1 Kọrịntịapụ 1:5 - Ibani New Testament

⁵ Krais ḅụ ḅọ́rọ́ o ḅoo áláápụ́ sọmam, ẹ́gẹ́rẹ́ bịpị gonyẹ́ gonyẹ́ ḅụ na pịghị níminyẹ gonyẹ́ gonyẹ́ ḅụ.

1 Kọrịntịapụ 1:5 ပူးပေါင်းရင်းမြစ်များ

Fịrị Ḅara 2:4

Tọ́ntọ́ Tẹ́mẹ́ ma nnị kị́nị́mamgba bie sọọ biim, nnị warị jẹ́ ḅẹ́lẹ̄ pa ẹ́gẹ́rẹ́kọọ Tẹ́mẹ́ ma nnị kụrọma ḅara.

Romapụ 11:12

Kụ́ma ḅọ́rọ́ nna siiamịẹnyẹ ma opu karịiḅi akuo tuminikiri pịrịm nna faá opu karịiḅi akuo Juughaapụ pịrịm. Anịsa karịibima ma anị dụḅa tọrọ́ láa bẹ Juuapụ ma kịẹbịpị ma káara sa!

Romapụ 15:14

I jẹa minini mịnaapụ, ịrị ịḅụgḅọrụ mininim ḅẹ́ ọmịnị opuma ibim, ọ pịghị níminyẹ gonyẹ́ gonyẹ́ nyanam, ọ pịghị ine nyẹ pa jụghọ jụghọ diebẹm.

Romapụ 15:4

Ḅọ́rọ́maa sa n gịẹnyẹ ma gonyẹ́ gonyẹ́, n gịẹm pa nyẹ pa wa die bẹ ḅara, sị wamịnị tọ́ndiri ma bie saghị ḅo inema na tẹ́mẹ́kụ́rọ, wamịnị ine tọ́rụ́ dighinyẹ nyáná bẹ ḅara.

1 Kọrịntịapụ 12:10

Tẹ́mẹ́ ma pa gbẹ́rẹ́ḅọ pịrịm sị n ḅọ ine ḅụ́gbérépuma fịrị nwángịị, jụghọ ikiakoro, jụghọ tẹ́mẹ́ kịrịkị́rị́ ma nimiḅo, jụghọ ine kịrị ama ḅẹlẹ pa ẹ́gẹ́rẹ́kọọ, jụghọ ine nimi Tọ́ntọ́ Tẹ́mẹ́ ma ḅara sághị ḅo dienyẹ na Tọ́ntọ́ Tẹ́mẹ́ ḅara sághịḅogha dienyẹ, jụghọ n ḅo kọọ ẹ́gẹ́rẹ́ ma daadugho.

1 Kọrịntịapụ 12:8

Tẹ́mẹ́ ma pa gbẹ́rẹ́ḅọ pịrịarị opu níminyẹ oku, mị gbẹ́rẹ́ Tẹ́mẹ́ ma níminyẹ oku pa jụghọ pịrịm,

1 Kọrịntịapụ 13:2

A ine ikiakoro dienyẹ ma nyánábẹm, a ine akanyaḅo nyánábẹm, sị ḅọghunyẹ gonyẹ́ gonyẹ́ akanyaḅo; a ine minini mamgba nyánábẹm a pa ine opu tụ́ndụ́ sumasi bẹnyẹ, kụ́ma a ḅẹlẹma nyanagha nyanagha, ịrị papanyẹ.

1 Kọrịntịapụ 13:8

Ḅẹlẹma fịnị gbámásom, ikiakoro imi, kụ́ma mịnanyẹ mamgba fịnị gbámásogha, kịrị ọwụ pa ẹ́gẹ́rẹ́kọọ dienyẹ imi, kụ́ma mịma sọ bibẹm níminyẹ imi kụ́ma anị ḅo ḅọ́rọ́bẹm.

1 Kọrịntịapụ 14:26

Mịị a dughoarị nyẹ ị́yẹ́ amịnáapụ. O kobirimaẹrẹ tẹ́ghẹ̄ ḅụ, gbẹ́rẹ́ḅọ núme nyánam, jụghọ oku nyanam kịrị ẹ́gẹ́rẹ́ ḅẹ́lẹ̄ ḅụ, jụghọ pa n dughonyẹ ma dughofindi. Nnị nyẹ gonyẹ́ gonyẹ́ mịẹbẹm pa sọsị ma mịẹ sẹnịmaa.

1 Kọrịntịapụ 8:11

Anịsáa mịị tẹ́mẹ́kụ́rọgha mịná owitụ́wọ ma Krais ọ sịbị goo fịịḅọ ma, warị fịị faabẹm ịrị ma níminyẹ gosi!

