1 Jọn 3:21 - Ibani New Testament

²¹ Anịgo ị́yẹ́ ibi nangwọapụ, ḅọ́rọ́ wámịna tẹ́mẹ́bie wa dighi iganịgha wa biekpọ nyánam Tamuno ma tórúku.

1 Jọn 3:21 ပူးပေါင်းရင်းမြစ်များ

Romapụ 14:22

I minini nyẹ gonyẹ́ gonyẹ́ mịnanyẹ ma gbolomanyẹ pa ịrị na Tamuno ogboku wárii. Karịiḅi fịnịị ọ pịrị amịna tẹ́mẹ́ ḅẹ́rẹ́kọ sịrị pa pịrịghaḅọ, anị n ḅọ árị sị mịẹnyẹ ḅẹ́ karakáram.

1 Kọrịntịapụ 4:4

I tẹ́mẹ́bie fiafiam, kụ́ma anị dughoghaa ḅẹẹ na a jẹ́ éné siinyẹ mịẹghaa. Kị́nị́nyánáḅọ ma ori anịị i sịbị ḅẹ́rẹ́kọḅọ

2 Kọrịntịapụ 1:12

Wa bịpịkpọm ḅẹẹ wámịna tẹ́mẹ́bie kụ́rọ kúkúbie pa wa pịrịm ḅẹẹ wámịna duma mị tuminikiri wa pịghị ibima ó nana nyáná gboloma mịẹnyẹ ma, ọ́ Tamuno ḅara sághị ḅo karakárá, na gbụ́nụ́nụ́ na Tamuno tọ́rụ́kụrụkụ́rụ́ kụ́rọ ḅụ ḅọ́rọ́ tumḅọ nyẹ́nimi ḅụ ḅọ́rọ́gha pa.

Ẹ́fịsọsapụ 3:12

Krais na gbẹ́rẹ́ḅụ ḅụ fịnị na wámịna minini ọ ḅụ, wamịnị ine Tamuno tórúku ḅobẹm ḅáláfaghaa ḅụ, pịghị biegbana ḅụ.

1 Timoti 2:8

Tamuno kobiri gonyẹ́ gonyẹ́, a bim ḅẹ́ owiapụ ma tẹ́ghẹ̄ kọọ, tọ́ntọ́ ḅụ ḅara sághị so daa sị tẹ́ghẹ̄, bie akụgha ḅụ anịgha kị́nị́ na kamsọgha ḅụ.

Hiburuapụ 10:22

Anịgo wa ibi kúkúbie na karakárá minini pa sọma Tamuno fịnị angaá ḅo, pịghị nnị ibima sịrị maá ḅẹ́rẹ́ḅarasi kúkúbie na pịghị n fíafía mingi pa sịrịmaa oju.

Hiburuapụ 4:16

Wa tẹ́mẹ́kụ́rọ nyáná sị sọma Tamuno imine ma fịnị angaá ḅo, tọ́rụ́kụrụkụ́rụ́ fịnị angaá. Anị angaá wa lolomakúkúbie nyánáḅobẹm pịghị tọ́rụ́kụrụkụ́rụ́ dọghụḅọ pa ḅárásua wa pịrị wamịnị anị dọghụ sa.

1 Jọn 2:28

Pịghị mị́sa, ị́yẹ́ ibi awọ, ọmịnị ọ nana gbẹ́rẹ́ ḅụ ḅụ fịnị, si ori ọ ḅụ diepágháma bẹ sa, wa tẹ́mẹ́kụ́rọ nyánábẹm si téghelébịgha ḅara sị mú ḅọghu ori ḅo ma ḅụ.

1 Jọn 2:7

Ị́yẹ́ ibi nangwọapụ, a ịwọ ólóghó gịẹ ọ fịrịmagha, kụ́ma sughu saghị sa éné éné ọ namaa olom ólóghó ma. Mịị olom ólóghó ma anịị ọ namaa oku ma.

1 Jọn 3:2

Ị́yẹ́ ibi nangwọapụ, mị́sa wamịnị Tamuno awọ, kụ́ma túminị́ na nimigha wa kịka bẹnyẹ, kụ́ma wa nimim ḅẹ́ Krais ọ ḅụ die sa, wamịnị ọ fịnị ḅara fịnịbẹm, tegó wamịnị ori árịbẹm ọ fịnị ḅara.

1 Jọn 3:20

Ḅọ́rọ́ wámịna tẹ́mẹ́bie wa dighi igani igani, wa nimibẹm ḅẹ́ Tamuno wámịna tẹ́mẹ́bie nẹngịm, ọ pịghị nyẹ gonyẹ́ gonyẹ́ nẹngịm.

1 Jọn 4:17

Mịị ḅara ma, ḅẹlẹma anị ḅụ mịẹ kpainmamam wámịna bie, wa pịghị ine tẹ́mẹ́kụ́rọ nyánábẹm ḅẹ́rẹ́kọ éné ma, tegó mị tuminikiri ma ḅụ, ọ fịnị ḅára anịị wa fịnị ḅara.

1 Jọn 5:14

Mịị wa nyáná tẹ́mẹ́kụ́rọ wamịnị Tamuno fịnị ngaa ḅoarị sa ḅẹ́, ọ tọ́ọ kọ́rọ́ma sị wa binyẹ gonyẹ́ gonyẹ́ ọ pa wa pịrịbẹm.