1 Jọn 4:10 - Ibani New Testament

¹⁰ Mịma anịị ḅẹlẹma sẹ́pịrịnyẹ: ḅẹgha ḅẹ́ wa Tamuno ma ḅẹ́lẹ́mamam, kụ́ma ori wa ḅẹ́lẹ́mam, warị ọ Tụwọ fịrịma sị ọ ḅụ ḅọ́rọ́ wa siiḅụḅarasi nyáná bẹ ḅara.

1 Jọn 4:10 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 13:34

<<Ịwọ ologho anịị a pa ọ pịrịnyẹ: ọ jụghọ jụghọ ḅẹlẹma. A ọ ḅẹlẹma maá ḅara ma, ọmịnị sọ pịghị ọkọ pa jụghọ jụghọ ḅẹlẹma.

Ibi Oku Ma Jọn Anị Gịẹ Ḅara 15:16

Ọ mịnị i sẹlẹakịgha, kụ́ma ịrị ọ sẹ́lẹ́akịm sị tọ́ọ ọ pịrị ḅẹ́ o muu sịịmgbọlụ sua, anịị fịnị bẹ sịịmgbọlụ. Anịsáa ọ Daḅọ ma ḅara binyẹ binyẹ gonyẹ́ gonyẹ́ iyẹ ẹrẹ ḅụ, ori anị pa ọ pịrịbẹm.

Ibi Oku Ma Jọn Anị Gịẹ Ḅara 3:16

<

Ibi Oku Ma Jọn Anị Gịẹ Ḅara 6:51

Irị anị sobie sághị kóróḅo dúmafịnị fịtúrú ma. Mịị fịtúrú ma fị ḅọ gonyẹ́ gonyẹ́, duma gbámásóbẹm. Mịị fịtúrú ma anịị ị́yẹ́ ojumẹnị, a pịrị sị tuminikiri gbọrụ duma bẹnyẹ.>>

Hiburuapụ 2:17

Mịma dughoarị ḅẹẹ, ori ọrẹ a mịnaapụ fịnị ḅára fịnịbẹm asọ mamgba ḅụ si ori ine nna tọ́rụ́kụrụkụ́rụ́ nyáná sẹ kụrọ igwagwaá áláḅọ sọ bẹ ḅara ọ nwángị Tamuno pịrịarị fịrị, sị ori ine túminị́ ma sii sịrị si bẹ igwagwaá bẹ ḅara.

1 Pita 2:24

Krais o ḅụgbọrụ wámịna sii ma dighiákịm ori oju mgbẹsẹ sị́ ma ọgọnọ, si wa fịị́ siiamịẹnyẹ pịrị, sị duma karakárányẹ ma pịrị, ori oju kii ḅụ ḅọ́rọ́ anị ọ ḅụ gwọọ nyanamaá nyẹ.

1 Pita 3:18

Tegó Krais fịị sii pịrịm gbẹ́rẹ́sa ngéré, karakárá ibiamịẹnyẹḅọ siiapụ sịbị go fịịm ori ọmịnị akuoo Tamuno pịrịị bẹ ḅara. Túminị́ ojumẹnị ḅụ ọ ḅám, kụ́ma Tamuno mịẹm o duma fịnịị tẹ́mẹ́ju,

1 Jọn 2:2

Krais, ọḅụ anị wa ḅọ́rọ́ sị siiḅụḅarasipịrị nyánáarị nyẹ, wámịna sii ngéréghaa, kụ́ma tuminikiri gbọrụ sii.

1 Jọn 3:1

Dighii Daḅọ ma wa ḅẹlẹma láa ḅara! Ori ḅẹlẹma opuma dụḅam sị túminị́ wa sịarị Tamuno awọ wamịnị ma anị karakáráma Tamuno ma awọ! Tuminikiri ma wa nimigha nnị Tamuno ma nimigha gosi.

1 Jọn 4:19

Wa ḅẹlẹma nyanam tegó Tamuno parị wa ḅẹ́lẹ́mam.

1 Jọn 5:11

Dugho págháma nyẹ ma anịị: ḅẹ́ Tamuno gbámásó duma pa wa pịrịmam, mịị duma ma ọ Tụwọ bie anịị anị pịghị fịnịnyẹ.