1 Jọn 2:28 - Ibani New Testament

²⁸ Pịghị mị́sa, ị́yẹ́ ibi awọ, ọmịnị ọ nana gbẹ́rẹ́ ḅụ ḅụ fịnị, si ori ọ ḅụ diepágháma bẹ sa, wa tẹ́mẹ́kụ́rọ nyánábẹm si téghelébịgha ḅara sị mú ḅọghu ori ḅo ma ḅụ.

1 Jọn 2:28 ပူးပေါင်းရင်းမြစ်များ

Matiu 16:27

Ḅẹẹ, Tumḅọ yii Tụwọ ma ọ ḅobẹm ọ Daa ma ipine ḅụ na ori sookumuapụ na, anịsáa ori ọ́rụ́ḅọ ọ́rụ́ḅọ gbẹ́bẹm n ḅo nwángịmáa fịrị láa ḅara ḅụ.

Matiu 16:28

A karakárányẹ ma dugho ọ pịrịm, jẹapụ mịnga sẹ́fịnịarịapụ fịịbịgha akị muu n Tumḅọ yii Tụwọ ma árị ḅoarị ori ásẹ́mẹ́kiri ḅụ.>>

Ibi Oku Ma Mak Anị Gịẹ Ḅara 8:38

I ḅọ́rọ́ i dighi ḅụ́gịrịrị na pịghị ị́yẹ́ dienyẹ ma dighi ḅụ́gịrịrị, mị Tamuno nimigha na pịghị sisịbịbie éné ma ḅụ, anịsáa Tumḅọ yii Tụ́wọ ma sọ i dighi ḅụgịrịrịbẹm ọ ḅoo bẹ sáá ọ Daa ma ipine ḅụ ori na ori tọ́ntọ́ sookumuapụ.>>

Ibi Oku Ma Luk Anị Gịẹ Ḅara 17:30

<

Romapụ 9:33

Nnị gịẹ kóróma ḅara: <>

1 Kọrịntịapụ 1:7

Ḅẹẹ ókụ́rụ́arị sáá ḅẹẹ Krais Jizọs ḅoo ọ ḅụ die, Tamuno Tẹ́mẹ́ pịrị dienyẹ gbẹ́rẹ́nyẹ sọ ọ gbarịghaa.

1 Kọrịntịapụ 15:23

Ọ́rụ́ḅọ ọ́rụ́ḅọ n ḅo karakárá sáá, Krais ori ma anịị párị, anịsáa ọ pịghịma ḅomaẹrẹ, ọ ḅụ mininiapụ fịị ḅụ saghịbẹm.

Ẹ́fịsọsapụ 3:12

Krais na gbẹ́rẹ́ḅụ ḅụ fịnị na wámịna minini ọ ḅụ, wamịnị ine Tamuno tórúku ḅobẹm ḅáláfaghaa ḅụ, pịghị biegbana ḅụ.

Kolosiapụ 3:4

Krais ọmịna duma ma, ọ ḅụ diepágháma sáá, ọmịnị sọ ọmịna ḅụ diepághámabẹm ipine ḅụ.

1 Tẹsalonaikaapụ 2:19

Ọmịnị ma, ọmịnị ma ngéré jẹ́apugha anịị wámịna tọ́rụ́ dighinyẹ, wámịna bieḅẹlẹ wa go pịghị bịpịkpọarị nyẹ Tamuno wa pa nwángị kárámá maá fịrị Wányánáḅọ Jizọs Krais tórúku o ḅo bẹ sáá.

1 Tẹsalonaikaapụ 3:13

Mịị ḅara ma ori ịnyọ pa ọ ḅụ suabẹm sị mịẹsị ọ kpain pịghị tọ́ntọ́ ḅụ fịnị wámịna Tamuno na Daḅọ ma toruku, wámịna Nyánáḅọ Jizọs ḅo bẹ sa ori na ori tọ́ntọ́apụ.

1 Tẹsalonaikaapụ 5:23

Diin pa wa pịrịarị Tamuno ma, mịẹsị ọ tọ́ntọ́ ḅụ fịnị asọ mamgba ḅụ, sị pịghị ọmịna duma gbọrụ, tẹ́mẹ́ na biebẹ duma na oju ma wárii, bịpị anị ḅụ labịgha ḅara ḅụ, wámịna Nyánáḅọ Jizọs Krais ma ḅo ḅụ.

