1 Jọn 3:12 - Ibani New Testament

¹² Wa Keni fịnị ḅára fịnịbịgha; ori sii tumḅọ ma nyẹẹ, ori o numboru Ebẹl fomḅam. O tegó o fomḅáa? Tegó ori amịẹnyẹ karakáragha gosi kụ́ma o numboru owitụ́wọ mịẹnyẹ karakáram.

1 Jọn 3:12 ပူးပေါင်းရင်းမြစ်များ

Matiu 13:19

Asọogbo sóórókoro sịmgbọ́lụ ma sẹ́pịrịnyẹ anịị ásẹ́mẹ́kiri ma ibi oku naapụ, kụma akanyaḅogha, sii tumḅọ ma warị ḅoo nna tẹ́mẹ́bie n dipi sịmgbọ́lụ ma pughọakị.

Matiu 13:38

Duakiri ma anịị tuminikiri ma, ibi sịmgbọ́lụ ma anịị ásẹ́mẹ́kiri ma awọ, owi osuka ma anịị sii tumḅọ ma awọ,

Matiu 23:35

Anịgosi tuminikiri nnị ọ sụụ karakárá ibiamịẹnyẹ ọmbịnyẹ́ ọmịna sịbị gbánabẹm karakárá ibiamịẹnyẹḅọ Ebẹl ọmbịnyẹ́ akị muu Zakaraya Ḅẹrẹkaya tụwọ ọmbịnyẹ́ ọ ḅáapụ Tamunoopuwarị ma bie, ẹ́bẹ ma na tọ́ntọ́ yọ ma ogboku.

Matiu 27:23

Paileti gbilam, <> Kụ́ma nnị ilúghú anị ḅara nẹngịmam, <<Ọ ḅaupálị!>>

Matiu 5:37

Árị ḅẹ́ ị́yẹ́ innh, innh dighi ị́yẹ́ errnh errnh, errnh errnh mịma nẹ́ngịma nyẹ fịnịfịnị anịị anị ẹ́kpẹ́dua ma ḅara saghịḅom.

Ibi Oku Ma Luk Anị Gịẹ Ḅara 11:51

Ebẹl n ḅáḅọ akị muu Zakaraya láa, n ḅáḅọ agba mịẹ yọ ma na Tọ́ntọ́ yọ ma ogboku. Innh, a dugho ọ pịrịm, mịsaapụ ma anị tọ́rụ́siarị mamgba árịbẹm.

Ibi Oku Ma Jọn Anị Gịẹ Ḅara 10:32

Kụ́ma Jizọs nnị ḅẹm, <>

Ibi Oku Ma Jọn Anị Gịẹ Ḅara 8:40

Anị fịnị ḅara ma, ọmịna tẹ́mẹ́bie ọ tọ́ọ ḅọ́rọ́mamam ḅẹẹ ọmịnị i ḅáabẹm, irị Tamuno ḅara a náa karakárá ma dugho ọ pịrịmaá ḅo. Ebraham ọkọfịnị nyẹ mịẹgha.

Ibi Oku Ma Jọn Anị Gịẹ Ḅara 8:41

Ọmịna daá mịẹnyẹ anịị ọ mịẹarịnyẹ.>> Nnị pagharam, <>

Fịrị Ḅara 7:52

Gbẹ́rẹ́ ikiakoroḅọ sọ ofori, ọmịna tádọ́apụ n tọ́rụ́ pa, siiarịmagha ḅọ. Nnị Tamuno oku muapụ gbolomanyẹ dugho pághámaḅo. Mị́sa ọmịnị ọ dẹ́rịfịmam pighi ọ timiḅamam.

1 Tẹsalonaikaapụ 2:14

Wámịna Daa awọ, ọ ḅụ pághányẹ anị pịghị Judiya ḅụ fịnị Tamuno sọsị sọsị ma ḅụ pághányẹ, na anị ngá fịnị sị Krais Jizọs ḅụ mininiapụ. Ọmịnị árị tọ́rụ́siarị ma ọmịna amaapụ ma ḅara anịị nnị pịghị árị tọ́rụ́siarị Juuapụ ma ḅara.

Hiburuapụ 11:4

Minini ḅụ anịị Ebẹl ḅọ́rọ́ ibiḅaa agbaa mịẹ Tamuno pịrị o numboru owitụ́wọ Keni nẹ́ngị nyẹ. Minini ḅụ ḅọ́rọ́ Tamuno ori ákịm karakárá ibiamịẹnyẹḅọ ḅara. Tamuno o dugho ibimam ori agbaa gosi. Minini ḅụ ḅọ́rọ́ Ebẹl pa ẹ́gẹ́rẹ́arị, ọ fịịmam mḅẹ́sọ.

Hiburuapụ 12:24

O Jizọs dámáḅómam, ịwọ ọḅọọ ma dẹghẹ karakárámaḅọ, na pịghị n sanị ọmbịnyẹ́ ibinyẹ mini Ebẹl ọmbịnyẹ́ nẹ́ngị nyẹ.

1 Pita 4:4

Mị́sa ma ḅụ Tamuno nímighaapụ ma anị n tọ́rụ́ bulubulumaarị o go mịnị n dua ḅara la ḅara la ḅara duma ma kọgha nyẹ, anịma go n warị o dugho simam.

1 Jọn 3:8

Sámámgba ḅụ fịnị sị siiamịẹnyẹ mịẹarịḅọ gonyẹ́ gonyẹ́ fịnị ẹ́kpẹ́dua pịrịm, tegó ẹ́kpẹ́dua ma Sughu saghị sa éné éné siinyẹ mịẹarị. Mịma go anịị Tamuno Tụwọ ma go ḅo nyẹ sị ori ẹ́kpẹ́dua ma fịrị mamgba sima bẹ ḅara.

Judu 1:11

Anị opuma sii n pịrịbẹm! Nnị Keni asọ duamam, igbii gosi nnị n ḅụ pa Balaam mịẹ irima nyẹ ma ḅụ suumam. Nnị Kora kụrọsịbịbie mịẹḅara pa nyẹ mịẹm, anị gbẹ́rẹ́ ḅara ma anịị n pịghị n guluguluma ḅara.

Puu Findi 17:6

A pịghị arịm ḅẹẹ ọ́rụ́ḅọ ma a Tamuno túminị́ ma ọmbịnyẹ́ ḅuu tọ́rụ́ḅámam na pịghị n ḅáapụ ma ọmbịnyẹ́ tegó n sẹ́kụrọ Jizọs pịrịm gosi. A árị arịị sáá, anị opuma i tọ́rụ́ bulubulumam.