1 Jọn 5:11 - Ibani New Testament

¹¹ Dugho págháma nyẹ ma anịị: ḅẹ́ Tamuno gbámásó duma pa wa pịrịmam, mịị duma ma ọ Tụwọ bie anịị anị pịghị fịnịnyẹ.

1 Jọn 5:11 ပူးပေါင်းရင်းမြစ်များ

Matiu 25:46

<>

Ibi Oku Ma Jọn Anị Gịẹ Ḅara 1:19

Mịma anịị Jọn dugho págháma nyẹ, Jerusalem Juuapụ sịbịdaapụ Tamuno fịrịnwangịapụ na Livai furoawọ fịrịma sáá ḅẹẹ n ḅo o gbíla ḅẹẹ, <<Ịrị tụọ mọ?>>

Ibi Oku Ma Jọn Anị Gịẹ Ḅara 1:4

Ọ ḅụbie anịị duma fịnịnyẹ, anị duma ma anịị túminị́ baá ma.

Ibi Oku Ma Jọn Anị Gịẹ Ḅara 10:28

A duma gbámásó pa n pịrịm n pịghị jẹ́ éné jẹ́ éné fịị faábịgha; gbẹ́rẹ́ḅọ sọ ine nnị pughoakịbịgha i ḅarabie.

Ibi Oku Ma Jọn Anị Gịẹ Ḅara 12:50

Daḅọ tọ́ọ ḅọ́rọ́ma maá nyẹ ma tumḅọ daa muu duma gbámásó ḅụ súúarị. Anịgo a dughonyẹ gonyẹ́ gonyẹ́ anịị Daḅọ dugho i pịrịnyẹ sị a dugho.>>

Ibi Oku Ma Jọn Anị Gịẹ Ḅara 14:6

Jizọs pagharam, <

Ibi Oku Ma Jọn Anị Gịẹ Ḅara 19:35

Pághányẹ ma arị owitụ́wọ, ori árịnyẹ dugho pághámamam, ori dugho págháma nyẹ ma pịghị karakáram. O nimim ḅẹ́ ọ karakárányẹ ma dugho dughom, o dughom sị ịrị ma sọ minini bẹ ḅara.

Ibi Oku Ma Jọn Anị Gịẹ Ḅara 3:36

Tụwọ ma ḅụ mininiḅọ gonyẹ́ gonyẹ́ duma gbámásó nyánam, kụ́ma Tụ́wọ ma sịghịḅọ gonyẹ́ gonyẹ́ duma arịbịgha, ḅẹ́ Tamuno igani fịnị n ḅọ pịrịm.>>

Ibi Oku Ma Jọn Anị Gịẹ Ḅara 4:36

Mị́sa ori duasughuarịḅọ ma gbẹ́nyẹ nyanaḅoarị, n ḅọ pịghị sịịmgbọlụ kobiri pa duma gbámásó pịrịarị, sị dụadipiḅọ na pịghị ori duasughuḅọ nnị mamgba bieḅẹlẹ dụrụkụbẹm.

Ibi Oku Ma Jọn Anị Gịẹ Ḅara 4:4

Mị́sa ma ḅụ ọ pịghị Sameriya bie ḅọ́rọ́ nyánam.

Ibi Oku Ma Jọn Anị Gịẹ Ḅara 5:21

Ḅẹẹ Daḅọ ma fịịapụ saghịmaarị ḅara sị duma pa nna pịrị, anị ḅara ma anị Tụ́wọ ma sọ duma pa ọ pịrị dọghụapụ pịrịarị ḅara.

Ibi Oku Ma Jọn Anị Gịẹ Ḅara 5:26

Ḅẹẹ Daḅọ ma ọ ḅụbie duma nyáná ḅara, anị ọ pịghị mịẹsị Tụ́wọ ma duma nyáná o ḅụbie.

Ibi Oku Ma Jọn Anị Gịẹ Ḅara 6:40

Ḅẹẹ Daḅọ ma binyẹ anịị tọ́rụ pa Tụ́wọ ma dighiḅọ gonyẹ́ gonyẹ́ sị ọ minini duma gbámásó nyánábẹm, a pịghị n ḅọ saghịmabẹm kunema éné ma ḅụ.>>

Ibi Oku Ma Jọn Anị Gịẹ Ḅara 6:47

A karakárányẹ ma dugho ọ pịrịm, mininiḅọ gonyẹ́ gonyẹ́ dúmagbámásó nyánam.

