1 Jọn 2:14 - Ibani New Testament

¹⁴ A gịẹ ọ fịrịmaarị, daapụ, tegó ọmịnị súghú saghị sa éné éné ḅọ ma nimimam. A gịẹ ọ fịrịmaarị, ásáawọ, tegó ọ kụrọm, Tamuno ẹ́gẹ́rẹ ma pịghị ọmịna bie imim, ọ pịghị siḅọ ma sọḅamam.

1 Jọn 2:14 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 15:7

Ọ ḅọ́rọ́ iḅụbie fịnị ị́yẹ́ ẹ́gẹ́rẹ́ ma sọ ọmịna ḅụbie fịnị, ọmịnị ọ dọghụnyẹ gonyẹ́ gonyẹ́ bibẹm nnị pịghị anị pa ọ pịrịbẹm.

Ibi Oku Ma Jọn Anị Gịẹ Ḅara 5:38

ori ẹ́gẹ́rẹ́ so ọmịna tẹ́mẹ́bie ofori, ọ pịghị ọ fịrịmaḅọ ma ḅụ mininigha.

Ibi Oku Ma Jọn Anị Gịẹ Ḅara 8:31

Jizọs warị ọ ḅụ minini Juuapụ ma ḅẹẹ, <<Ọ ḅọ́rọ́ ị́yẹ́ dienyẹ ma ọlọ ọlọ, ọmịnị anịị tụ́ma sị ị́yẹ́ ọḅụduaapụ.

Ibi Oku Ma Jọn Anị Gịẹ Ḅara 8:37

A nimim ḅẹẹ ọmịnị Ebraham furoawọ. Anịsọ ọ pa i baá dọ́ghụm tegó ọ fịnịkiri nyáná ị́yẹ́ ẹ́gẹ́rẹ́ ma pịrịgha.

Ẹ́fịsọsapụ 6:10

Kunema ḅụ, ọ kụrọ sẹ Kị́nị́nyánáḅọ ḅụ, na pịghị ọ ḅụ fịnị opu ịnyọ ḅụ.

Filipaiapụ 4:13

A ine nyẹ gonyẹ́ gonyẹ́ mịẹbẹm Krais ḅụ ḅọ́rọ́, ori ịnyọ pa i pịrịarịḅọ.

Kolosiapụ 1:11

Wa pịghị tẹ́ghẹ́arị ḅẹ́ Kị́nị́nyánáḅọ ori ipine kụ́rọ mamgba pa ịnyọ pa ọ ḅụ sua, anị ḅụ ḅọ́rọ́ ọmịnị ine opu ngịrịma na inema nyáná bẹ ḅara, sị bieḅẹlẹ pịghị ọmịna tẹ́mẹ́bie bii.

Kolosiapụ 3:16

O wáriso sị Krais ẹ́gẹ́rẹ́ ma bifụfụụ́ ḅara pa ọmịna bie ngaa nyẹ pa jụghọ jụghọ die pịghị opu níminyẹ ḅụ jụghọ jụghọ birinụ́nụ́, ọ núme diri ma súu pịghị núme súu pịghị tẹ́mẹ́ju núme suu ọmịna tẹ́mẹ́bie ịmịẹḅam pa Tamuno ḅẹẹarị.

2 Timoti 2:1

Mị́sa, irị i tụwọ, sẹ kụ́rọọ́ wa Krais Jizọs ḅụ nyáná tọ́rụ́kụrụkụ́rụ́ ḅụ ḅọ́rọ́.

Hiburuapụ 8:10

Kị́nị́nyánáḅọ ḅẹ́m ḅẹẹ mị́sa mị anị a Izirẹlịawọ na fị bẹ ọḅọọ, ḅoarị sáá, a ị́yẹ́ ólóghó pa nna kúkúbie suabẹm. A pịghị nna tẹ́mẹ́bie ḅụ gịẹ kórómabẹm. Ịrị nna Tamuno sọ́bẹm nnị pịghị ịyẹa túminị́ sọ́bẹm.

1 Jọn 1:1

Súghú saghị sa fịnịnyẹ ma, wa pịghị namaa nyẹ ma, wa pịghị wamịna tọ́rụ́ pa arịmáa nyẹ ma, wa tọ́rụ́ pa dighim pịghị ḅara pa anị lama, mịma anịị duma ẹ́gẹ́rẹ́ ma wa gịẹ pa ọ fịrịma nyẹ.

1 Jọn 1:10

Ḅọ́rọ́ wa ḅẹ́, na wa siinyẹ mịẹgha, wamịnị epeletiḅọ pa Tamuno sịarị, ori ẹ́gẹ́rẹ́ ma sọ wámịna bie ofori.

1 Jọn 2:13

A gịẹ ọ fịrịmaarị, daapụ, tegó ọmịnị súghú saghị sa éné éné ḅọ ma nimimam. A gịẹ ọ fịrịmaarị, ásáawọ, tegó ọmịnị siiḅọ ma sọḅamam. A gịẹ ọ fịrịmaarị, ị́yẹ́ ibi awọ, tegó ọ Daḅọ ma nimimam.

2 Jọn 1:2

karakárá ma wámịna bie ngam gosi anị pịghị wamịnị na fịnị mú gbámásó lábẹm.

3 Jọn 1:3

Anị opuma ibieḅẹ́lẹ́mam jẹ́ mininiapụ ḅo dugho sa, ị karakárá ma ḅụ sẹ́kụrọ ḅara, ị pa pịghị sámámgba karakáráma ḅụ asọ nwángịarị ḅara.

Puu Findi 2:3

Ọmịnị ngịrịma nyánam, ori ẹrẹ go tọ́rụ́siarịmam ọ pịghị minigha ịnyọ ọ́ḅụ faá.

Puu Findi 2:7

<