹẹ́fábẹm, sobie fịnị a nyẹ ma kọrịfịnị ḅụ dọghụfámabẹm, tuminikiri ma na anị bie fịnịnyẹ mamgba paghaḅụ pa fịnịbẹm.

2 Pita 3:14

Anịgo ị́yẹ́ ibi nangwọapụ, ọmịnị anị éné ma kúruarị sáá, ọmịnị ọmịna ịnyọ láa ḅara mịẹsị ọmịna ḅụ mịẹ kpainma warị, bịpị ḅụ laagha pa Tamuno tórúku, pịghị ọ nana diin ḅụ fịnị.