1 Jọn 3:6 - Ibani New Testament

⁶ Krais na gbẹ́rẹ́ḅụ ḅụ fịnịḅọ gonyẹ́ gonyẹ́ sámámgba ḅụ siiamịẹnyẹ mịẹmịẹgha kụ́ma sámámgba siiamịẹnyẹ mịẹarịḅọ gonyẹ́ gonyẹ́ na Krais arịgha anịgha Krais ma nimi.

1 Jọn 3:6 ပူးပေါင်းရင်းမြစ်များ

2 Kọrịntịapụ 3:18

Wamịnị kị́nị́mamgba tórúku gbẹ́gha pa Kị́nị́nyánáḅọ ipine ma arịm anị bia wámịna tọ́rụ́bie sọọ ḅara, wa pịghị dima dima si pịghị okịkaarị ḅara, sámámgba ḅụ sẹnịarị ipine Kị́nị́nyánáḅọ ḅara saghị ḅo nyẹ ori anịị Tẹ́mẹ́ ma.

2 Kọrịntịapụ 4:6

Dugho Tamuno ma ḅẹẹ, <> Mịị gbẹ́rẹ́ Tamuno ma anị mịẹsị ọri baá bia wámịna tẹ́mẹ́bie sọọ nyẹ. Mịma ḅụ ḅọ́rọ́, wa Tamuno ipine nimi ḅụ sághị ḅoarị baá ma nyanam biarị nyẹ Krais tọ́rụ́ ogbo.

1 Jọn 2:28

Pịghị mị́sa, ị́yẹ́ ibi awọ, ọmịnị ọ nana gbẹ́rẹ́ ḅụ ḅụ fịnị, si ori ọ ḅụ diepágháma bẹ sa, wa tẹ́mẹ́kụ́rọ nyánábẹm si téghelébịgha ḅara sị mú ḅọghu ori ḅo ma ḅụ.

1 Jọn 2:3

Wa ḅọ́rọ́ Tamuno ologho ma koko, wa biekụ́rọ nyánábẹm ḅẹ́ wamịnị o nimim.

1 Jọn 2:4

Wa ḅọ́rọ́ ḅẹ́ wa o nimim, kụ́ma wa ọrị ologho ma kokogha, wamịnị epeletiapụ, karakárá ma sọ wámịna biebẹ ofori.

1 Jọn 3:2

Ị́yẹ́ ibi nangwọapụ, mị́sa wamịnị Tamuno awọ, kụ́ma túminị́ na nimigha wa kịka bẹnyẹ, kụ́ma wa nimim ḅẹ́ Krais ọ ḅụ die sa, wamịnị ọ fịnị ḅara fịnịbẹm, tegó wamịnị ori árịbẹm ọ fịnị ḅara.

1 Jọn 3:9

Tamuno tụ́wọ gonyẹ́ gonyẹ́ sámámgba siiamịẹnyẹ mịẹmịẹgha, tegó Tamuno ma fị́nị́ ḅára nna ḅụbie imi, Tamuno ma pịghị nna Daa gosi, nnị ine sámámgba ḅụ siinyẹ mịẹbịgha.

1 Jọn 4:8

Ḅẹlẹma ḅẹ́lẹ́maghaḅọ gonyẹ́ gonyẹ́ Tamuno nimigha, tegó Tamuno ori anịị ḅẹlẹma.

1 Jọn 5:18

Wa nimim ḅẹ́ Tamuno Tụwọ sọmaaḅọ gonyẹ́ gonyẹ́ sámámgba siinyẹ mịẹ mịẹbịgha, Tamuno Tụwọ ma n kokowarịarị, sii tumḅọ ma sọ ine nyẹ pa n lámábịgha.

3 Jọn 1:11

Ị́yẹ́ ibi nangwọḅọ, Gayọs siiamịẹnyẹ daa nyẹ mịẹma, kụ́ma ibinyẹ daa nyẹ mịẹ. Ibinyẹ mịẹarịḅọ gonyẹ́ gonyẹ́ Tamuno ju saghịḅom. Siinyẹ mịẹarịḅọ gonyẹ́ gonyẹ́ na Tamuno nimigha.