1 Kọrịntịapụ 1:10 - Ibani New Testament

¹⁰ I jẹa mininiapụ a ọ́ tẹ́ghẹ̄m wámịna Nyánáḅọ Jizọs Krais ẹrẹ ḅụ ḅẹẹ ó gbẹ́rẹ́ bịpịfie si puama ọmịna ogboku bie fịnịbịgha ḅara. Ọ ḅụ pa gbẹ́rẹ́nyẹ mịẹ ọmịna kúkúbie na ọmịna kóróma ḅụ.

1 Kọrịntịapụ 1:10 ပူးပေါင်းရင်းမြစ်များ

Matiu 9:16

<

Ibi Oku Ma Mak Anị Gịẹ Ḅara 2:21

<

Ibi Oku Ma Mak Anị Gịẹ Ḅara 3:24

Ḅọ́rọ́ gbẹ́rẹ́ sẹ anị ḅụ diegálágáláma sị amịna ḅụ na owusọ, anị ama ma gbẹ́rẹ́sa bịghị korobẹm.

Ibi Oku Ma Jọn Anị Gịẹ Ḅara 10:19

Mịná ẹ́gẹ́rẹ́ ma sima puama dighiḅom Juuapụ ma ogbobie.

Ibi Oku Ma Jọn Anị Gịẹ Ḅara 17:23

Ịrị ibie fịnị ḅara ịrị ma sọ nna bie fịnịbẹm. Mịẹsị nnị ḅoo káara ḅara ḅụ gbẹ́rẹ́ ḅụ ḅụ fịnị bẹ ḅara sị tuminikiri ma nimi bẹ ḅara bẹ ịrị i fịrịmam pịghị n ḅẹlẹmamam ịrị i ḅẹlẹmamaa ḅara.

Ibi Oku Ma Jọn Anị Gịẹ Ḅara 7:43

Puama warị ḅo túminị́ ma ogbobie sọ Jizọs gosi.

Ibi Oku Ma Jọn Anị Gịẹ Ḅara 9:16

Farisiiapụ ma ḅụ jẹ́apụ, warị ḅẹẹ, <> Kụ́ma jẹ́apụ gbilam, <> Puama warị nna ogbobie sọọ.

Fịrị Ḅara 4:32

Minini ogbo ma gbẹ́rẹ́ tẹ́mẹ́ nyanam. Gbẹ́rẹ́ḅọ so amịna nyánányẹ ḅẹgha ḅẹẹ ọ́ inyee, kụ́ma nnị nyána nyẹ gonyẹ́ gonyẹ́ nnị pa jụghọ jụghọ na diem.

Romapụ 1:13

A dọ́ghụm ḅẹ́ sị o nimi ị́yẹ́ amịnáapụ, ḅẹẹ, tọgha sa a tọmam ḅẹ́ a ḅo ọmịnị arịị, kụ́ma nyẹ sámamgba ị́kíkímam. A dọ́ghụm ḅẹ́ ọmịna ogbobie a mininiapụ nyáná ḅo bẹ ḅara, a nyáná ḅara jẹ́ Juughaapụ ma ogbobie.

Romapụ 12:1

Anị ẹrẹ́sị, mịnaapụ, Tamuno ma nyáná wa pịrị opu lolomakúkúbie gosi, a ọ tẹ́ghẹ̄m ḅẹ́ ọmịnị ọmịna ḅụ pa duma igwagwaá Tamuno pịrị, n fófóoma ori fịrị pịrịnyẹ na pịghị ọ ḅẹlẹma nyẹ. Mịma anịị ọmịnị pa ọ pịrịbẹ tụ́ma susi.

Romapụ 12:16

Diin ḅụ kị́nị́mamgba na ngaa. Opuamịẹnyẹ mịẹma, kụ́ma mịẹkụ oforiapụ ma na nangwọ mịẹ. Nyẹ́nimiḅọ ḅara pa ịḅụ arịma.

