1 Jọn 5:6 - Ibani New Testament

⁶ Jizọs Krais anịị ori mingi sara mingi ma na ori fịị ọmbịnyẹ́ pa ḅoḅọ. O mingi ḅụ ngéré ḅogha, kụ́ma mingi ma na ọmbịnyẹ́ ma na, Tẹ́mẹ́ ma pịghị dugho pághámaarị ḅẹẹ mịma karakárányẹ tegó Tẹ́mẹ́ ma karakáram.

1 Jọn 5:6 ပူးပေါင်းရင်းမြစ်များ

Matiu 26:28

Mịị ị́yẹ́ ọmbịnyẹ́ ma, nnị pa Tamuno na ori a túminị́ na fị ọḅọọ ma mịẹ kárámá nyẹ, nnị ọsụ sara tọghaapụ pịrịm sị n pa siiḅụḅarasipịrị nyáná.

Matiu 3:16

Jizọs mingi sara fama gbẹ́rẹ́kiri ọ mingi ma bie ḅọ́rọ́ ọgọnọ iwoom. Anịsáa ma ḅụ so warị findi ọ warị Tamuno Tẹ́mẹ́ ma árị elesia ḅara pa kóróḅoarị sị ọ ḅụ gbana.

Ibi Oku Ma Mak Anị Gịẹ Ḅara 14:24

Jizọs ḅẹm, <

Ibi Oku Ma Luk Anị Gịẹ Ḅara 22:20

Anị gbẹ́rẹ́ ḅara ma, ori ọmọngọ ma pa n pịrịm n ḅupiri fị́nyẹ ma fị́fáma sáá, ḅẹẹ, <

Ibi Oku Ma Jọn Anị Gịẹ Ḅara 14:17

Mịị ḅárásuaḅọ ma ori anịị Tọ́ntọ́ Tẹ́mẹ́ ma tụ́manyẹ ma pa túminị́ diearịḅọ. Tuminikiri ma ine ọ daa kórómabịgha tegó nnị ori arịgha anịgha o nimi. Kụ́ma ọmịnị o nimim ori ọmịnị na ngáarị gosi ọ pịghị ọmịna bie fịnịbẹm.

Ibi Oku Ma Jọn Anị Gịẹ Ḅara 14:6

Jizọs pagharam, <

Ibi Oku Ma Jọn Anị Gịẹ Ḅara 15:26

<<Ḅárásuaḅọ ma ḅo sáá, a pa ọ fịrịma bẹḅọ Daḅọ ma ḅara, tụ́manyẹ pa túminị́ diearị Tẹ́mẹ́, Daḅọ ma ḅara saghị ḅooḅọ, ori ma igbọloma nyẹ dugho pághámabẹm.

Ibi Oku Ma Jọn Anị Gịẹ Ḅara 16:13

Kụ́ma Tọ́ntọ́ Tẹ́mẹ́ ma, karakárá ma pa túminị́ diearịḅọ ma ḅoo sáá, ọ karakárányẹ mamgba pa o diebẹm. Ori ọrẹ kụ́rọ ḅụ ẹ́gẹ́rẹ́ kọbịgha; ọ náanyẹ ma ngéré anịị o dugho bẹnyẹ, ọ pịghị tórúku ḅoarị nyẹ dugho ọ pịrịbẹm.

Ibi Oku Ma Jọn Anị Gịẹ Ḅara 3:5

Jizọs pagharam, <

Ibi Oku Ma Jọn Anị Gịẹ Ḅara 4:10

Jizọs a pagharam, <>

Ibi Oku Ma Jọn Anị Gịẹ Ḅara 4:14

kụ́ma a pịrịbẹ mingi ma ḅuu ḅọ gonyẹ́ gonyẹ́ n ḅo pụghọ mịnị jẹ́ pa sámụ́nọbịgha. A pịrị ḅuu bẹ mingi karakáráma mingi du igbe dighibẹm n ḅo bie, sẹnị sị duma gbámásó pịrịbẹnyẹ.>>

Ibi Oku Ma Jọn Anị Gịẹ Ḅara 6:55

Ḅẹẹ ị́yẹ́ ojumẹnị ma anịị tụ́ma fị́nyẹ, ị́yẹ́ ọmbịnyẹ́ pịghị tụ́ma iru.

