Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Kọrịntịapụ 1:2 - Ibani New Testament

2 wa gịẹ pa ọmịnị Kọrịntị ḅụ fịnị Tamuno sọsị ma pịrịm. Tamuno ọ mịẹm sị o ḅo ori tọ́ntọ́apụ sọọ, Krais Jizọs ḅụ ḅọ́rọ́, ọ pịghị mịẹ kị́nị́mamgba pịrị ḅara ngaa mamgba ḅụ, Krais Jizọs ẹrẹ ma sịapụ ḅẹ́ anị ẹ́rẹ́ ma nna Nyáná ḅo pịghị wámịna Nyánáḅọ:

အခန်းကိုကြည့်ပါ။ ကော်ပီ




1 Kọrịntịapụ 1:2
45 ပူးပေါင်းရင်းမြစ်များ  

O nimim ọ pa Izirẹlịawọ fịrịma oku, diin ibi oku ma dugho wásámaarị, Jizọs Krais kị́nị́mamgba Nyánáḅọ ḅụ ḅọ́rọ́.


Ọ kịrịnyẹ mịẹghaa wamịnị na nna ogbobie; ori nna siiḅụḅarasi n pịrịm, nnị mininim gosi.


Mịma ḅọ́rọ́ sáá, Pọl Atensi warịsom sị Kọrịntị muu.


Anịgo ị pịghị tẹ́ go sáá ngumaarị? Saghị sị mingi sara, sị ị́yẹ́ sii siri si bẹ ḅara ịrị ori ẹ́rẹ́ ma sị tẹ́ghẹ̄arị ḅara.>


Ịrị nna tọ́rụ findibẹm sị pịghị kánákánábie nna akuoo ḅo baá bie soo, pịghị Satanị kụrọ bie nna akuoo ḅo Tamuno bie sua, sị nnị siiḅụḅarasipịrị nyáná bẹ ḅara, sị nnị ịḅụ nyáná minini ḅụ ḅọ́rọ́, sị pịghị nna kiri nyáná Tamuno sẹlẹakịapụ ma ogbobie.>


Ọ pịghị opu igwagwaḅọ ḅara kụrọ daákịm sị pa Damasikọs ḅoom sị ori susi ị pịrịarịapụ mamgba kuuakị bẹ ḅara.>>


O naáapụ gonyẹ́ gonyẹ́ anị n tọ́rụ daam, warị saghị gbíla, <>


Anịgo a mịị diri ma gịẹ pa ọmịnị Rom ḅụ fịnịapụ mamgba fịrịmam Tamuno ma ḅẹlẹmaapụ pịghị sịmáapụ bẹ nnị ḅo ori a túminị́ sọọ. Tamuno wámịna Daḅọ na Kị́nị́nyánáḅọ Jizọs Krais tọ́rụ́kụrụkụ́rụ́ na diin pa ọ pịrị.


Ḅẹẹ kịrịnyẹ ofori Juuapụ na Juughaapụ bie Tamuno ori anịị kị́nị́mamgba Nyánáḅọ ọ pịghị ibiḅara pa ọ sịapụ mamgba boma bomam.


Tamuno túminị́ mịẹm nnị karakárá ibiamịẹnyẹapụ sọ, nna minini Jizọs Krais ḅụ ḅọ́rọ́. Tamuno mịma mịẹ Jizọs Krais ḅụ mininiapụ gonyẹ́ gonyẹ́ pịrịm, tegó kịrịnyẹ sọ ofori,


Wa nimim bẹnyẹ gonyẹ́ gonyẹ́ ḅụ Tamuno ibinyẹ mịẹ ọ ḅẹlẹmaapụ pịrịpịrịm, ọ sịị́apụ ọ mịẹ dọghụnyẹ gosi.


Kụ́ma Tamuno Krais Jizọs bie ọmịnị akuomam, Krais ḅụ ḅọ́rọ́ Tamuno ori opu níminyẹ pa wa pịrịmam, karakárá Tamuno tórúku, wa ḅoo Tamuno tọ́ntọ́apụ sọm n pịghị wa ḅọ́rọ́mamam.


Duma kọọ ị ḅụḅáláḅálá dighi gbẹ́rẹ́ḅọ sọ pịrịbịgha ḅara Juuapụ anịgha Juughaapụ anịgha Tamuno sọsị ma.


Ọmịnị kị́nị́mamgba anịị Krais oju ma, ọ́rụ́ḅọ ọ́rụ́ḅọ anịị gbẹ́rẹ́ angaá oju ma ḅụ.


kụ́ma wamịnị gbẹ́rẹ́ Tamuno ngéré anịị wa nyánányẹ, Daḅọ ma, ori nyẹ gonyẹ́ gonyẹ́ tẹ́mẹ́ḅọ, wa pịghị duma ọ pịrịm, wa pịghị gbẹ́rẹ́ Kị́nị́nyánáḅọ nyanam Jizọs Krais, ọ ḅụ ḅọ́rọ́ anịị nnị nyẹ gonyẹ́ gonyẹ́ tẹ́mẹ́nyẹ, ọ ḅụ ḅọ́rọ́ anịị wa pịghị dumanyẹ.


Irị Pọl, Jizọs Krais fịrịmaḅọ, na pịghị wámịna numboru owitụ́wọ Timoti anịị mị diri ma gịẹ ọ fịrịmaarịapụ, ọmịnị Tamuno sọsị ma Kọrịntị ma bie fịnịapụ na pịghị Tamuno awọ mamgba Akaya gbọrụ ḅụ fịnịapụ.