Romapụ 15:30

Mịnaapụ, a wámịna Nyánáḅọ Jizọs Krais ẹ́rẹ́ na pịghị Tẹ́mẹ́ ma pịrịarị ḅẹlẹma pa ọ tẹ́ghẹm: ḅẹ́ ọ ḅárásua sị Tamuno tẹ́ghẹ̄ kụrọma i sịbị go.

Romapụ 16:17

Mịnaapụ, a ọ tẹ́ghẹ̄m ḅẹ́ ọ tọ́rụ́ pa puama dighiḅoarịapụ ma ḅụ gbánā, mininiapụ mịẹarịapụ sị n bịghị pighi asọ mgbẹsẹ dighiḅọ ọ dáwọ ḅomaá dienyẹ ma pịrịarịapụ. Ḅụ kile nna ḅụ!

1 Kọrịntịapụ 1:11

Jẹapụ, Kiloe wárịbieapụ nyẹ ḅọghughaa ḅara ḅụ dugho i pịrịm ḅẹẹ kamkoro ọmịna ogboku bie imi.

1 Kọrịntịapụ 11:18

Párị nyẹ, n dugho ọ pịrịmam ḅẹẹ puama ọmịnị ogboku bie imi o ḅo kobirimaẹrẹ sọsị ḅara ḅẹẹ ọ tẹ́ghẹ̄, mịma a pịghị kálá ḅara pa anị mininim.

1 Kọrịntịapụ 12:25

Anịgosi puama ofori oju ma ḅụ, kụ́ma mị kịrịkị́rị́ angaá ma gbẹ́rẹ́ ḅẹlẹma nyána jụghọ jụghọ pịrịm.

1 Kọrịntịapụ 3:3

Tegó, ọ pa duma kọọarị mị tuminikiriapụ duma kọọarị ḅara. Nyẹ́mọ́ni ọmịna ogboku bie fịnị sáá, ọ pịghị jụghọ jụghọ na kamkoro sáá, anị diegha ḅẹẹ ọmịnị mị tuminikiri bẹapụ, duma kọọarị n duma kọọarị ḅara?

1 Kọrịntịapụ 4:16

Anịgosi a ọ tẹ́ghẹ̄m ḅẹẹ ọmịnị i daa a nyẹ mịẹ ḅara mịẹ.

2 Kọrịntịapụ 10:1

Krais ḅụ fịnị diin na ḅụsímínímá, irị Pọl, anịị mị tẹ́ghẹ̄ bịpị ma pa ọ tẹ́ghẹ̄arị nyẹ, ịrị anịị túminị́ ḅẹ́ sị tọ́rụ́kụ́kụ́ḅọ a ọ nana gbẹ́rẹ́ angaá fịnị sáá, kụ́ma tọ́rụ kụ́rọ a ọ nana gbẹ́rẹ́ angaá ófórigha sáá.

2 Kọrịntịapụ 13:11

Kunemaá, i Daa awọ, ọmịnị ibima fịnịị, asọ nwángịị kpain ḅụ, ị́yẹ́ tẹ́ghẹ̄ẹ̄ bịpị ma pughuu, ọ gbẹ́rẹ́ tẹ́mẹ́ nyáná, o diin ḅụ ngaa, diin na ḅẹlẹma nyáná Tamuno ma ọmịnị na fịnịị.

2 Kọrịntịapụ 13:9

Wa bieḅẹlẹm ḅẹẹ wámịna tẹ́mẹ́ oḅuu sáá gonyẹ́ gonyẹ́, ọmịnị kụrọm. Anịgo wa pịghị tẹ́ghẹm ḅẹẹ, nyẹ gonyẹ́ gonyẹ́ ḅụ ọ kpain.

2 Kọrịntịapụ 5:20

Wamịnị anị mị́sa sẹ Krais pịrịarịapụ sọ́ḅọ́rọ́ Tamuno wa ḅụ ḅọ́rọ́ túminị́ tẹ́ghẹ̄arị. Wa Krais sịbị go ọ tẹ́ghẹ̄arị; ḅẹẹ Tamuno iruonaapụ ḅụ ọ pịghị mú ọrẹ nangwọapụ sọọ.

