1 Jọn 4:12 - Ibani New Testament

¹² Gbẹ́rẹ́ḅọ so na Tamuno arịgha, kụ́ma wa ḅọ́rọ́ jụghọ jụghọ ḅẹlẹma, wamịnị na Tamuno na gbẹ́rẹ́ḅụ ḅụ imi. Ori ḅẹlẹma pịghị anị ḅụ mịẹ kpainmamam wámịna bie.

1 Jọn 4:12 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 1:18

Gbẹ́rẹ́ḅọ sọ jẹ́ éné na Tamuno arịgha. Kpọ́kpọ́ gbẹ́rẹ́ tụ́wọ ma, ori na Tamuno na gbẹ́rẹ́nyẹ ma, ori ma pịghị Daḅọ ma ngása imi, ori ma pịghị mịẹmam sị wamịnị o nimi.

1 Kọrịntịapụ 13:13

Mị́sa mịná tẹ́rẹ́anyẹ ma imi: minini, tọ́rụ́ dighinyẹ na ḅẹlẹma, kụ́ma nna ḅụ nyẹ mamgba nẹ́ngị nyẹ anịị ḅẹlẹma.

1 Timoti 1:17

Mị́sa kuu na ipine fịnị Gbámásó Ámányánáḅọ ma pịrị Fịịfịghaḅọ, Tọ́rụ́arịghaḅọ, ori ma ngéré anịị Tamuno ma, akị muu ḅẹsá ḅẹsá láa! Anị ọkọ fịnị.

1 Timoti 6:16

ori ngéré anịị fịịbịgha Tamuno ma ori anịị tumḅọ ine sọma mú láabịgha baá ma bie angaá ḅoo. Gbẹ́rẹ́ḅọ sọọ na jẹ́ éné ori arịgha, gbẹ́rẹ́ḅọ sọọ ine ori arịbịgha. Kuu na ịnyọ fịnị ọ pịrị mú gbámásó láa! Anị ọkọ fịnịị.

Hiburuapụ 11:27

Minini anịị Mosis mịẹsị ori Ijipiti wáriso nyẹ ámányánáḅọ ma bieoḅu dighi ḅáláfagha pa. Ọ mini ọḅụdagha sọ ḅọ́rọ́ ọ tọ́rụ́ pa n tọ́rụ́ pa árịrịgha Tamuno ma arịm.

1 Jọn 2:5

Ori ẹ́gẹ́rẹ́ ma dughonyẹ mịẹ ḅo gonyẹ́ gonyẹ́, n ḅọ ḅụ anịị wa nyáná Tamuno pịrị ḅẹlẹma ma káara nyẹ. Wa pa nimi bẹ ḅara ḅẹ́ wa Tamuno na bịpị ogbo sua nyanam anịị:

1 Jọn 3:24

Tamuno ólóghó ma kokoarịapụ, nnị na Tamuno na gbẹ́rẹ́ḅụ ḅụ imii, Tamuno pịghị nnị na gbẹ́rẹ́ḅụ ḅụ imii. Tamuno ma pa wa pịrịmaá Tẹ́mẹ́ gosi wa nimim ḅẹ́ Tamuno wamịnị na gbẹ́rẹ́ḅụ ḅụ imii.

1 Jọn 4:16

Wa nimim pịghị minini Tamuno nyáná wa pịrị ḅẹlẹma. Tamuno ori anị ḅẹlẹma. Ḅẹlẹma ḅụ ngaaḅọ gonyẹ́ gonyẹ́ Tamuno na gbẹ́rẹ́ ḅụ ḅụ imii, Tamuno sọ nḅọ na gbẹ́rẹ́ ḅụ ḅụ imim.

1 Jọn 4:20

Bẹḅọ fịnịfịnị ḅẹẹ, <> anịsọ n ḅọ mị́naḅọ na tarịgha ḅụ fịnị, anị tumḅọ ma epeletiḅọ. Tegó ine amịna mị́naḅọ, n ḅọ tọ́rụ́ pa árịarịḅọ ḅẹ́lẹ́maghaḅọ ine n ḅọ na arịgha Tamuno ma ḅẹ́lẹ́mabịgha.

1 Jọn 4:6

Wamịnị Tamuno ju saghịḅom, Tamuno nimiḅọ gonyẹ́ gonyẹ́ wa pughu pughum, Tamuno ju saghị ḅoghaapụ wa púghú pughugha. Mịị ḅara ma anịị wa karakárá ma Tẹ́mẹ́ lighilighi ḅoarị ḅara epeleti tẹ́mẹ́ ḅụ.