Wa wámịna ḅụ dugho wásámagha, kụma wa Krais dugho wásámaarị ḅẹ́ ori anị Kị́nị́nyánáḅọ sị wamịnị, ọmịna fịrịnwangịapụ Jizọs ẹrẹ́sị.


Mịnga fịnị mịná owiapụ mamgba bịpị suam ḅẹẹ, a Galesia bie fịnị Tamuno kubiri ogbo mamgba bii.


Ọ mịma mịẹm pa Tamuno kubiri ogbo ma fófóoma Tamuno pịrị, ori ẹ́gẹ́rẹ́ ḅụ ḅọ́rọ́, ọ tárị mingi pa anị sịrị fiafiama fama sa.


Irị Pọl ḅara anịị mị diri ma saghị ḅo nyẹ, Sailas na Timoti sọ bịpị suam, mị diri ma anị ḅo Tẹ́salonaika ḅụ fịnị sọsị ma pịrịm. Tamuno Daḅọ na Kị́nị́nyánáḅọ Jizọs Krais tọ́rụ́kụrụkụ́rụ́ na ori diin fịnị ọ pịrị.


Tamuno wa sịgha ḅẹẹ wa ḅo yáakuu ḅụ ofori nwángị kọọ, kụ́ma wa tọ́ntọ́ ḅụ fịnị.


Ịrị Pọl ḅara anịị mịị diri ma saghị ḅoo nyẹ, Sailas na Timoti sọ bịpị suam. Mị diri ma anị ḅo Tẹ́salonaika ḅụ fịnị sọsị ma pịrịm Tamuno Daḅọ ma na Kị́nị́nyánáḅọ Jizọs Krais nyáná warị nyẹ.


Tamuno kobiri gonyẹ́ gonyẹ́, a bim ḅẹ́ owiapụ ma tẹ́ghẹ̄ kọọ, tọ́ntọ́ ḅụ ḅara sághị so daa sị tẹ́ghẹ̄, bie akụgha ḅụ anịgha kị́nị́ na kamsọgha ḅụ.


Kụ́ma a ḅọ́rọ́ sáá ngúma ngúma, mịị ábálálá ma pa o diebẹm túminị́ ḅara warị nyẹ́ mịẹ na ibiḅara Tamuno túminị́ ma kubiri ogbo, anịị dumafịnị Tamuno ma Tamuno kubiri ogbo ma, agalaba sị na anị sughusághị, Tamuno karakárá ma dighinyẹ.


O wa duaḅọ́rọ́mam pịghị wa sị ḅẹ́ wa ḅoo ori a túminị́ sọọ, wa mịẹmáa nyẹ gosigha, kụ́ma ori mịẹ dọghụnyẹ gosi na ori tọ́rụ́kụrụkụ́rụ́. O mịị tọ́rụ́kụrụkụ́rụ́ ma pa wa pịrịm tuminikiri na saghịgha sa éné éné Krais Jizọs sịbị ḅụ ḅọ́rọ́.


Tamuno kụrọ sughu isé ma ḅẹnyẹ ḅẹnyẹ anị jighe jighemabịgha; anị ọgọnọ anịị n mị ẹ́gẹ́rẹ́ ma gịẹnyẹ: <>


Ọmịnị ọ ḅụ si ásáawọ na ẹ́rẹ́maawọ ojumẹnị tarịarịnyẹ ma ḅụ, sị ịnyọ pa karakárá ibiamịẹnyẹ dua, minini, ḅẹlẹma na diin na. Ị mịma mịẹbẹm ịrị na tẹ́mẹ́ fíafía ḅụ Kị́nị́nyánáḅọ ma sịarịapụ mamgba ḅẹ́ ọ ḅárásua n pịrị.


Jizọs Krais Tamuno o ḅara binyẹ mịẹm gosi wámịna sii ḅụ, n wa sịrị simam, ori ọḅụ pa gwaa igwaa gbẹ́rẹ́sa, sámámgba pịrị.


Mịma go, Jizọs sọ ama bie fịịgha, ori ine ori ọmbịnyẹ́ pa n sịrị si bẹ ḅara nna sii ḅụ.


Ori túminị́ mịẹarịḅọ sị n fíafía, na pịghị ọ miẹmaapụ sị n fíafía nnị kị́nị́mamgba gbẹ́rẹ́ Daḅọ nyáná bẹ ḅara. Anịgosi Jizọs ḅụ́gịrịrịgha nnị sị yọ ḅẹ́ nnị ori a minaowiapụ.


Irị Judu, Jizọs Krais fịrịnwangịḅọ na pịghị Jems numboru owitụ́wọ, mịị diri ma gịẹ pa ọ fịrịmam Tamuno sịmáapụ, pịghị Tamuno Daḅọ ma ḅẹlẹma bie duma kọọapụ, pịghị Jizọs Krais ọ ḅara na kokoapụ.


Ori koro bịtẹ ma ḅụ na pịghị ọ ḅụ́ọ́ẹlẹẹ ḅụ nnị ẹ́rẹ́ ma gịẹm, ámányánáapụ ámányánáḅọ na kị́nị́nyánáapụ kị́nị́nyánáḅọ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