Ibi Oku Ma Jọn Anị Gịẹ Ḅara 6:68

Saimọn Pita ọ pagharam, <

Romapụ 5:21

kunema, sii fịị kụ́rọ pa túminị́ taa ḅara ma, anị gbẹ́rẹ́ ḅara ma Tamuno ma tọ́rụ́kụrụkụ́rụ́ ma taám, karakárá ibiamịẹnyẹ ḅụ, sị wamịnị akuoo duma gbámásó bie suu wámịna Nyánáḅọ Jizọs Krais ḅụ ḅọ́rọ́.

Romapụ 6:23

Fịị anịị sii gbẹfịnyẹ, kụ́ma Tamuno diepịrịnyẹ anịị duma gbámásó wámịna Nyánáḅọ Krais Jizọs bie.

1 Timoti 1:16

Kụ́ma mịma gosi Tamuno tọ́rụ́kụrụkụ́rụ́ nyáná i pịrịm, sị ịḅụ ḅọ́rọ́ siiapụ mamgba ḅụ siiḅáapụ, Krais Jizọs ọrẹ kunema nyanagha ngịrịma ma diepághámam pa ọ ḅụ ḅoo minini bẹapụ ma die ọ ḅụ minini sị gbámásó duma nyáná.

Taitọs 1:2

mịị karakárá ma ḅụ ḅọ́rọ́ túminị́ tọ́rụ́ dighinyẹ nyánam gbámásó duma nyáná ḅụ, Tamuno ine epeletibịghaḅọ ma mị duma minini wa pịrịm tuminikiri na saghịgha sa,

1 Jọn 2:25

Mịma anị Krais minininyẹ ḅẹ́ ọ pa wa pịrịbẹm duma gbámásó.

1 Jọn 4:10

Mịma anịị ḅẹlẹma sẹ́pịrịnyẹ: ḅẹgha ḅẹ́ wa Tamuno ma ḅẹ́lẹ́mamam, kụ́ma ori wa ḅẹ́lẹ́mam, warị ọ Tụwọ fịrịma sị ọ ḅụ ḅọ́rọ́ wa siiḅụḅarasi nyáná bẹ ḅara.

1 Jọn 4:9

Tamuno ọrẹ ḅẹlẹma diepágháma wa pịrịm, ori ọrẹ kpọ́kpọ́ gbẹ́rẹ́ Tụwọ pa tuminikiri ma fịrịmam sị wamịnị ọ ḅụ ḅọ́rọ́ duma nyáná bẹ ḅara.

1 Jọn 5:10

Anịgo Tamuno Tụwọ ma ḅụ mininiḅọ gonyẹ́ gonyẹ́ mịị dugho págháma nyẹ ma nyánam nna tẹ́mẹ́bie, kụ́ma Tamuno mininighaapụ ọ pa epeletiḅọ sọmam, tegó na nnị mininigha Tamuno dughonyẹ ọ Tụwọ ḅụ.

1 Jọn 5:20

Wa pịghị nimim ḅẹ́ Tamuno Tụwọ ma ḅomam sị akanyaḅo pa wa pịrịmam, si wa karakárá Tamuno ma nimi, wa karakárá Tamuno ma na gbẹ́rẹ́ḅụ ḅụ imii ọ Tụwọ Jizọs Krais ma na gbẹ́rẹ́ḅụ ḅụ imi. Mịị karakárá Tamuno ma, mịị pịghị duma gbámásó.

1 Jọn 5:7

Tẹ́rẹ́apụ anị onyẹ́sẹ nyẹ:

3 Jọn 1:12

Kị́nị́mamgba Demetirọs ibi dughoarị, karakárá ma so ọ ḅụ ibi dughoarị, wamịnị so ọ ḅụ ibi dughom, ọ pịghị nimim ḅẹ́ wámịna dugho págháma nyẹ ma karakárányẹ.

Judu 1:21

Ọ Tamuno ḅẹlẹma ḅụ ọmịna ḅụ warị ọmịnị Wányánáḅọ Jizọs Krais kụ́rụ́arịsa ḅẹ́ o ḅọ sị duma gbámásó pá ọ́ pịrị ori lolomakúkúbie ḅụ.

Puu Findi 1:2

Jọn warị ori árị nyẹ́ mamgba dugho págháma anịma anịị Tamuno ẹ́gẹ́rẹ́ ma na pịghị Jizọs Krais dugho págháma nyẹ.

Puu Findi 22:1

Sookumuḅọ ma pịghị duma mingi pịrị tọ́rụ́ ma pa i diem, yóri yóriarị sọ́ḅọ́rọ́ mgbọ́lụ iti, Tamuno ma na Ánáná Tụwọ ma imine ḅụ saghị ḅo,