1 Jọn 5:19 - Ibani New Testament

¹⁹ Wa nimim ḅẹ́ wamịnị Tamuno awọ, tuminikiri gbọrụ ma sọ sii tumḅọ ma sughubie imi.

1 Jọn 5:19 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 4:6

Ẹ́kpẹ́dua ma warị ó ḅẹẹ, <

Ibi Oku Ma Jọn Anị Gịẹ Ḅara 12:31

Mị́sa anịị nnị mịị tuminikiri ḅụ ḅẹ́rẹ́kọ bẹnyẹ; mị́sa mịị tuminikiri táarịḅọ nnị o dee pághámabẹm.

Ibi Oku Ma Jọn Anị Gịẹ Ḅara 14:30

A mịnị ọ nana ẹ́gẹ́rẹ́kọ ḅọlọbịgha, tegó mịị tuminikiri ma táarịḅọ ḅoarị. Ọ kụ́rọ nyanagha ịḅụ,

Ibi Oku Ma Jọn Anị Gịẹ Ḅara 16:11

pịghị ḅẹ́rẹ́kọ gbolomanyẹ, ọ mịẹbẹm sị tuminikiriapụ nimi ḅẹ́ nnị irimam, anịị tuminikiri ma táarịḅọ ma ḅẹ́rẹ́ ọ ḅara simam gosi.

Ibi Oku Ma Jọn Anị Gịẹ Ḅara 17:15

Ị́yẹ́ tẹ́ghẹ̄ a bigha ḅẹ́ ị́ n sịịakị tuminikiri ma ḅụ, kụ́ma ịrị nnị kokowarị sii tumḅọ ma ḅarabie.

Romapụ 8:16

Tamuno Tẹ́mẹ́ anị ḅụ pa wámịna tẹ́mẹ́ na gbólomaarị si dugho págháma ḅẹ́ wamịnị Tamuno awọ.

2 Kọrịntịapụ 1:12

Wa bịpịkpọm ḅẹẹ wámịna tẹ́mẹ́bie kụ́rọ kúkúbie pa wa pịrịm ḅẹẹ wámịna duma mị tuminikiri wa pịghị ibima ó nana nyáná gboloma mịẹnyẹ ma, ọ́ Tamuno ḅara sághị ḅo karakárá, na gbụ́nụ́nụ́ na Tamuno tọ́rụ́kụrụkụ́rụ́ kụ́rọ ḅụ ḅọ́rọ́ tumḅọ nyẹ́nimi ḅụ ḅọ́rọ́gha pa.

2 Kọrịntịapụ 4:4

Mịị tuminikiri tamuno ma mininighaapụ ma kóróma tọ́rụ́pụ́mamam anịgo nnị ine baá ma arịgha anịị Krais ipine gboloma sị ibi oku ma ḅụ sághị ḅoarị baá, ori ma anị gbẹ́rẹ́sa Tamuno ma na kịkaḅọ.

2 Kọrịntịapụ 5:1

Mị́sa wa nimim ḅẹ́ ḅọ́rọ́ wa bie angaá wárị ma mịẹ tuminikiri kaaka, wa Tamuno ḅara saghị ḅo wárị nyánam sobie, túminị́ ḅara pa namaghaa nyẹ, sị fịnị mú gbámásó la bẹnyẹ.

Galesiaapụ 1:4

Krais ori duma pa igwagwaá wa pịrịm wámịna sii gosi, Tamuno Daḅọ ma bi ḅara.

Ẹ́fịsọsapụ 2:2

Anịsáa ma ọ tuminikiri sii asọ nwángịm, ọmịnị ọgọnọ bie fịnị kụ́rọ sitẹ́mẹ́ táarịḅọ ma bịpị pughum, mị́sa ḅẹrẹtọ mini Tamuno osighaapụ ma pịrịarị Tẹ́mẹ́.

2 Timoti 1:12

Mịma goo anịị a go mịná tọ́rụ́siarị ma árịarị nyẹ kụ́ma a pa tẹ́mẹ́kụ́rọ nyanam, tegó a nimim a tẹ́mẹ́ pa ḅụ gbánáḅọ a pịghị nimim ḅẹ́ ọ pa i ḅárabie sua warị nyẹ ma ori ine anị koko warịbẹm akị muu anị ene ma láa.