1 Timoti 6:14

ḅẹẹ ị mịị ologho ma warị, fu ịḅụ gbologha anịgha bịpị ịḅụ laagha pa, akị mú wámịna Nyanaḅọ Jizọs Krais ọ ḅụ die sáá láa,

2 Timoti 4:8

Mị́sa sághị bịpị muu karakárá ibiamịẹnyẹ ogunu fịnị ikuruarị anịị Kị́nị́nyánáḅọ ma karakárá ḅẹ́rẹ́kọḅọ ma pa ị pịrịbẹnyẹ anị éné ma, ịrị ngéréghaa, kụma ḅẹlẹma ḅụ ori ḅoo ma kúruarịapụ mamgba.

Taitọs 2:13

wa boma éné ma kúruarị sa, wámịna tọ́rụ́ dighinyẹ nyáná éné ma anịị wámịna opu Tamuno na wámịna Dụaḅọ́rọ́maḅọ Jizọs Krais ipine na ḅo bẹ sa.

Hiburuapụ 9:28

Anị gbẹ́rẹ́ ḅara ma n Krais pa igwa gwam gbẹ́rẹ́ sáá sị ọ tọgha tọghaapụ sii sịrị si. O pịghịma ḅobẹm mmẹẹ́ kárámá sa, sii gosigha, kụ́ma ori o kúruarịapụ ma dụaḅọ́rọ́ma bẹ ḅara.

1 Pita 1:7

Mịị daádighi ma anịị pa diepágháma ḅẹ́ ọmịna minini ma anịị karakárányẹ ma. Odoḅala sọ, tumḅọ ine sima ḅẹnyẹ, fịnị anị n pa anị daádighi dighinyẹ. Anịma go, ọmịna minini nyẹ́la odoḅala nẹ́ngị nyẹ, n pa daádighi bie sua nyanam sị nimi anị ibi láa ḅara. Anịsa ọ túmíní na ipine na kuu nyánábẹm Jizọs Krais ọ ḅụ die bẹ éné.

1 Pita 5:4

Sị sịbịda Ánánákúrúḅọ ma ḅo sa ọmịnị ipine ogunu nyáná bẹ ḅara anị baá jẹ́ éné jẹ́ éné sịrịfabịgha nyẹ.

1 Jọn 2:1

A mịị diri ma gịẹ ọ fịrịmaarị, ị́yẹ́ awọ, o siinyẹ mịẹbịgha ḅara, kụ́ma siinyẹ mịẹḅọ fịnịfịnị wa sẹ sị Daḅọ tẹ́ghẹ̄arị ḅọ nyanam wámịna sịbị ọgọnọ, ori anịị Jizọs Krais karakáráḅọ ma.

1 Jọn 3:2

Ị́yẹ́ ibi nangwọapụ, mị́sa wamịnị Tamuno awọ, kụ́ma túminị́ na nimigha wa kịka bẹnyẹ, kụ́ma wa nimim ḅẹ́ Krais ọ ḅụ die sa, wamịnị ọ fịnị ḅara fịnịbẹm, tegó wamịnị ori árịbẹm ọ fịnị ḅara.

1 Jọn 3:21

Anịgo ị́yẹ́ ibi nangwọapụ, ḅọ́rọ́ wámịna tẹ́mẹ́bie wa dighi iganịgha wa biekpọ nyánam Tamuno ma tórúku.

1 Jọn 4:17

Mịị ḅara ma, ḅẹlẹma anị ḅụ mịẹ kpainmamam wámịna bie, wa pịghị ine tẹ́mẹ́kụ́rọ nyánábẹm ḅẹ́rẹ́kọ éné ma, tegó mị tuminikiri ma ḅụ, ọ fịnị ḅára anịị wa fịnị ḅara.

1 Jọn 5:14

Mịị wa nyáná tẹ́mẹ́kụ́rọ wamịnị Tamuno fịnị ngaa ḅoarị sa ḅẹ́, ọ tọ́ọ kọ́rọ́ma sị wa binyẹ gonyẹ́ gonyẹ́ ọ pa wa pịrịbẹm.

Puu Findi 1:7

Dighi, ori oḅuto na ḅoarị! Fịnịḅọ fịnịḅọ ori árịbẹm, sụḅa pa o gbiapụ ma sọọ; tuminikiri fịnị túminị́ gonyẹ́ gonyẹ́ dụadu ọ pịrịbẹm. Anịị anị fịnị bẹ ḅara!