2 Kọrịntịapụ 4:6

Dugho Tamuno ma ḅẹẹ, <> Mịị gbẹ́rẹ́ Tamuno ma anị mịẹsị ọri baá bia wámịna tẹ́mẹ́bie sọọ nyẹ. Mịma ḅụ ḅọ́rọ́, wa Tamuno ipine nimi ḅụ sághị ḅoarị baá ma nyanam biarị nyẹ Krais tọ́rụ́ ogbo.

2 Kọrịntịapụ 6:10

Nnị wa biesimam, wa pa sámámgba bieḅẹlẹarị, wa igonyinapụ kịkam, kụ́ma wa tọgha tọghaapụ pa álásọ́maarị, wa ḅẹnyẹ ḅẹnyẹ nyánágháapụ kịkam, anịsọ wa nyẹ gonyẹ́ gonyẹ́ nyánam.

2 Kọrịntịapụ 8:7

Ọmịna nyánányẹ gonyẹ́ gonyẹ́ ḅụ ọ mịnị opuma anị nyanam; minini ḅụ, ẹ́gẹ́rẹ́ pụghọ ḅụ, na pịghị níminyẹ ḅụ, ọ mịnị ịnyọ pa ḅárásua dọghụ ḅara, ọ pịghị pa wa ḅẹlẹma ḅara. Wa pịghị bim ḅẹ́ mị ḅẹlẹma fịrị ma ḅụ ọ ḅara findi balagha ḅara ḅụ.

2 Kọrịntịapụ 9:11

Ọ mịẹbẹm ọmịnị opuma ngọ nyána sámámgba ḅụ, sị ị ine ḅara findi sị nyẹ pịrịbẹm sị tọghaapụ anị ḅụ ḅọ́rọ́ ịmịẹḅam pa Tamuno ḅẹẹbẹm, n wámịna ḅara nyána ḅo dienyẹ gosi.

Ẹ́fịsọsapụ 1:17

wámịna Nyánáḅọ Jizọs Krais Tamuno ḅara biiarị, ipine nyáná Daḅọ, ḅẹẹ ọ Tẹ́mẹ́ ma pa ọ pịrị, níminyẹ pa ọ pịrịbẹḅọ, sị Tamuno ma pa o die, sị ọmịnị ibima ọ nimi bẹ ḅara.

Ẹ́fịsọsapụ 2:7

Ọ mịma mịẹm pa die ḅẹẹ ḅoarị tuminikiri ma ori ọ nyáná wa pịrị tọ́rụ́kụrụkụ́rụ́ opuma dụḅa láa ḅara ọ pa wa die ḅẹlẹma Krais Jizọs ḅụ ḅọ́rọ́.

Ẹ́fịsọsapụ 3:8

Tamuno tọ́ntọ́apụ mamgba ḅụ irịị ịrụ́ḅam, anịsọ Tamuno pa mị opuma nyẹ́la fịrị ma pa i pịrịm ḅẹ́ a muu dugho wásáma Juughaapụ ma pịrị Krais ḅụ fịnị sị tumḅọ ine dọghụpágháma ḅofámábịghaa ngọ,

Ẹ́fịsọsapụ 6:19

Pịghị tẹ́ghẹ̄ i pịrị ḅẹ́ a bịpị findi sa gonyẹ́ gonyẹ́ ori oku pa i pịrịbẹm sị a ḅáláfaghaa ḅara ḅụ, a ine ibi oku ma ḅụ ḅọghunyẹ dugho wásáma bẹ ḅara.

Filipaiapụ 1:9

Tẹ́ghẹ̄ anịị a tẹ́ghẹ̄arị nyẹ ḅẹ́ ọmịna ḅẹlẹma sẹ́nị anịị anị sẹ́nịbẹnyẹ, tụ́ma níminyẹ ḅụ na pịghị kpain akanyaḅo ḅụ.

Kolosiapụ 2:3

Ọ ḅụ anịị Tamuno opu níminyẹ na níminyẹ ngọ gonyẹ́ gonyẹ́ ḅọghu fịnịnyẹ.

Kolosiapụ 3:10

ịwọ oju ma sua sị árị ḅẹ́ sámámgba ọmịnị iwọarị, ọ pịghị sẹnịarị ḅara ọmịna Tẹ́mẹ́ḅọ nimi ḅụ sị pịghị ọ fịnị ḅara fịnị.

Jems 3:13

Ọmịna bie opu nyẹ́nimi pịghị akanyaḅo nyánáapụ imi? Ọmịnị ọkọọ fịnị ibi duma ḅụ pa anị die, ọ ḅụ sitéréma na opu nyẹ́nimi pa ọ mịẹarịnyẹ gonyẹ́ gonyẹ́ mịẹ.

2 Pita 3:18

Kụ́ma ọ pa senị́ị́ Wányánáḅọ na wámịna Ḅọ́rọ́maḅọ Jizọs Krais tọ́rụ́kụrụkụ́rụ́ na ori níminyẹ ḅụ. Ipine fịnị ọ pịrị mị́sa akị mú ḅẹsá ḅẹsá la. Anị ọkọ fịnịị.