1 Jọn 4:20 - Ibani New Testament

²⁰ Bẹḅọ fịnịfịnị ḅẹẹ, <> anịsọ n ḅọ mị́naḅọ na tarịgha ḅụ fịnị, anị tumḅọ ma epeletiḅọ. Tegó ine amịna mị́naḅọ, n ḅọ tọ́rụ́ pa árịarịḅọ ḅẹ́lẹ́maghaḅọ ine n ḅọ na arịgha Tamuno ma ḅẹ́lẹ́mabịgha.

1 Jọn 4:20 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 13:35

Ọ ḅọ́rọ́ ḅẹlẹma nyáná jụghọ jụghọ pịrị, kị́nị́mamgba nimibẹm ḅẹ́ ọmịnị anịị ị́yẹ́ ọḅụduaapụ.>>

1 Pita 1:8

Ọmịnị ọ ḅẹlẹmam, na ọmịnị ori arịgha so, ọmịnị ọ ḅụ mininim na mị́sa ọmịnị ori arịgha sọ, mị́sa ọdurụkụarị opu bieḅẹlẹ na ipine ḅụ bii nyẹ, ẹ́gẹ́rẹ́ bịpị ine anị dugho pághámabịgha nyẹ,

1 Jọn 1:6

Ḅọ́rọ́ wa ḅẹ́ wa ọ nana miẹgbolomáa nyánam, kụ́ma pa kánákánábie ngaa, epele anị wa tiarị nyẹ, ẹ́gẹ́rẹ́ pụghọ ḅụ na pịghị fịrị ḅara ḅụ.

1 Jọn 1:8

Ḅọ́rọ́ wa ḅẹ́ sii wámịna ḅụ ofori, wamịnị oḅori pa wa ḅụ sịarị, karakáráma sọ wámịna bie ofori.

1 Jọn 2:11

Kụ́ma amịna mị́naḅọ tarịghaḅọ fịnịfịnị n ḅọ kánákáná ma bie imii, pịghị kánákáná ma bie nwángị ikelekelearị, n ḅo nimigha n ḅọ muarị angaá, tegó kánákáná ma n ḅọ tọ́rụ́pụ́mamam.

1 Jọn 2:4

Wa ḅọ́rọ́ ḅẹ́ wa o nimim, kụ́ma wa ọrị ologho ma kokogha, wamịnị epeletiapụ, karakárá ma sọ wámịna biebẹ ofori.

1 Jọn 2:9

Dughoapụ ḅẹ́ n baá bie imi, anịsọ pa nna mị́naḅọ na tarịgha ḅụ fịnị, pa kánákánábie imi ḅo mị́sa ma laam.

1 Jọn 3:17

Tuminikiri ngọ ma nyánáḅọ fịnịfịnị si nyẹ́ pálịma mị́naḅọ árị, kụ́ma mịnị dighi ḅụ́jịrịrị nyáná ọ pịrịgha, ine dughobịgha ḅẹ́ Tamuno ḅẹlẹma n ḅọ ḅụ imi.

1 Jọn 4:12

Gbẹ́rẹ́ḅọ so na Tamuno arịgha, kụ́ma wa ḅọ́rọ́ jụghọ jụghọ ḅẹlẹma, wamịnị na Tamuno na gbẹ́rẹ́ḅụ ḅụ imi. Ori ḅẹlẹma pịghị anị ḅụ mịẹ kpainmamam wámịna bie.