Taitọs 3:3

Wamịnị sọ gbẹ́rẹ́sa biri pịghị oḅorisọm, bịpị osigha, nnị wa daa asọ irima. Wa pịghị omoni sọ wámịna ojumẹnị binyẹ gonyẹ́ gonyẹ́ pịrịm. Wa pịghị wámịna duma kọarị sisịbịbie sua ḅụ, jughonyemọni, jẹapụ imi wa ḅẹ́lẹ́maghaapụ, wamịnị sọ n ḅẹlẹmagha.

Jems 4:4

Ọmịnị ine Tamuno na sẹghaapụ, o nimigha ḅẹ́ tuminikiri ma na nangwọ sọọ anịị Tamuno na iruonaḅọ mịẹ? Dọghụḅọ gonyẹ́ gonyẹ́ ḅẹ́ n ḅọ tuminikiri na nangwọ sọọ, Tamuno iruonaḅọ sọmam.

1 Jọn 3:14

Wa nimim ḅẹ́ wa fịị ḅụ ḅọ́rọ́ mú duma bie sọmam; wa mịma nimim tegó wa mịnaapụ ma ḅẹ́lẹ́mam. Amịna mị́naḅọ ḅẹ́lẹ́maghaḅọ gonyẹ́ gonyẹ́ fịị kụ́rọ ma sughubie imii.

1 Jọn 3:24

Tamuno ólóghó ma kokoarịapụ, nnị na Tamuno na gbẹ́rẹ́ḅụ ḅụ imii, Tamuno pịghị nnị na gbẹ́rẹ́ḅụ ḅụ imii. Tamuno ma pa wa pịrịmaá Tẹ́mẹ́ gosi wa nimim ḅẹ́ Tamuno wamịnị na gbẹ́rẹ́ḅụ ḅụ imii.

1 Jọn 5:10

Anịgo Tamuno Tụwọ ma ḅụ mininiḅọ gonyẹ́ gonyẹ́ mịị dugho págháma nyẹ ma nyánam nna tẹ́mẹ́bie, kụ́ma Tamuno mininighaapụ ọ pa epeletiḅọ sọmam, tegó na nnị mininigha Tamuno dughonyẹ ọ Tụwọ ḅụ.

1 Jọn 5:13

A mịị diri ma gịẹ ọ pịrịarị, ọ mịnị Tamuno Tụwọ ma ẹ́rẹ́ ḅụ mininiapụ ḅẹ́, ọ nimi bẹ ḅará ḅẹ́ ọ gbámásó duma nyánam.

1 Jọn 5:15

Ọ wa náa nam wamịnị ọ ḅara nyẹ bi sa gonyẹ́ gonyẹ́, wa pịghị nimiḅara ma ḅẹ́ mịma karakárányẹ, wa pịghị nimim ḅẹ́ wa binyẹ gonyẹ́ gonyẹ́ ọ pa wa pịrịpịrịm.

1 Jọn 5:18

Wa nimim ḅẹ́ Tamuno Tụwọ sọmaaḅọ gonyẹ́ gonyẹ́ sámámgba siinyẹ mịẹ mịẹbịgha, Tamuno Tụwọ ma n kokowarịarị, sii tumḅọ ma sọ ine nyẹ pa n lámábịgha.

1 Jọn 5:20

Wa pịghị nimim ḅẹ́ Tamuno Tụwọ ma ḅomam sị akanyaḅo pa wa pịrịmam, si wa karakárá Tamuno ma nimi, wa karakárá Tamuno ma na gbẹ́rẹ́ḅụ ḅụ imii ọ Tụwọ Jizọs Krais ma na gbẹ́rẹ́ḅụ ḅụ imi. Mịị karakárá Tamuno ma, mịị pịghị duma gbámásó.

Puu Findi 12:9

Opuma dụḅa ḅụọ nyáná ododó ma nnị anị gbi pághámam, anị olom kiri nwángị ododó ma ẹ́kpẹ́dua anịgha Satanị pa sịḅọ, oḅori pa tuminikiri mamgba sịḅọ. Nnị o gbi kórómam tuminikiri, ori na ori sookumuapụ.

Puu Findi 20:3

Sookumuḅọ ma o gbi pa sughu nyánágha póghóló kiri ma bie suam ori ikasii pịghị ọ gbẹpalị, sị ọmịnị ine jẹ́ pa oḅori pa sẹ ma sịbịgha ḅara; ákị muu kụ́rá mmẹẹ́ a ndẹ́ẹ oyia si findi ma kara sáá láa. Anịsáa nnị ọ fị́ma ḅẹm kálá satuo ḅụ.