1 Jọn 2:6 - Ibani New Testament

⁶ Bẹḅọ gonyẹ́ gonyẹ́ ḅẹ́ n ḅọ Tamuno na bịpị pa ogbo sua nyanam, duma kọọ Jizọs Krais duma kọọ ḅara.

1 Jọn 2:6 ပူးပေါင်းရင်းမြစ်များ

Matiu 11:29

Iyẹ kọ́ngọ sua sị ma sua, sị i ḅara nyẹ dáwọ, ḅẹẹ a diin pịghị ḅụ sitéréma tẹ́mẹ́ nyánam, ọ pịghị ịnyọ́sárá nyáná ḅo ọmịna tẹ́mẹ́ pịrịbẹm.

Ibi Oku Ma Jọn Anị Gịẹ Ḅara 13:15

A anị kịkamanyẹ mịẹ pa ọ diemam, ọmịnị sọ a mịẹ ọ pịrịmaá ḅara ma mịẹbẹ ḅara.

Ibi Oku Ma Jọn Anị Gịẹ Ḅara 15:10

Ọ ḅọ́rọ́ ị́yẹ́ ologho ma koko koko, ọmịnị ị́yẹ́ ḅẹlẹma ḅụ fịnịbẹm, ịrị ma sọ Daḅọ ma ologho koko sị ori ḅẹlẹma ḅụ fịnị ḅara.

1 Kọrịntịapụ 11:1

Ọmịnị i ḅụọ dua, irịsọ Krais ḅụọ duaarị ḅara.

Ẹ́fịsọsapụ 5:2

Ḅẹlẹma pịghị ọmịna duma bie ḅẹrẹtọ, Krais sọ wa ḅẹlẹma ḅara sị ọ ḅụ pa ibima kụ́nụ́ agbaa mịẹ na igwagwaá Tamuno pịrị.

1 Pita 2:21

Mịma sịbị go anịị Tamuno go ọ sị nyẹ ḅẹ́ Krais ọ ḅụgbọrụ tọ́rụ́siarị ọ pịrịm ọ pa ọ ḅarabie nyẹ dáwọ sị ọ ḅụọ dua.

1 Jọn 2:28

Pịghị mị́sa, ị́yẹ́ ibi awọ, ọmịnị ọ nana gbẹ́rẹ́ ḅụ ḅụ fịnị, si ori ọ ḅụ diepágháma bẹ sa, wa tẹ́mẹ́kụ́rọ nyánábẹm si téghelébịgha ḅara sị mú ḅọghu ori ḅo ma ḅụ.

1 Jọn 2:4

Wa ḅọ́rọ́ ḅẹ́ wa o nimim, kụ́ma wa ọrị ologho ma kokogha, wamịnị epeletiapụ, karakárá ma sọ wámịna biebẹ ofori.

1 Jọn 3:24

Tamuno ólóghó ma kokoarịapụ, nnị na Tamuno na gbẹ́rẹ́ḅụ ḅụ imii, Tamuno pịghị nnị na gbẹ́rẹ́ḅụ ḅụ imii. Tamuno ma pa wa pịrịmaá Tẹ́mẹ́ gosi wa nimim ḅẹ́ Tamuno wamịnị na gbẹ́rẹ́ḅụ ḅụ imii.

1 Jọn 3:6

Krais na gbẹ́rẹ́ḅụ ḅụ fịnịḅọ gonyẹ́ gonyẹ́ sámámgba ḅụ siiamịẹnyẹ mịẹmịẹgha kụ́ma sámámgba siiamịẹnyẹ mịẹarịḅọ gonyẹ́ gonyẹ́ na Krais arịgha anịgha Krais ma nimi.

1 Jọn 4:17

Mịị ḅara ma, ḅẹlẹma anị ḅụ mịẹ kpainmamam wámịna bie, wa pịghị ine tẹ́mẹ́kụ́rọ nyánábẹm ḅẹ́rẹ́kọ éné ma, tegó mị tuminikiri ma ḅụ, ọ fịnị ḅára anịị wa fịnị ḅara.