1 Jọn 2:16 - Ibani New Testament

¹⁶ Tegó tuminikiri ma bie fịnịnyẹ gonyẹ́ gonyẹ́ siiḅọ tarịarịnyẹ gonyẹ́ gonyẹ́, tọ́rụ́ ma tarịarịnyẹ gonyẹ́ gonyẹ́, túminị́ mịị tuminikiri nyáná sị pa bịpịkpọarị nyẹ na n mịẹarịnyẹ mamgba, gbẹ́rẹ́nyẹ sọ Daḅọ ma ḅara saghị ḅogha, kụ́ma tuminikiri ma bie.

1 Jọn 2:16 ပူးပေါင်းရင်းမြစ်များ

Matiu 4:8

Ẹ́kpẹ́dua ma pịghị sima ọ saghị opuma sóghóló tụ́ndụ tándịm sị tuminikiri amadakiri gonyẹ́ gonyẹ́ pa ọ die na pịghị anị dụḅa láa ḅara.

Matiu 5:28

Kụ́ma a dugho ọ pịrịm tọ́rụ́ pa ọ́rụ́ḅọ dighi sị a nyáná dọghụḅọ gonyẹ́ gonyẹ́ amadọghụ ológhó kórómam n ḅo tẹ́mẹ́bie.

Ibi Oku Ma Luk Anị Gịẹ Ḅara 4:5

Ẹ́kpẹ́dua ọ daa sóghóló yọ múm sị tuminikiri sẹ mamgba pa ó die anị gbẹ́rẹ́ kálá sáá.

Romapụ 13:14

Tụ́ma bịtẹ sua ḅara Kị́nị́nyánáḅọ Jizọs Krais ma sua si mịnị sịbịbie kiẹma ị ḅara warị ojumẹnị ma biiarị siinyẹ pa anị pịrịbẹ ḅara.

1 Kọrịntịapụ 10:6

Mịnanyẹ mamgba kiriakị pa wa diem birinụ́nụ́ ḅara ḅụ ḅẹẹ siinyẹ wa pụghọ tárị ma anị ánị túminị́ ma tárị ḅara,

Galesiaapụ 5:17

Siiamịẹnyẹ ojumẹnị dọghụnyẹ kịrịm Tẹ́mẹ́ ma dọghụarị nyẹ ḅụ, Tẹ́mẹ́ ma dọghụnyẹ pịghị kịrịm siiamịẹnyẹ ojumẹnị ma ḅụ. Mịná mmẹapụ ma iruonaapụ ḅụ imim, anịgosi ị́ ine ị mịẹ na ibinyẹ mịẹgha.

Galesiaapụ 5:24

Krais Jizọs ḅụ fịnịapụ ma gonyẹ́ gonyẹ́ nna ojumẹnị na anị tarịarịnyẹ ma ḅamam sị ánị fịị.

Ẹ́fịsọsapụ 2:3

Wamịnị mamgba nnị kị́kám, sị wámịna duma kọọ ojumẹnị tarịarịnyẹ ḅụ na pighi wámịna kóróma na wámịna ojumẹnị dọghụnyẹ mịẹ. Wámịna siiamịẹnyẹ ojumẹnị ma fịnị ḅara ma, n tọ ḅọ́rọ́mam ḅẹ́ Tamuno igani wa láabẹm anịị anị pịghị fịnị kị́nị́mamgba pịrị ḅara.

Taitọs 2:12

Anị tọ́rụ́kụrụkụ́rụ́ ma diearị ḅẹ́, Tamuno bie ófórigha duma sịghị pịghị tuminikiri ma tọ́rụ ḅẹlẹ sịghị warị ḅụ ọlọ duma kọọ, tụ́ghụ́ sẹ na Tamuno dighi ḅáláfa duma kọọ mị tuminikiri ma ḅụ,

Taitọs 3:3

Wamịnị sọ gbẹ́rẹ́sa biri pịghị oḅorisọm, bịpị osigha, nnị wa daa asọ irima. Wa pịghị omoni sọ wámịna ojumẹnị binyẹ gonyẹ́ gonyẹ́ pịrịm. Wa pịghị wámịna duma kọarị sisịbịbie sua ḅụ, jughonyemọni, jẹapụ imi wa ḅẹ́lẹ́maghaapụ, wamịnị sọ n ḅẹlẹmagha.

Jems 3:15

Ọkọ fịnị opu nyẹ́nimi ma sobie saghị ḅogha, ọ́ mị tuminikiri nyẹ, ojumẹnị nyẹ pịghị sitẹ́mẹ́ nyẹ.

Jems 4:16

Kụ́ma mị́sa ọmịnị opu ibiamịẹnyẹ mịẹarị pịghị bịpịkpọarị, anị bịpịkpọ mamgba karakáragha.

1 Pita 1:14

Ọ Tamuno bịpị pughu, o minima si ọ Tamuno nimigha sa ọ kọmaá olom duma ḅara ma pa ḅẹrẹtọ ọmịna duma pịrị mị́sa.

1 Pita 2:11

A ọ tẹ́ghẹ̄m ịyẹa nángwọ́apụ igoniapụ na biaapụ na mị tuminikiri, ọmịnị sa nyána oju bie mẹnị tarịarịnyẹ ma pịrịma, owu pa sámámgba biebẹ duma ma pághámaarị nyẹ.

2 Pita 2:10

Mịnaapụ anị ịlọ́lị si ojumẹnị tarị nyẹ gonyẹ́ gonyẹ́ mịẹarịapụ si Tamuno kụrọ pa nyẹ́sịghaa. Mị iruo nyẹ́dieapụ ma nnị kụrọ tọ́rụ́ nyánam, pịghị kị́nị́ osigha opuamịẹnyẹ nyáná nnị pịghị ḅáláfagha sị sobie opu sịbịdaapụ ma dughosima.

2 Pita 2:18

Nnị bịpịkpọ na oḅori ẹ́gẹ́rẹ́kọọ kọọm, pịghị ojumẹnị tarịarị siinyẹ ma pa diatughu irima asọ ma bie fịnịapụ ogbobie págháḅoarịapụ pịrị.