Fịrị Ḅara 8:36

Nnị pa muarị sa, nnị ḅo gbẹ́rẹ́ angaá lam nnị mingi árị ngaa, opu tumḅọ ma warị ḅẹẹ, <> [

Romapụ 3:25

Tamuno ọ saghị pịrịm, ḅẹ́ ori ọ sụụ ọmbịnyẹ́ ma ḅụ ḅọ́rọ́, na pịghị túminị́ ọ ḅụ nyáná minini ḅụ ḅọ́rọ́, n siiḅụḅarasi nyáná bẹ ḅara. Tamuno mịma mịẹm pa die ḅẹ́ ori karakárá ibiamịẹnyẹḅọ. Ḅọ́rọ́maa sa ori inema nyánam sị nna sii dighi tọ́rụ́si; kụ́ma mị́sa ma ḅụ mịnị nna sii dighi tọ́rụ́sigha sị ori karakárá ibiamịẹnyẹ ma diepágháma.

Ẹ́fịsọsapụ 1:7

Krais ọmbịnyẹ́ ḅụ ḅọ́rọ́ wa dụaḅọ́rọ́ma nyánam, n wámịna siiḅụḅarasi wa pịrịm ori opu tọ́rụ́kụrụkụ́rụ́ gosi.

Kolosiapụ 1:4

Tegó wa namam ọmịna minini Krais Jizọs ḅụ, ọ pịghị nyáná Tamuno túminị́ mamgba pịrị ḅẹlẹma.

1 Timoti 3:16

Karakárányẹ ḅụ, wámịna minini ma ḅụ fịnị ḅọghunyẹ opuma dụḅam, Krais mẹnịsua tuminikiri ḅom, Tẹ́mẹ́ ma diepághámam ḅẹ́ siiamịẹnyẹ ọ ḅụ ofori, sookumuapụ ori arịm, sẹ́ sẹ́ sẹ́ ḅụ nnị o gbolomanyẹ dugho wásámam, tuminikiriapụ ọ ḅụ mininim, nnị ipine ḅụ ọsịakị sọ́mum.

Taitọs 3:5

ọ wa duaḅọ́rọ́mam, ḅẹgha ḅẹ́ wa mịẹ ọ pịrị ibinyẹ gosi kụ́ma ori lolomakúkúbie ḅụ ḅọ́rọ́ ọ wa ḅọ́rọ́mam. Ọ wa duaḅọ́rọ́mam Tọ́ntọ́ Tẹ́mẹ́ ma ḅụ ḅọ́rọ́, sii ḅụ wa sịrị siḅọ sị ịwọma wa yii na pịghị ịwọ duma pa wa pịrị.

Hiburuapụ 10:29

Anị tọ́rọ fịnị n pịrịbẹ, Tamuno Tụ́wọ ma dighisima ḅọ? Si ori ọmbịnyẹ́ ọḅọọ ma pa papanyẹ mịẹ, sii ḅụ n siri pághámaḅo nyẹ, tọ́rụ́kụrụkụ́rụ́ Tẹ́mẹ́ ma wiri ḅọ. Sịbịbie kịẹ anị pịrị n ḅo árị bẹ tọ́rụ́siarị la bẹ ḅara.

Hiburuapụ 12:24

O Jizọs dámáḅómam, ịwọ ọḅọọ ma dẹghẹ karakárámaḅọ, na pịghị n sanị ọmbịnyẹ́ ibinyẹ mini Ebẹl ọmbịnyẹ́ nẹ́ngị nyẹ.