2 Kọrịntịapụ 6:1

Wamịnị na Tamuno na nwángị gbólomaarị fịrị ma, wamịnị ọ tẹ́ghẹ̄m, ọmịnị Tamuno tọ́rụ́kụrụkụ́rụ́ nyánámaapụ ḅẹẹ ọmịnị anị guluguluma ma.

Galesiaapụ 4:12

A ọ tẹ́ghẹ̄m ịyẹa mịnaapụ, ọmịnị; a fịnị ḅara fịnị. Tegó ịrịsọ ọ fịnị ḅará fịnịm. Ọ gbẹ́rẹ́ siinyẹ sọ pa i mịẹgha.

Filipaiapụ 1:27

Mịẹnyẹ gonyẹ́ gonyẹ́ ḅụ árị ḅẹ́ ị́yẹ́ duma Krais ibi oku ma na kuram sị ḅọ́rọ́ a ine anịgha a pịghị inegha sị mú ọmịnị arịị a naábẹm ḅẹ ọ kụrọma sẹ́fịnịarị. Gbẹ́rẹ́ tẹ́mẹ́ ḅụ, na pịghị gbẹ́rẹ́nyẹ pụghọ tarị ḅụ, ọmịnị kị́nị́mamgba o sọ gbólomaarị ibi oku ma minini gosi.

Filipaiapụ 3:16

Anị fịnị ḅara fịnị ḅara wa pa tórúku mú, pa wa duarị ólóghó ma dua mú mị́sa láa.

1 Tẹsalonaikaapụ 5:13

Ọ dụḅaḅá kuu pa n pịrị, ọ pịghị n ḅẹlẹma n nwángịarị fịrị ma gosi, ọ pịghị diin ḅụ jụghọ jụghọ na ngaa.

2 Tẹsalonaikaapụ 2:1

Wámịna Nyáná ḅo Jizọs Krais ḅoo ma gbolomanyẹ, wa pịghị kobiri gboloma sị ori na fịnị bẹ ḅara: a ọ tẹ́ghẹ̄m, i Daa awọ,

1 Timoti 5:21

Wámịna Tamuno tórúku na pịghị Krais Jizọs tórúku na pịghị tọ́ntọ́ sookumuapụ ma tórúku. A dugho kụrọma ọ pịrịm ḅẹ́ ọ mị ẹ́gẹ́rẹ́ ma pa nyẹ si, ḅẹ́ ma ḅẹ́ mingaḅọ ibim, mingaḅọ ibighaa, ị mịẹarịnyẹ gonyẹ́ gonyẹ́ ḅụ.

2 Timoti 4:1

Tamuno na Krais Jizọs tórúku, ḅẹ́rẹ́kọ dumaapụ na fịịapụ pịrịbẹḅọ tegó ḅẹ ọ pịghị sima ḅoarị sị ḅoo taa ámányánáḅọ ḅara, a kụrọma i ḅẹ́m ḅẹẹ,

1 Pita 2:11

A ọ tẹ́ghẹ̄m ịyẹa nángwọ́apụ igoniapụ na biaapụ na mị tuminikiri, ọmịnị sa nyána oju bie mẹnị tarịarịnyẹ ma pịrịma, owu pa sámámgba biebẹ duma ma pághámaarị nyẹ.

1 Pita 5:10

Ọ kẹ́lẹ́ tọ́rụ́siarị so sáá, tọ́rụ́kụrụkụ́rụ́ mamgba nyáná Tamuno ma, ọ sị ḅo bẹ ọ ḅo diekiri nyáná ọrẹ gbámásó ipine ma ḅụ Krais bie, ori ma pịghị ọ mịẹ kpaimabẹm, pịghị ọ sẹ kụ́rọ́mabẹm pịghị ịnyọ, na pịghị karakárá súghúise pa ọ pịrị.