1 Jọn 3:16 - Ibani New Testament

¹⁶ Mịị ḅara ma anịị wa ḅẹlẹma pa sị nyẹ nimibẹnyẹ: ḅẹ́ Krais ori duma pa igwagwaá wa pịrịm, wamịnị so wámịna duma pa igwagwaá mịnaapụ ma pịrị.

1 Jọn 3:16 ပူးပေါင်းရင်းမြစ်များ

Matiu 20:28

Anị gbẹ́rẹ́ ḅara ma Tumḅọ yii Tụ́wọ ma ḅogha ḅẹ nnị fịrịnwangị ọ pịrị, kụ́ma ori fịrịnwangị kị́nị́ pịrị sị ori duma pa tọghaapụ sịbị sáá gbẹm.>>

Ibi Oku Ma Jọn Anị Gịẹ Ḅara 10:11

<

Ibi Oku Ma Jọn Anị Gịẹ Ḅara 10:15

Daḅọ ma ị nimiḅara anịị a Daḅọ ma nimiḅara a pịghị ị́yẹ́ duma saghị kóróma ánáná ma pịrịm.

Ibi Oku Ma Jọn Anị Gịẹ Ḅara 13:34

<<Ịwọ ologho anịị a pa ọ pịrịnyẹ: ọ jụghọ jụghọ ḅẹlẹma. A ọ ḅẹlẹma maá ḅara ma, ọmịnị sọ pịghị ọkọ pa jụghọ jụghọ ḅẹlẹma.

Ibi Oku Ma Jọn Anị Gịẹ Ḅara 3:16

<

Fịrị Ḅara 20:28

Ọ tọ́rụ́ pa kiri lama ọmịna ḅụ pịrị, na pịghị Tọ́ntọ́ Tẹ́mẹ́ ma saghị ọ ḅarabie sua ánáná awọ ma pịrị. Ọmịnị ánánákúrúapụ dighi Tamuno sọsị ma pịrị, ori ọ tụwọ ọmbịnyẹ́ pa fẹ nyẹ.

Romapụ 16:4

Nnị nna duma balagha i sịbị go. Irị ngéréghaa kụ́ma Juughaapụ mamgba sọsị gbọrụ nnị dighi bieḅẹlẹm.

Romapụ 5:8

Kụ́ma Tamuno diepághámamam ọ wa ḅẹlẹma láa ḅara: wa pa siinyẹ bie fịnị sa Krais fịị wa pịrịm.

2 Kọrịntịapụ 4:12

Mịma dughoarị ḅẹ́ fịị fịrịwangịarị wámịna duma bie, kụ́ma duma fịrịwangịarị ọmịna bie.

Ẹ́fịsọsapụ 5:2

Ḅẹlẹma pịghị ọmịna duma bie ḅẹrẹtọ, Krais sọ wa ḅẹlẹma ḅara sị ọ ḅụ pa ibima kụ́nụ́ agbaa mịẹ na igwagwaá Tamuno pịrị.

Ẹ́fịsọsapụ 5:25

Deeapụ ọmịnị ọmịna taapụ ḅẹlẹma, Krais Tamuno kubiri ogbo ma ḅẹlẹma ḅara sị fịị anị pịrị.

Filipaiapụ 2:17

Didighigha nnị ị́yẹ́ ọmbịnyẹ́ pa ọmịna minini mịẹ pa Tamuno pịrị ágbáa ma ḅụ karị sárábẹm anị ḅọ́rọ́ ọkọfịnị fịnị. I bieḅẹlẹm ḅẹ a ọmịnị kị́nị́mamgba na bieḅẹlẹ.

Filipaiapụ 2:30

Tegó ori ọrẹ duma balagha gosi kálányẹ kọọm o fịị Krais fịrị ma gosi, sị ori ine ọmịnị ine suaipịrịgha ḅárásua sua pịrịị.

1 Tẹsalonaikaapụ 2:8

Wa nyáná ọ pịrị ḅẹlẹma gosi, wa tẹ́lẹ́mamam ibi oku ma ngéréghaa wa dugho wásáma ọ pịrị ḅẹnyẹ kụ́ma wámịna duma sọ tegó ọmịnị opuma wa ḅụ nyẹ́lam.

Taitọs 2:13

wa boma éné ma kúruarị sa, wámịna tọ́rụ́ dighinyẹ nyáná éné ma anịị wámịna opu Tamuno na wámịna Dụaḅọ́rọ́maḅọ Jizọs Krais ipine na ḅo bẹ sa.

1 Pita 1:18

Ọ nimim ọ sịbị mgbe sáá sị pa ọ dụapághámaḅo ọmịna tádọ́apụ ḅọ́rọ́ma ọ pịrị ofori ofori duma bie. Anị odoḅala anịgha pị́naḅala fịnị ḅara fịnịgha, tumḅọ ine álála sima bẹnyẹ.

1 Pita 2:24

Krais o ḅụgbọrụ wámịna sii ma dighiákịm ori oju mgbẹsẹ sị́ ma ọgọnọ, si wa fịị́ siiamịẹnyẹ pịrị, sị duma karakárányẹ ma pịrị, ori oju kii ḅụ ḅọ́rọ́ anị ọ ḅụ gwọọ nyanamaá nyẹ.

1 Pita 3:18

Tegó Krais fịị sii pịrịm gbẹ́rẹ́sa ngéré, karakárá ibiamịẹnyẹḅọ siiapụ sịbị go fịịm ori ọmịnị akuoo Tamuno pịrịị bẹ ḅara. Túminị́ ojumẹnị ḅụ ọ ḅám, kụ́ma Tamuno mịẹm o duma fịnịị tẹ́mẹ́ju,

1 Jọn 2:6

Bẹḅọ gonyẹ́ gonyẹ́ ḅẹ́ n ḅọ Tamuno na bịpị pa ogbo sua nyanam, duma kọọ Jizọs Krais duma kọọ ḅara.

1 Jọn 2:9

Dughoapụ ḅẹ́ n baá bie imi, anịsọ pa nna mị́naḅọ na tarịgha ḅụ fịnị, pa kánákánábie imi ḅo mị́sa ma laam.

Puu Findi 1:5

Na pịghị Jizọs Krais ḅara, karakárá onyésẹ̄ḅọ ma, parị fịị ḅụ saghị ḅọ ori anịị pịghị tuminikiri ámányánáapụ ma táarịḅọ. Ọ wa ḅẹ́lẹ́mam, ori ọrẹ ọmbịnyẹ́ pa wa dụaḅọ́rọ́māmám wámịna sii ḅụ.

Puu Findi 5:9

Nnị ịwọ núme sum ḅẹẹ: <