1 Jọn 5:14 - Ibani New Testament

¹⁴ Mịị wa nyáná tẹ́mẹ́kụ́rọ wamịnị Tamuno fịnị ngaa ḅoarị sa ḅẹ́, ọ tọ́ọ kọ́rọ́ma sị wa binyẹ gonyẹ́ gonyẹ́ ọ pa wa pịrịbẹm.

1 Jọn 5:14 ပူးပေါင်းရင်းမြစ်များ

Matiu 21:22

Ọ ḅọ́rọ́ minini minini ọ binyẹ gonyẹ́ gonyẹ́ tẹ́ghẹ̄ ḅụ ọ nyánáḅobẹm.>>

Ibi Oku Ma Jọn Anị Gịẹ Ḅara 11:42

A nimim ḅẹẹ sáá mamgba ịrị i náa nam, kụ́ma a mịma dughom mịnga sẹfịnịarịapụ ma gosi, nnị minini ḅẹ́ ḅara ḅẹẹ ịrị ị fịrịmam.>>

Ibi Oku Ma Jọn Anị Gịẹ Ḅara 14:13

A pịghị ị́yẹ́ ẹrẹ ḅụ o binyẹ gonyẹ́ gonyẹ́ mịẹbẹm, Daḅọ ma ị ipine anị ḅụ diepágháma bẹ ḅara Tụwọ ma ḅụ ḅọ́rọ́.

Ibi Oku Ma Jọn Anị Gịẹ Ḅara 15:7

Ọ ḅọ́rọ́ iḅụbie fịnị ị́yẹ́ ẹ́gẹ́rẹ́ ma sọ ọmịna ḅụbie fịnị, ọmịnị ọ dọghụnyẹ gonyẹ́ gonyẹ́ bibẹm nnị pịghị anị pa ọ pịrịbẹm.

Ibi Oku Ma Jọn Anị Gịẹ Ḅara 16:24

Akị ḅoo mị́sa ma láa na ọmịnị gbẹ́rẹ́nyẹ sọ biiagha ị́yẹ́ ẹrẹ ḅụ. O bii ọ pịghị nyánáḅobẹm, ọmịna bieḅẹlẹ pịghị ḅifụfụubẹm.

Ibi Oku Ma Jọn Anị Gịẹ Ḅara 9:31

Wa nimim ḅẹ́ Tamuno siiapụ náa nagha, kụ́ma ḅọ́rọ́ Tamuno dighi ḅáláfaarịḅọ fịnịfịnị sị pịghị o binyẹ mịẹ, anịḅọ ma anịị ọ náarị ḅo.

Ẹ́fịsọsapụ 3:12

Krais na gbẹ́rẹ́ḅụ ḅụ fịnị na wámịna minini ọ ḅụ, wamịnị ine Tamuno tórúku ḅobẹm ḅáláfaghaa ḅụ, pịghị biegbana ḅụ.

Hiburuapụ 10:35

Ọ mịnị ọmịna biekpọma pa ngúmá ma tegó anị opu gbẹ́nyẹ pa ḅo ḅom.

Hiburuapụ 3:14

Wa ḅo Krais bie diekiri nyánámam, wa ḅọ́rọ́ wámịna tarị minini ma ọlọ kụrọma mú kunema ma láa.

Hiburuapụ 3:6

Kụ́ma Krais Tamuno Tụ́wọ, ọ sẹ kụrọm Tamuno wárị ma bie, ori anịị sịbịdáḅọ, wamịnị anịị wárị ma, wa ḅọ́rọ́ wámịna biekpọ na tẹ́mẹ́kụ́rọ ọlọsẹma nḅẹḅẹ́, wa pa ine bịpịkpọ ḅẹnyẹ.

Jems 4:3

Ị pịghị gbíla sa, i nyánaḅogha, tegó i karakárá tẹ́mẹ́bie pa anị bigha, i biiarị nyẹ ma ọ́ pa ịḅụ ngéré na dụrụkụ́.

Jems 5:16

Anịgo ọmịnị ọmịna sii kịẹ jụghọ jụghọ pịrị pịghị tẹ́ghẹ̄ jụghọ jụghọ pịrị, ọmịna obi gwọbẹ ḅara, karakárá ibiamịẹnyẹ tumḅọ kọọ tẹ́ghẹ̄ opuma kụrọfịrị nwángịarị.

1 Jọn 2:28

Pịghị mị́sa, ị́yẹ́ ibi awọ, ọmịnị ọ nana gbẹ́rẹ́ ḅụ ḅụ fịnị, si ori ọ ḅụ diepágháma bẹ sa, wa tẹ́mẹ́kụ́rọ nyánábẹm si téghelébịgha ḅara sị mú ḅọghu ori ḅo ma ḅụ.