Hiburuapụ 13:20

Mị́sa diin nyáná Tamuno ma gbámásó ọmbịnyẹ́ ma ọḅọọ ḅụ ḅọ́rọ́, wámịna Nyánáḅọ Jizọs saghịma ḅo fịị ḅụ, opu ánánákúrúḅọ ma,

Hiburuapụ 9:14

Mịma karakárányẹ sáá, Krais pulo mịma nẹ́ngịma nyẹ́ mịẹbịgha? Ori gbámásó Tẹ́mẹ́ ma ḅụ ḅọ́rọ́ ọrẹ oju pa kpain agbā mịẹ Tamuno pịrịm. Ọrẹ pulo wa sịrịbẹm ofori ofori mịẹmịẹnyẹ, ḅụ sị wamịnị ine dumafịnị Tamuno ma tẹ́ghẹ̄ bẹ ḅara.

Hiburuapụ 9:7

Opu Igwagwaaḅọ ma ngéré anị biebẹ ju fịnị yọ ma sọ sọ ḅọ, o mịma mịẹarị gbẹ́rẹ́ sáá ngéré kụ́rá bie. Ori (ọmbịnyẹ́) ákịkịm ọ pa igwagwaá Tamuno pịrị ọ sịbị ọgọ́nọ́ na pịghị túminị́ ma nimigha si n mịẹ siiamịẹnyẹ.

1 Pita 1:2

Nnị ọ sẹ́lẹ́akịm, Tamuno Daḅọ ma níminyẹ ḅụ ḅọ́rọ́, ọ Tẹ́mẹ́ pịghị ọ pa tọ́ntọ́ ḅụ wárị, si ọ Jizọs Krais osii, ọrẹ ọmbịnyẹ́ pịghị ọmịnị sịrị fiafiamaa. Tọ́rụ́kụrụkụ́rụ́ na diin, bí ḅara pa ọmịna nyẹ sọ.

1 Pita 3:21

Mị́ị́ mingi ma sẹ mingi sara pịrịm anị ḅụ ḅọ́rọ́ ọmịnị mị́sa dụaḅọ́rọ́ma nyánam. Mingi sara ma anị pápá ịlọ́lị sịrịsigha oju ḅụ. Anịma anịị ọmịnị ọmịna tẹ́mẹ́bie pa mini Tamuno pịrịnyẹ, ịlọ́lị ọmịna tẹ́mẹ́bie ófórigha ḅụ. Túminị́ mingi sara ḅụ ḅọ́rọ́ dụaḅọ́rọ́ma nyánam Jizọs Krais fịị ḅụ saghị gosi.

1 Jọn 1:7

Kụ́ma wa ḅọ́rọ́ baá ma bie asọ nwángị, ori ma sọ baá ma bie fịnị ḅara, anịsáa wa jụghọ jụghọ na mịẹgbólóma nyánam, ọ Tụwọ Jizọs Krais ọmbịnyẹ́ sii gonyẹ́ gonyẹ́ ḅụ wa sịrịsịarị.

1 Jọn 4:10

Mịma anịị ḅẹlẹma sẹ́pịrịnyẹ: ḅẹgha ḅẹ́ wa Tamuno ma ḅẹ́lẹ́mamam, kụ́ma ori wa ḅẹ́lẹ́mam, warị ọ Tụwọ fịrịma sị ọ ḅụ ḅọ́rọ́ wa siiḅụḅarasi nyáná bẹ ḅara.

Puu Findi 1:5

Na pịghị Jizọs Krais ḅara, karakárá onyésẹ̄ḅọ ma, parị fịị ḅụ saghị ḅọ ori anịị pịghị tuminikiri ámányánáapụ ma táarịḅọ. Ọ wa ḅẹ́lẹ́mam, ori ọrẹ ọmbịnyẹ́ pa wa dụaḅọ́rọ́māmám wámịna sii ḅụ.

Puu Findi 5:9

Nnị ịwọ núme sum ḅẹẹ: <

Puu Findi 7:14

A pagharam ḅẹẹ, <> Ọ warị i ḅẹẹ, <