1 Kọrịntịapụ 1:7 - Ibani New Testament

⁷ Ḅẹẹ ókụ́rụ́arị sáá ḅẹẹ Krais Jizọs ḅoo ọ ḅụ die, Tamuno Tẹ́mẹ́ pịrị dienyẹ gbẹ́rẹ́nyẹ sọ ọ gbarịghaa.

1 Kọrịntịapụ 1:7 ပူးပေါင်းရင်းမြစ်များ

Matiu 25:1

<

Ibi Oku Ma Luk Anị Gịẹ Ḅara 12:36

sọ́ḅọ́rọ́ fịnị nna nyánáḅọ kuruarị ómóniapụ ọ yaa siri sọḅoarịị sáá o gbolo kirikiri n findi ọ pịrịbẹ ḅara.

Ibi Oku Ma Luk Anị Gịẹ Ḅara 17:30

<

Romapụ 8:19

Tuminikiri n tẹ́mẹ́nyẹ mamgba tọ́rụ́ asọ ḅụ fịnị ḅara pa kúruarị Tamuno ori awọ ma diepágháma bẹ sa.

Romapụ 8:23

Nnị tẹ́mẹ́nyẹ ma ngéréghaa inighiarị nyẹ; kụ́ma wamịnị Tẹ́mẹ́ ma nyánáapụ sọ, anịị Tamuno parị pịrị dienyẹ ma nyánápụ so inighiarị wámịna biebẹ, wa pịghị kúruarị si Tamuno ori awọ pa wa mịẹsị wámịna oju gbọrụ págháraa pághámaḅo.

1 Kọrịntịapụ 4:5

Anịgosi gbẹ́rẹ́ḅọ sịbị sọ ḅẹ́rẹ́kọ ma sáá ma na laagha sáá. Kúruu, ákị múu Kị́nị́nyánáḅọ ma ḅoo sáá láa, ọ kánákánábie ḅọghunyẹ ma pa baá bie pághámaḅobẹm, túminị́ kúkúbie fịnị ḅọghunyẹ ma. Anịsáa anị túminị́ nna ḅụ gbẹ́ẹ̄ túminí nyánáḅọ bẹnyẹ Tamuno ḅara.

2 Kọrịntịapụ 12:13

A ị́yẹ́ ḅụḅáláḅálá pa ọmịna ḅụ gbánāgha sima, a tẹ́ sii ḅara pa ọ́ nana ngaa kịrịnyẹ, a pa isi sọsị sọsị ma na ngagha nyẹ?

Galesiaapụ 5:5

Kụ́ma wamịnị, wámịna tọ́rụ́ dighinyẹ anịị ḅẹ́ Tamuno wa pa ọ nana karakárá ḅụ warịbẹm; mịma anị wa kúruarị nyẹ, Tamuno Tẹ́mẹ́ ma mị fịrị ma nwángịarị wámịna minini ḅụ ḅọ́rọ́.

Filipaiapụ 3:20

Wamịnị sobie amaapụ anịgosi wa wa ḅụ sẹ́ghịma wámịna dụaḅọ́rọ́ma ḅo Kị́nị́nyánáḅọ Jizọs Krais kúruarị sị o sobie saghị ḅoo.

Kolosiapụ 3:4

Krais ọmịna duma ma, ọ ḅụ diepágháma sáá, ọmịnị sọ ọmịna ḅụ diepághámabẹm ipine ḅụ.

1 Tẹsalonaikaapụ 1:10

pịghị ọ Tụ́wọ kúru o sobie saghị ḅo ọ Tụwọ Jizọs, ọ fịị ḅụ sághị ḅo sị pịghị wámịna dụaḅọ́rọ́ma ḅo, ḅoarị Tamuno igani ma ḅụ.

2 Tẹsalonaikaapụ 1:7

ọ pịghị ịnyọ́sárá pa ọmịnị tọ́rụ́siarịarịapụ ma pịrịbẹm na pịghị wamịnị sọ. Ọ mịma mịẹbẹm Kị́nị́nyánáḅọ Jizọs sobie ọ ḅụ die bẹ sáá ori na ori opukuro sookumuapụ.

2 Timoti 4:8

Mị́sa sághị bịpị muu karakárá ibiamịẹnyẹ ogunu fịnị ikuruarị anịị Kị́nị́nyánáḅọ ma karakárá ḅẹ́rẹ́kọḅọ ma pa ị pịrịbẹnyẹ anị éné ma, ịrị ngéréghaa, kụma ḅẹlẹma ḅụ ori ḅoo ma kúruarịapụ mamgba.

Taitọs 2:13

wa boma éné ma kúruarị sa, wámịna tọ́rụ́ dighinyẹ nyáná éné ma anịị wámịna opu Tamuno na wámịna Dụaḅọ́rọ́maḅọ Jizọs Krais ipine na ḅo bẹ sa.

Hiburuapụ 9:28

Anị gbẹ́rẹ́ ḅara ma n Krais pa igwa gwam gbẹ́rẹ́ sáá sị ọ tọgha tọghaapụ sii sịrị si. O pịghịma ḅobẹm mmẹẹ́ kárámá sa, sii gosigha, kụ́ma ori o kúruarịapụ ma dụaḅọ́rọ́ma bẹ ḅara.

1 Pita 1:13

Ọmịnị ọmịna kúkúbie karakáráma warị fịrị pịrị, ọ tẹ́lẹ́ma, pịghị ọmịna tọ́rụ́ dighinyẹ pa n pa ọ pịrịbẹ boma ma ḅụ gbánā, n Jizọs Krais diepágháma bẹ sa.

1 Pita 4:13

Tụ́ma o bieḅẹlẹ ḅẹ́ ọmịnị sọ diekiri nyánam Krais tọ́rụ́siarị ma ḅụ, sị ori ipine anị ḅụ diepágháma bẹ sa, ọmịnị so opuma bieḅẹlẹ bẹ ḅara.

1 Pita 5:4

Sị sịbịda Ánánákúrúḅọ ma ḅo sa ọmịnị ipine ogunu nyáná bẹ ḅara anị baá jẹ́ éné jẹ́ éné sịrịfabịgha nyẹ.

2 Pita 3:12

ọ pa Tamuno ene ma kúruarị sa, ọ mịẹnyẹ mịẹsị anị álála ḅoo. Anị éné ma, sotọrụ ma dọghụbẹm fịnịbie pịghị guluguluma, sotọrụ fịnịnyẹ ma gonyẹ́ gonyẹ́ fịnị ọwụ ma anị sanimabẹm.

1 Jọn 3:2

Ị́yẹ́ ibi nangwọapụ, mị́sa wamịnị Tamuno awọ, kụ́ma túminị́ na nimigha wa kịka bẹnyẹ, kụ́ma wa nimim ḅẹ́ Krais ọ ḅụ die sa, wamịnị ọ fịnị ḅara fịnịbẹm, tegó wamịnị ori árịbẹm ọ fịnị ḅara.

Judu 1:21

Ọ Tamuno ḅẹlẹma ḅụ ọmịna ḅụ warị ọmịnị Wányánáḅọ Jizọs Krais kụ́rụ́arịsa ḅẹ́ o ḅọ sị duma gbámásó pá ọ́ pịrị ori lolomakúkúbie ḅụ.